mánadagur 11. februar 2013síða 24

Mánadagur 11. februar 2013 · Nr. 17 24 Sosialurin Hugskot og viðmerkingar – send sms til 225000 Frí, frí, frí, frá skúlaskjótarí Her er ongin alheimsupp­ hiting. Men lat okkum bara siga, fyri ein ringan ordans skuld, at heimurin gerst heitari. So, tí vit hava eitt økt útlát av kapitalistiskum CO2, tá má tað vera av hesum sama koltvísúrevni, at heimurin gerst heitari. Henda hissini leinkja svarar til at fortelja fólki, at sølutølini fyri hvítar skjúrtur eru metgóð í Skálki, og at hetta sæst aftur í al­ samt fleiri Suzuki-venjandi violinistum. Eftir hatta ræðsluvekjandi blóðbaðið í einum skúla í Con­ necticut, har 26 fólk vórðu myrd, harav 20 børn, hevur kjakið um amerikansku “vápna­ment­anina” fingið seriøst ravna­flog. Sambært betri­vitandi við­merkj­arum er tað giv­ið, at av tí at skot­vápn eru so atkomu­lig í Amerika, fara fólk fyri­lits­leyst at skjóta eftir skúla­børnum. Altso, júst sum við kunstur­ liga sambandinum, CO2 og upp­hiting, hvítar skjúrtur og methøg rekruttering av violinistum, so er eisini við skúlaskjótaríunum í Amerika: lin skotvápnalóg, nógvar skúla­massakrir! Simple—fáa vit at vita frá konservativa vinstra­vonginum. Men, passar hetta? Ella, spyr teg sjálvan: “Hóast mítt hús var pinnpakkað við revolv­arum og riflum, hevði eg tá myrt mammu, skotið meg ígjøg­num nonnuskúlan og annars roynt at dripið so nógvar næmingar sum til ber?” Sjálv­andi hevði eg ikki tað. Eg hevði verið svakur at gjørt slíkt. Nokkso sersvakur, enntá. Og var eg sersvakur, men uttan atgongd til skot­ vápn, tá hevði eg funnið eitt annað vápn. Tak Henan-landslutin í Kina fyri ársskiftið, har ein ung­ur kinverji fyrst drap eina eldri damu fyri síðani at stinga 22 børn niður við ein­ um køksknívi! So... ja, eg veit ikki, skulu vit banna allar køksknívar, ella bilar, tí at hesir eru (mis-) nýttir í flest massamorðum í Kina — sum for­restin hevur eina sera striksa skotvápnalóg? Nei, brúka heysin, og lat vera við at bólka teg sam­an við lættisoppa, javn­að­ar­s­ligu meiningini: at Sandy Hook School-van­lukk­an skyld­ast landsins libe­ralu skot­vápna­ lóg! Skot­vápna­lógin í Con­ necti­cut er faktiskt ikki so lin, sum nógvir viðmerkjarir so øgiliga gjarna vilja hava teg at halda. Sum dømi var skotvápnalógin í Englandi heilt inntil millumkrígstíðina so lin, at Texas-búgvar høvdu svølgt tubbakið. Vóru skúla­ skjótaríir vanligt fyribrigdi í Hammersmith og Elephant and Castle? Bestemt ikki. Strangari vápnalóg kom sum úrslit av, at bretska stjórnin fór í panikk. Hon óttaðist eina kollvelting. Og Sveis? Flest heim eru pillfull við ógvusligum skot­ vápnum. Kortini er tað eins friðarligt í hesum aðramáta ryggleysa neutralitets-landi og á Sevmýri sunnudag kl. 3. Ella Týskland? Proysarir elska sína stívu skotvápnalóg, men allíkavæl eru massakrir als ikki óvanligar. Tað gerst alsamt verri hjá frómum ameriku-hatarum at halda svikaligu leinkjuni á lívi. Tí um skottilburðir í skúl­ um veruliga eru eitt produkt av einum grundlógarískoyti, ið eggjar fólki at ogna sær skot­vápn, hvussu ber tað so til, at skúlaskjótaríir fyrst fara á flog árla í 80unum? Skot­vápn hava verið at­kom­ andi í meiri enn tvær øldir, men slakt sum tað í Con­ necti­cut og Colum­bine, er eitt nýligt fyribrigdi. Ikki fyrr enn vit koma til 60ini, serliga 80ini, uppliva vit “hópdráp í skúlum”, har málið er at myrða so nógv ungfólk sum gjør­ligt uttan nakra sum helst eyðsýniliga grund... ikki ein­gong nakað so forstáiligt sum hevnd. Harumframt, um vit taka Amerika sjálvt, verða dup­ult so fá fólk dripin í Colo­rado sum Illinois (fólkatal juster­ að). Og Utah og Wyoming eru á spren við skotvápnum, men drápstalið er so øgiliga nógv lægri enn tað í statum við skerpaðari skotvápnalóg, til dømis California og New York. Aftur, null samsvar. Tessvegna er tað alt ov simplistiskt at konkludera, at av tí at vápn eru vanligt in­ ven­tar í amerikanskum heim­ um, fara skúlanæmingar at skjóta sínar floksfelagar. Hasi, ið háðandi finn­ast at amerikansku “vápna­ment­ anini”, lasta gamalsligar og minni dannaðar bønarmenn og bóndar, bíbliuóttandi ar­ beiðarar, ið elska sína rifflu. Vit vita sjálvsagt útmerkað, hvønn tann rættsiktaða og ráðaríka fín-elitan meinar við: suðurstátamenn, religi­ øsir ekstremistar, ið garan­ terað ikki trúgva ikki uppá alheimsupphiting, eru ímóti bøssabrúdleypum, men æra skotvápn; óskúlaðir neander­ talarir, ið hava mist alt vit og skil og allan logisk­an sans sum úrslit av kristni­skúlum; mannfólk, ið stuðla Charles Heston og eitra alt Amerika meðan teir tosa við mati í munninum ílatnir skóg­ mans­skjúrtu og kiksutum keppi, sleva og tyggja tubbak og ganga yvir reytt. Eg sigi bara, “vælsignaði tú, hygg at myndini av Adam Lanza, ótýggið handan Con­ necti­cut-massakrini!” Ella, upp­aftur betri, eini video ella yvirlýsing eftir onkr­um av hesum óndu skúla­skjótarum, líka frá Colum­bine til Virgina Tech. Sært tú ein vápna­prís­ andi suður­státamann í hes­ um upp­tøkum og orðum, ella faktiskt eina væl øðrvísi, meiri modernaða mentan í um­búna? Eg síggi ungdóm uppaldan at halda seg vera eitt slag av mini-Gud, hvørs narsisistiski sálarkvølur og ilska altíð skal takast í rámasta álvara. Børn uppvaksin í eini verð, sum í alt størri mun vil hava okkum at dyrka ein persónleika, helst ein sjálvsovurmetandi og sjálvrættvísan ein, sum kann flasha sín, sambært for­eldrunum, gevaldiga geni­ ali­tet umvegis YouTube og Face­book. Eg síggi ungfólk, ið taka synd í sær sjálvum, men kort­ ini so full av sær sjálv­um, at teim­um tørvar oksy­gen; har hvussu Eg havi tað og hvat Eg havi brúk fyri, altíð trumfar øll sosial og sam­ felags­lig atlit. Ja, so uppglødd av sær sjálvum, at tey eru fullstendiga fremmand fyri nøkrum formi fyri felags­ skapi, tíansheldur mor­alsk­ um normum. Eg síggi sjálvsást, tá ið ringast ber á. Ikki nakra “vápna­tilbiðjandi mentan”. Hum­bukk. Men tað krevur so eisini, at tey ráðandi og meiningsmyndandi klassin átekur sær skyldina fyri eina avlagaða og yvir-indi­ vidualistiska statsverð, ið tey hava verið við til at skapt. Ávísar avísir tordu eisini at upplýsa, at Adam Lanza var mentalt brekaður. At hann hevur tikið avbera krafta­ fullan og illa testaðan “heili­ vág”, eitt nú Ritalin og Prozac, sum modernað medisin lætt­liga skamtar til leidd og rus­ut børn, ið ikki passa inn í toleranta vælferðarstats- modellið hjá modernaðum sosialistum, men sum saman við narsisistiskari nihilismu er ein væl sannlíkari grund til skúlaskjótari enn nøkur lin vápnalóg, sum hevur verið til í meiri enn tvær øldir. Men vit vita ikki hetta við vissu. Fjølmiðlarnir hava ongan áhuga, og er tað iva­ leyst eisini ov sárt og saman­ sett