mánadagur 11. februar 2013síða 16

Mánadagur 11. februar 2013 · Nr. 17 16 Sosialurin Hugskot og viðmerkingar – send sms til 225000 Ítróttarblaðið Tróndur Arge So megnaði KÍF loksins at vinna eitt gullheiðursmerki. Tað gjørdu teir við at blása StÍF av vøllinum í finaluni og vinna 35-26. Munurin í hálv­leikinum var bara trý mál, men tað sást greitt á leikgongdini, at KÍF var omaná og ætlaði sær steypið. Fyri KÍF var tað Andria Nielsen, sum gekk á odda. Hann skoraði fleiri mál frá høgra bakkinum. Hvørja ferð var talan um kanónskot. Í hin­um endanum var tað bara Sveinur Justinussen, sum traðkaði til. Einsa­mallur helt hann StÍF inni í dystinum við fleiri góðum mál­um, men tá seinni hálvleikur var bara nakrar fáar minuttir gamal var greitt, at KÍF fór at vinna steypa­ final­una. Andrias var fyrireikaður Stóra stjørnan á KÍF liðnum, Andrias Nielsen, var væl fyrireikaður til finaluna. Hann hevur verið skadd­ ur, men hevur vikurnar upp til steypa­finaluna verið partur av lið­ num tá teir hava spælt. – Eg havi alla vikuna hugsað hvat eg skuldi gera í teimum ymisku støðunum, men eg roknaði ikki við at alt fór at rigga so væl, sigur Andrias Nielsen. – Vit hugdu at sjónbanda mynd­ um og hugdu so hvussu teir reagera í teimum ymisku støðunum. Bæði tá tú liggur í songini um kvøldarnar og tá tú ert til arbeiðis, so hugsar tú hvussu tú skal gera, greiður topp­ skjúttin frá víðari. Tað var rímiliga tíðliga í fyrra hálv­leiki, at Andrias gjørdist klárur yvir, at talan fór at blíva um ein góðan dag. – Tað var tað triðja ella fjóðra mál­ið. Eitt langskot. Tá merkti eg at hetta kundi blíva mín dagur, sigur Andrias. Í seinna hálvleiki gongur heilt gali hjá StÍF. KÍF vinnur seg upp á 21-12, áðrenn Alexandur Johansen, venjari hjá StÍF, tekur time-out. Hóast munurin kemur upp á tíggju mál, so heldur Andrias Nielsen ikki at tað var óáhugavert at spæla. – Eg haldi ikki tað er so óáhuga­ vert. Vit koma á odda við tíggju mál­um, so taka teir time-out og so koma teir inn í aftur dystin við fleiri mál­um, greiður Andria frá. StÍF er um at koma inn í aftur coca-cola cup finala KÍF er steypavinn Hondbóltur KÍF vann greiðan sigur á StÍF í steypa­finaluni leygardagin, Munurin gjørdist heili níggju mál. Stóra hetjan var Andrias Nielsen, sum skoraði ikki færri enn 11 mál Gert Hansen: – Hetta kann ikki ganga gali, tað var hvat eg hugsaði. Vit høvdu eina góða kenslu undan dystinum og í dystinum. Einki gongur gali hjá okkum. Vit hava ikki havt so nógvar royndir til hinar finalurnar, men tær royndirnar koma nú. Óla Kristian: – Eg haldi hetta var uppiborið. Vit vóru betra liðið. Vit komu út til seinna hálvleik sum eitt ódnarveður og sleppa at spæla upp á skjótálop, sum er okkara styrki. Vit fáa ikki skjót­álop­ini at koyra í fyrra hálvleiki, men so lukka vit av niðri í verju­partinum. Jaspur Joensen: – Vit hava bíða leingi eftir hesum og tað kennist ótrúliga væl. Tað kann ikki blíva nógv betri. Eg haldi at vit hava munin í dag. Vit halda fram við at spæla okkara spæl og eru omaná, sjálvt um munurin ikki er so stórur í fyrra hálvleiki Teitur Joensen: – Sigur støðan ikki alt? Eg haldi tað var klassa munur á liðnum. Vit sleppa ikki frá teimum í fyrra hálvleiki, men tað er tí vit fáa nakrar býttar útvísingar móti endanum í fyrra hálvleiki. Men vit sita allatíð við eini kenslu av at vit eru betra liðið, og tað haldi eg eisini at vit vísa. Tað var týdningarmikið at fáa hol á hjá Levi(Nybo, málverji hjá StÍF blaðm) og steðga Sveini Justinussen. Tað megna vit. Eg dugi ikki at seta orð á tað. Eg havi ikki roynt hetta fyrr. Hetta er ótrúliga stuttligt, og tað verður tað eisini í Kollafirði í kvøld. Ási Dam: – Hetta er gott. Eg hevði ikki væntað, at tað fór at verða so gott. Eg hevði roknað við einum meiri spennandi dysti. Tað var umráðani, at vit hesa ferð gjørdu okkara, nú tá áskoðararnir aftur gjørdu sítt. Vit spældu við gleði í dag og tá eru vit best. Tá er ongin betri enn vit.