mánadagur 28. januar 2013síða 17

17 Mánadagur 28. januar 2013 · Nr. 11 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Einki av hinum liðunum megnar at nerta Mjølnir, sum aftur í vet­ur hevur bygt víðari á sítt góða grund­ ar­lag, ið nú við framúr úrslitum hevur staðið sína roynd seinnu árini. Styrki, royndir og breidd eru trý av fleiri lyklaorðum, ið kunnu brúkast um liðið úr Klaksvík, ið koyr­ir avstað og er greiður favo­ritt­ ur til greipuna í vetur. So mikið einastandandi hevur spælið hjá Mjølni verið í vetur, at bara tvey sett eru tapt, og tí standa á stigatalvuni imponerandi tølini, ið vísa, at Mjølnir hevur vunnið all­ar sínar 15 dystir og hevur sett­ mun­in 45-2! Tað fyrra mista settið var á heima­vølli ímóti Fleyr í fyrsta lands­kappingarumfari og tað seinna ímóti SÍ í fjórða umfari, men síðani er einki mist, sam­ stundis sum stigatalvan vísir, at tað helst verður annað av hesum báð­ um mótstøðuliðunum, ið kemur í finaluna. Leygardagin hevði Mjølnir vitjan av ÍF, sum fekk av at vita og slett ikki fekk víst nakað sum helst, tí Mjølir koyrdi so mikið sannførandi avstað frá byrjan til enda, at ÍF einki av settunum kom upp á tvísifrað tal av vunnum bóltum! Fleyr væl við SÍ hevur tað mesta av vetrinum ver­ ið næstfremst á stigatalvuni, og har var heldur ikki nakar slingur í vals­ inum, tá kvinnurnar úr Kollafirði komu á vitjan leygardagin. SÍ var gjøgnum­gangandi betra liðið og spældi við einari sterkari stammu, ið KÍF slett ikki kundi matsja. Gamaní fekk KÍF bitið eitt sindur frá sær í triðja setti, men tað stóðst helst mest av, at kvinnurnar úr Sør­ vági tóku sær av løttum ímóti end­ anum. Hini bæði liðini, ið hava ligið framvið at koma í FM-finalurnar, hava verið Fleyr og TB, og tey bæði møttust í Gundadalshøllini í gjár, men har megnaði Fleyr at seta ting­ ini so mikið upp á pláss, at TB misti týðandi fet í finalu­kapp­ingini. Hjá Fleyr gekk strúkandi í fyrsta setti, men so kom TB í gongd í øðrum setti og var á odda 20-11, tá Fleyr vann bóltin aftur og Guðrið Syderbø slapp at serva og gjørdi bart, tí hon stegðaði ikki aftur, fyrr enn Fleyr hevði vunnið settið 25-20! TB gavst ikki so, men bleiv við, og í triðja setti bragdaði, men so var eisini liðugt. Fleyr, sum ikki spældi væl í triðja settinum, fekk stýr á tað heila í fjórða og megnaði tá at koyra bæði settið og sigurin heim. Sostatt er Fleyr framvegis væl við í kappingini við SÍ um annað FM- finaluplássið. SÍ hevur trý stig fleiri og munandi betri settmun, men allíkavæl kann nógv henda enn, so her má staðfestast, at kappingin framvegis er opin. Hinvegin er TB nú ov langt afturi til at kunna hótta SÍ, og spurningurin er eisini, um TB hevur neyðugu styrkina til tað. So tað sær altso út til at standa millum SÍ, ið er frægast fyri, og Fleyr, ið skal royna at bjóða av, nú kappingin er farin at halla. Tætt á Toftum Tann dysturin, sum á pappírinum sær mest spennandi út um viku­ skiftið, var dysturin á Toftum í gjár millum Ternuna og Drátt, sum eru tvey av liðunum í niðaru hálvu á stigatalvuni. Men fleiri av teimum eru nokk so jøvn, so tí kann meira enn so koma fyri, at talan er um spenn­andi dystir. Ternan vann 3-0 á Drátti, men sett­úrslitini kundu bent á ein dyst, ið var meira spennandi enn ein van­ ligur 3-0 dystur. Í fyrsta setti vann Ternan 28-26 og so 25-23 í hinum báðum settunum, men hóast hetta, so frætta vit av Toftum, at Ternan hevði gott stýr á tí heila og at tað ongantíð bleiv so spennandi, sum slík tøl kundu bent á. Dráttur møtti ikki við sterkastu manning, men hinvegin gav Ternan sínum yngru spælarum møguleikan hesaferð, og eitt nú fekk ein 14 ára gomul sín fyrsta dyst. Ternan hevði rutinuna á bonkinum, men gjørdi ikki so nógv brúk av henni, burtur­ sæð frá, at akslaskadda Sóley Troleis í tveimum settum kom inn til teir báðar síðstu bóltarnar. Av Toftum verður sagt, at av tí at tær kanska ikki eru so vanar at vinna, kann tað gerast eitt sindur ner­vøst, tá liðið kemur langt fram­ um og so fer at slappa í so nógv av, men hesaferð megnaði liðið at halda fast til tað síðsta, og tí var 3-0 sig­urin tryggari, enn tølini annars kundu bent á. hilmarjan@sosialurin.fo Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 15 15 0 45 2 43 24 2 SÍ 15 12 3 39 10 29 20 3 Fleyr 15 10 5 34 20 14 17 4 TB 15 10 5 31 21 10 14 5 Ternan 15 5 10 20 34 -14 9 6 Dráttur 15 5 12 20 32 -12 8 7 KÍF 15 3 12 13 39 -26 5 8 ÍF 15 0 15 1 3 -44 0 26/01 Mjølnir - ÍF 3-0 (25-9, 25-8, 25-9) 26/01 SÍ - KÍF 3-0 (25-12, 25-7, 25-21) 27/01 Ternan - Dráttur 3-0 (28-26, 25-23, 25-23) 27/01 Fleyr - TB 3-1 (25-11, 25-20, 20-25, 25-19) Eik-ligan kvinnur Tað er Mjølnir – og so rest FLOGBÓLTUR Tað, sum kappingin í Eikliguni hjá kvinnum í vetur snýr seg um, er møguleikin hjá SÍ, Fleyr ella TB at kunna bjóða Mjølni av í FM-finalunum, tí enn einaferð hava klaksvíkskvinnur suverent tað besta liðið Kvinnurnar hjá Mjølni eru í serklassa besta liðið í vetur, og tað kom eisini til sjóndar leygardagin, tá ÍF var á vitjan og fór avstað aftur við ongum Mynd: Álvur Haraldsen Fleyr roynir at kappast við SÍ um at koma í FM-finalurnar, og við at vinna á TB í gjár tók Fleyr eitt stig rætta vegin í tí kappingini, samstundis sum TB datt niður ímillum Mynd: Álvur Haraldsen