hjá teimum at viðgera. Vit vita tó, at ein av Columbine- drápsmonnunum, Eric Harr­is, sum Michel Moore gloymdi at finnast at í hans­ ara patologisku films-trongd at lasta konservativar Red­ necks, var á tankaleysum og ør­andi medisini av júst hes­ um slag. Sum so nógvir aðrir skúlaskjótarir. Fetisheringin av akkurát hvussu skúlaskjótararnir drepa, útinna sína gerð, er for­restin ein bíligur máti at sleppa undan at viðgera teir kulturellu faktorar, ið eru við at evna slíkar gerðir. Tekniska útinningin av drápinum, at skotvápn blivu brúkt, er endað sum ein malplaserað neyðarhugsan: tað er ikki so nógv tað, at fólk blivu myrd, men hvussu tey blivu tað, ið hevur týdning fyri uttanífrá- starandi evropearan. Saman við terrorismu, ikki bara islamiskari, men eisini hasi hjá postmodernistiska Breivik, er skúlaskjótarí hin mest víðgongdi formurin fyri narsisismu í dag. Bara frá­ veran av nøkrum sum helst moraliteti, “at tað er skeivt at terrorisera ein skúla”, “at tað er skeivt at skjóta eina seks ára gamla gentu í høvdið”, er grúuliga órógvandi. Og tað er for tramin tað, vit eiga at hugsa um, og fordøma. Ikki hvat slag av vápni, óndi miðalklassa-svaklingurin brúkti. Tað er handa ótolandi pro­mo­veringin av kultu­ rellari sjálvshevjan fram­um sivilan felagsskap, indi­vidu­ ellur samleiki framum sam­ borgaraskap, ið er problemið. At forklára, at skjótarí í skúl­ um er eit úrslit av, at skot­ vápn eru til, er sum at for­ klára al- Qaeda fyribrigdið sum eitt úrslit av, at flogfør eru til. Slík forkláring blindar við at gera drápsamboðið til skurð­gud, tá ið vit ístaðin eiga at tríva í hasa sjúk­ligu líka­ sæluna, ið fyllir hes­ar anti- sosialu verur, sum brell­ast eftir at blíva stjørnur og súm­ bol uppá alt tað, ið ætlandi er galið við Amerika. So heldur enn at skjóta eftir ófantaligum, fátækum og ómodernaðum fólki, ið havna ideologiina um al­ heims­upphiting og kela fyri sínum revolvara, skjóti eg upp, at vit skjóta eftir teim­ um, sum upp í saman tosa um hvussu viktigur Tú ert, hvat Tú følir, at Tú ikki skal finna teg í at verða ignoreraður og, ja, at alt melur í klingur um Teg. Tað er av hesum super- indi­viduella og fremmanda­ gjørda bangilsis-kulturi, hesi javnaðarstevnu, har ongin tekur ella ber ábyrgd fyri nøk­rum, at skúlaskjótarí blivu populer, og hví tey fara at halda fram við at vera tað. * http://www.dailymail.co.uk/ sciencetech/article-2217286/Global- warming-stopped-16-years-ago Agga Niclasen meining@meyl.fo —men tað er ikki ein lin skotvápnalóg, ið fær ungdóm at drepa! kjak Eg síggi ungdóm uppaldan at halda seg vera eitt slag av mini-Gud, hvørs narsisistiski sálarkvølur og ilska altíð skal takast í rámasta álvara. Børn uppvaksin í eini verð, sum í alt størri mun vil hava okkum at dyrka ein persónleika, helst ein sjálvsovurmetandi og sjálvrættvísan ein, sum kann flasha sín, sambært for­eldrunum, gevaldiga geni­ali­tet umvegis YouTube og Face­book. Eg síggi ungfólk, ið taka synd í sær sjálvum, men kort­ini so full av sær sjálv­um, at teim­um tørvar oksy­gen; har hvussu Eg havi tað og hvat Eg havi brúk fyri, altíð trumfar øll sosial og sam­felags­ lig atlit. Ja, so uppglødd av sær sjálvum, at tey eru fullstendiga fremmand fyri nøkrum formi fyri felags­skapi, tíansheldur mor­alsk­ um normum. Adam Lanza, ótýggið handan »Con­necti­cut-massakrini!«