fríggjadagur 22. februar 2013síða 21

21 Fríggjadagur 22. februar 2013 · Nr. 22 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin. fo, og so svara Holger og Bjørg tær her í Sosialinum. Frá sumri 2013 eru allar gymnasialu útbúgvingar í Føroyum broyttir. Ein gymnasial útbúgving er fyrst og fremst ein almennandi útbúgving og ein fyrireiking til hægri lestur og ikki ein útbúgving, sum gevur atgongd til eitt ávíst yrki. Tú kanst taka eina gymnasialu útbúgving á eina av seks ymiskum breytum. Tær eru : Búskaparbreyt (Føroya Handilskúli í Tórshavn og Føroya Handilsskúli á Kambsdali) Tilfeingisbreyt (Fiskivinnuskúlin í Vestmanna) Tøknibreyt (Tekniski Skúlin í Klaksvík) Fyrireikingarbreyt (Studentaskúlin og HF-skeiðið í Eysturoy, Klaksvíkar HF-skeið og Føroya Studentaskúli og HF-skeið) Hugbreyt (Studentaskúlin og HF-skeiðið í Eysturoy, Miðnámsskúlin í Suðuroy og Føroya Studentaskúli og HF-skeið) Náttúrubreyt (Studentaskúlin og HF-skeiðið í Eysturoy, Miðnámsskúlin í Suðuroy og Føroya Studentaskúli og HF-skeið) Allar breytir eru trý ára breytir, tó er Fyrireikingarbreytin ein tvey ára breyt, ið serliga er ætla tilkomnum næmingum. Á øllum breytum eru felagslærugreinar, breytalærugreinar og vallærugreinar. Felagslærugreinar eru kravdar lærugreinar uttan mun til breytaval. Breytalærugreinar eru kravdar lærugreinar, sum eyðkenna einstøku breytirnar. Vallærugreinar eru lærugreinar, sum næmingurin kann velja eftir egnum áhuga, tó við serstøkum avmarkingum á einstøku breytunum. Allir næmingar á framhaldsdeildunum í 9. og 10.flokk eiga at hava fingið kunningarhefti um nýggju skipanina. Annars kann hetta kunningarhefti fáast við at venda sær til ein av framhaldsdeildunum, til ein miðnámskúla ella til Mentamálaráðið. Harumframt kunna teir gymnasialu miðnámsskúlarnar um teirra útbúgvingar, antin eru kunningarfundir á miðnámsskúlunum, ella fara lestravegleiðararnir frá miðnámsskúlunum út á framhaldsdeildunum at kunna. Á www.breyt.net ber eisini til at lesa um nýggju skipanina, og her kann eisini umsóknarblað takast niður. Freistin at søkja til eina gymnasiala útbúgving er 15.mars, og umsóknin skal avleverast til tann miðnámsskúlan, sum man søkir inn á sum 1.prioritet. N.B. Á Føroya Studentaskúla og HF- Skeið (Hoydalar) skulu umsøkjarar, tá søkt verður, bert velja hugvísindabreyt ella nátturubreyt og ikki fak. Tá upptøkan er liðug fyrst í apríl, fáa næmingar, sum eru sloppin inn, bræv, hvar skúlin greiðir frá, at nú skal veljast lestrarleið innan fyri ta breytina, sum søkt er inn á. Leiðinar í Hoydølum eru : Lestraleiðir á hugbreytini • Málleið • Samfelagsleið • Listaleið • Almennleið Lestrarleiðir á náttúrubrytini • Scienceleið við evnafrøði • Scienleið við alisfrøði • Lívfrøði- og ítróttarleið • Samfelagsleið Á heimasíðuna hjá skúlanum ber til at lesa meira um hesar leiðir. Almen kunningarfund um breytir og leiðir fyri komandi næmingar og foreldur teirra verður á Føroya Studentaskúli og HF-skeið hóskvøld 7.mars 2013 kl.19.00. Gymnasialar útbúGvinGar í Føroyum Frá auGust 2013 SpurnarSíðan Spyr og fá svar um útbúgvingar. Allar. Allastaðni. Spurningur 1 Hvat er ein »kvotu 2 umsókn«, og hvussu fái eg nakað at vita um tað? 2'arin Hey 2'arin Hóskvøldið 28. februar á Østrøm á Skálatrøð er almenn kunning um kvotu 2 kl 19 um kvøldið. Kunningartiltøk um útbúgvingarnar og kvotu 2 Fríggjadagin 15. mars er umsóknarfreist til at søkja inn til lestur á Fróðskaparsetur Føroya og í Danmark eftir kvotu 2. Kvota 2 er møguleikin hjá teimum, har miðaltalið í gymnasiala miðnámspróvnum ikki er nóg gott ella har umsøkjari hevur annað javngott prógv á sama stigi ella hægri. Tá verða eisini aðrir førleikar enn gymnasialt miðnámsskúlaprógv tiknir við í metingina. Í hesum sambandi verður skipað fyri kunning um útbúgvingarnar á Setrinum. Í ár er møguligt at søkja inn á 7 ymiskar bachelorútbúgvingar á Setrinum. Hesar eru: • Lærari • Námsfrøði • Sjúkrarøktarfrøði • Sosialvísindi og samfelagsplanlegging • Politikkur og umsiting • Søga • Føroyskt Eisini verður kunnað um kvotu 2 umsóknir til upptøku í Danmark. Vh - Bjørg og Holger Spurningur 2 Hvussu kann eg útbúgva meg til jarðamóður í Íslandi? YYY Svar til YYY Tað einfalda svarið er, at íslendingar fyrst taka eina bachelor í sjúkrarøktarfrøði upp á trý ár, og síðani søkir tú inn á Háskúla Íslands - www.hi.is <http://www.hi.is> - til eina masterútbúgving til jarðarmóður, sum tekur tvey ár upp á fulla tíð. Útbúgvingini er ókeypis. Útbúgvingin skal góðkennast av donskum myndugleikum fyri at kunna brúkast í Føroyum. Tú kanst fáa SU úr Danmark til uppihald undir útbúgvingini eftir umsókn hjá SU-stýrinum í Danmark. Vh Bjørg og Holger