fríggjadagur 15. februar 2013síða 12

Fríggjadagur 15. februar 2013 · Nr. 19 12 Sosialurin Hugskot og viðmerkingar – send sms til 225000 nøvn Minningarorð um Josefina Meinhardsdóttir Midjord f. 28. okt 1966 – d. 14. juli 2012 Mikudagin 18. juli fekk eg óvænta deyðsboð um systir mína, Josefinu. Eg var á veg heim av feriu í útlondum, og gleddi meg at verða saman aftur við familjuni, og at vera saman við systir míni, nú tá ið øll høvdu tíð, tí man hevði feriu, men soleiðis skuldi ikki vera. Josefina var bara soleiðis uttan ávaring tikin frá okk­ um. Púra frísk og uttan nakra ávaring, legði hon árarnar inn. Josefina var fødd 28. ok­ tober 1966 í Runavík. For­ eldrini vóru Mia (f. Mort­en­ sen) og Meinhard Olsen. Í 1990 giftist hon við Alexius Midjord, og settu tey búgv í Hovi. Saman fingu tey 3 børn, Ann Mari, Jógvan og Arnold. Josefina bleiv 14. juli omma til ein lítlan fittan beiggja. Hon gleddi seg nak­að so nógv til at blíva omma, hevði plan­ir um, hvat tey fóru at gera. Hon hevði bund­ið fleiri troyggjur til beiggj­an, og hevði planir um, at á næstu Ólavsøku, hevði beiggin fingið føroysk klæðir frá ommu síni, sum hon sjálv hevði gjørt. Men soleiðis skuldi ikki verða. Í hesum føri ber væl til at brúka orðatakið: eingin veit á morgni at siga, hvar hann á kvøldið gistir. Josefina var stillfør, posi­ tiv og sera lívsglað. Josefina elskaði sína familju, og var hon so sera ófør at ferðast norðeftir í vikuskiftum at vitja. Eisini var hon ófør sum fáur, at vitja vinir. Nú hon ikki er her meir, er eitt stórt tómrúm. Josefinu dámdi so sera væl svimjing, og var hon til eitt ótal av svimjikappingum runt um í Føroyum, antin sum áskoðari ella sum hjálp­ ar­fólk. Eisini var hon altíð at síggja, har hennara børn ella har míni børn vóru aktiv. Josefina stóð fyri einum stórum parti av tí húsliga arbeiðinum, so saknurin man kennast stórur, nú hon ikki er her. Eisini arbeiddi hon sum vaskikona í skúlanum í Hovi og á Miðnámsskúlanum. 1. januar í ár flutti familjan norð­eftir, og inn á Glyvrar. Hon gleddi seg at fara at arbeiða norðanfyri, tá ið tey vóru komin upp á pláss í teirra nýggja heimi. Góðu tit, Alexius, Ann Mari, Høgni og Jóhan, Jógvan og Arnold. Má harrin styrkja tykkum og verða hjá tykkum í tykkara sorg og sakni. Vit lýsa frið yvir minnini um Josefinu. Jesus verið við tykkum, ið eftir sita. Systir tín Hertha Føðingar 11. febr. fingu Ólrun og Kristján Eiriksson ein son. Hann var 53 cm langur og vigaði 3530 gr. 11. februar fingu Alika og Sigert Patursson, Hoyvík, ein son. Hann var 55 cm langur og vigaði 3870 gr. 16. januar fingu Maria Nattestad Thomsen og Anders Holm eina dóttir. Hon vigaði 3920 gr og var 54 cm long. William, Kári og Dánjal eru ársins fyrstuhjálparar 2012 William Berg, Kári Strøm og Dánjal Olsen gjørdust ársins fyrstahjálparar 2012. Á samkomu hjá Reyða Krossi í gjár vóru teir heiðr­ að­ir fyri eina hending í au­ gust 2012. Teir tríggir vóru til ar­beið­ is, tá teir síggja ein bil fara á sjógv. Maðurin í bilinum sleppur