fríggjadagur 22. februar 2013síða 46

nr. 22 · 22. februar 2013 6 VIKUSKIFTI TIPS FRÁ barbaru barbara@sosialurin.fo Hvítt frá høvur til tá Hvítt verður tann stóri liturin í summar. Alt frá blondum til leður í hvítum verður nógv at síggja, og meginreglan í hesum rákinum er, at tú kanst vera ílatin í hvítum frá høvur til tá. Festligt neon Neon litirnir koma sníkjandi inn á marknaðin við jøvnum millumbili, og nú eru teir aftur at síggja. Ljósareytt, gult, grønt, ja allir teir lekrastu neon litirnir eru nú aftur ein partur av mótamyndini. Tú kanst samanseta hetta sum tú vil, og mær dámar allarbest, tá ið gult og grønt verður sett saman, tí tað onkursvegna vísir hvussu ógvu­ sligur hesin stílurin kann vera. Orientalskur íblástur Eins og neonlitirnir megnar orientalski stílurin at vinna fram um okkara leiðir við jøvnum millumbili. Nú er ein nýggj variatión av orientalska stílinum komin fram, sum ikki er so ógvusligur, og tí lættur at nýta. Dámar tær væl hendan stílin, so kanst tú lata teg í skógvar við tjúkkum silkibandi (eins og á myndini), leystsitandi buksur við prenti ella jakkar ella troyggjur við nógvum gimsteinum á. Svart og hvítt Mær hevur altíð dámt væl at seta svart og hvítt saman, tí tað er onkusvegna rættiliga rátt og samstundis stílfult. Lat teg inspirera av hesum stílinum, sum er sera einfaldur at nýta. Móta uniformar Tað er ikki bara militerjakkar og litir, sum eru at síggja innan hesa sjangruna í summar. Eisini aðrir uniformsjakkar sleppa frama í summar. Fá íblástur frá mótaheiminum Nú summarið nærkast í hvørjum, hava mótarisarnir eisini tikið støðu til, hvørji rákini skulu vera í summar. Tað kann vera trupult at fylgja við tí mótanum sum herjar, men her er eitt yvirlit yvir, hvat verður mest at síggja í vár og summar