úr bilinum sjálvur, men blívur síðani lívleysur at síggja til. William leypur útí at halda manninum uppi úr sjónum, meðan Kári og Dánjal loysa ein árabát. Teir rógva út til William, og saman fáa teir mannin upp í bátin og síðani upp á land. Komnir í land geva teir manninum fyrstuhjálp til sjúkrabilurin kemur á staðið. Fyri at hava handlað skjótt og hava hjálpt í eini av­ger­andi løtu hevur Reyði Kross­ur Føroya valt at út­ nevna William Berg, Kára Strøm og Dánjal Olsen til ár­ sins fyrsta­hjálp­arar 2012. – Teir hava fingið heið­ urs­bræv frá Reyða Krossi og peningagávu frá Trygg­ing­ arfelagnum Føroyar fyri av­ rik teirra, sigur Reyði Krossur í grundgevingini. Nú kanst tú sum lánari lesa og skriva stutt lánara­um­ mæli, tá ið tú brúkar nýggju og framkomnu leiti­skip­an­ ina hjá Býar­bóka­savn­in­um í Havn. Skipanin tekur nevni­ liga støði í lesi­van­um, við­ mæl­um og met­ing­um, sum lán­ararnir sjálvir skriva. Í sambandi við at Býar­ bókasavnið hevur fingið nýggja heimasíðu, tekur bóka­savnið eisini nýggjastu tøkn­ina innan leiting í brúk. Við at skráseta teg sum VIP- lán­ara, fært tú atgongd til at skriva ummæli ella við­ merk­ingar um bøkur, sum tú hevur lænt. Eisini kanst tú geva bók­unum stjørnur, um tú hevur hug. – Við at taka brúkaran við upp á ráð á hendan hátt, fáa aðrir lánarar hjá Býar­ bókasavninum íblástur frá hvørjum øðrum til at lesa bøk­ur og læna annað út­ láns­tilfar. Ella sagt við øðr­ um orð­um: Í nýggju leiti­ skip­anini verða lánarin og lesi­gleðin sett í fremstu røð, sigur Arn­bjørn Ó. Dalsgarð, býar­bóka­vørður. Harumframt kanst tú sum lánari hjá Býar­bóka­ savn­inum sjálvandi fram­ vegis bíleggja bøkur, endur­ nýggja tíni lán og gera tín egna minnislista við bókar­ titlum. Nýggja leiti­tøkn­in ger tað eisini einfalt og lætt at finna útlánstilfar um ávís evni ella eftir ávísar rit­høv­ und­ar – ella okkurt, sum lík­ist tí, tær vanliga dám­ar best. Býarbókasavnið sam­ starv­ar við fleiri bókasøvn í Danmark og í Grønlandi um nýggju leitiskipanina. Hetta merkir, at tú sum lán­ ari á einum av hesum bóka­ søvnunum kanst lesa við­ mæli frá lánarum á hinum bóka­søvnunum í hesum lond­um. Nýggja heimasíðan og leiti­skipanin hjá Býar­bóka­ savn­inum er eisini lagað til teir lánarar, sum ikki eru so stinnir í føroyskum. All­ ar týðandi funkur á heima­ síðuni eru á bæði før­oysk­ um, donskum og ensk­um. Og minnist tú ikki, hvussu ein bókartittul, eitt rit­høv­ unda­navn ella eitt evnisorð skal stavast, fært tú hjálp frá einum yvirliti við leitiorðum, sum kemur fram, tá ið tú hev­ ur skrivað nakrar fáar stavir í leititeigin. – Samanumtikið hevur Býarbókasavnið í Havn fing­ ið eina meira tíðarhósk­andi og samvirkna heima­síðu og leitiskipan. Ella sagt við øðrum orðum: Eitt nútímans virtuelt bóka­menta­ligt møti­ stað fyri allar borgarar í Tórshavnar komm­unu – og onnur við, sigur Arnbjørn Ó. Dalsgarð, býarbókavørður. Heimasíðuna hjá Býar­ bókasavninum finnur tú enn sum áður á www.bbs.fo Eitt stað har lesigleðin grør