fríggjadagur 22. februar 2013síða 47

nr. 22 · 22. februar 2013 7 VIKUSKIFTI Starv? Klinikassistent á tannlæknastovuni í Dalatúni. Hvat er tað besta við starvinum? Tað, sum mær dámar best við starvinum, er fyrst og fremst tey fittu starvsfólkini. Tað er ótrúliga deiligt at møta á einum arbeiðsplássi, har man tímur at verða. Harafturat møti eg nógvum fittum fólki gjøgnum dagin, og so sleppi eg eisini at brúka mínar hendur. Hvat ger teg í góðum lag? Tey smáu tingini í gerandisdegnum gera meg í góðum lag. Klemmið, tá eg komi eftir dóttrini í barnagarðinum. Ein góður sangur í útvarpinum. Hugni um kvøldið við stearinljósum. Gott selskap fær meg altíð í gott lag og so ikki at gloyma dýnan um kvøldið. A ella B-menniskja? Uttan iva B menniskja. Eg býtti gjarna um uppá dag og nátt, um eg kundi! Hvørjar ítróttargreinar dámar tær og hví? Eg geri ongan ítrótt, men eg eri nokkso trúgv uppi í Gundadali, tá B36 spælir. Hvørjum tónleiki lurtar tú eftir? Í løtuni er tað Lana Del Rey, sum koyrir á repeat. Áðrenn var tað Room fløgan hjá Eivør. Eg dámi væl tónleik, sum rørir meg, genran er so at siga undirorðnað. Hvat er besta lag, sum er gjørt? Tað er eitt sindur ringt at meta um. Nógvir føroyskir tekstir og løg røra meg djúpt. Poul F og Anker Eli hava skrivað fleiri. »Á kundi á tíðarhavi« og »Ljóðmynd« fyri at nevna tveir føroyskar. Men ein sangur, sum hevur koyrt í høvdinum seinastu tíðina, er »I cant make you love me«. George Michael syngur sangin framúr, men mær dámar eisini væl útgávuna hjá Bon Iver. Hvussu eru tínir matvanar? Eg havi serliga sunnar matvanar í byrjanini á mánaðinum, tá pengarnir eru til tað. Seinni út á mánaðin verður tað ofta til spaghetti og havragrýn. Men matur er annars ikki nakað, eg spari uppá. Eg eigi altíð frukt og grønt inni. Hvør er tín fyrimynd? Viss eg skal nevna nakran ávísan, sum hevur ávirkað mína lívsáskoðan betýðiliga, so er tað ein, sum eitur Esther Hicks. Hvat gert tú í frítíðini? Nógv av mínari frítíð fer við seyming og máling og ymsum samstarvi við onnur kreativ fólk. Hvat dámar tær at ferðast í egnum landi? Í telti á hásumri; tað gerst ikki betri nakra aðrastaðni enn í Føroyum. Tað verða vónandi til fleiri túrar í ár! Við einum pápa sum ferðaleiðara, átti eg eisini at komið eitt sindur runt í ár! Hvør er tín lívrættur? Mær dámar væl føroyskan mat! Riv er ikki at forsmá (serliga tey av Økrum) og fisk dámar mær ónatúrliga væl! Stoktan, kókaðan, ráan og turran. Men eg eti sushi minst eina ferð um vikuna, so tað má nokk verða tað, man kallar mín lívrættur. Hvørjum hyggur tú at í sjónvarpinum? Sjónvarpið hongur mest til pynt fyri tíðina. Men tá eg tendri tað, so er tað fyri at síggja Dagur & viku ella onkra dokumentarrøð. Beint nú er tað »Livet efter livet« á DR2 hvønn sunnudag. Og so dámdi mær eisini væl røðina hjá Anders Lund Madsen á DR1 »Du skal dø«. Dokumentarsendingar generelt fáa meg at tendra sjónvarpið. Hvør bók liggur á náttborðinum? Eg havi av góðum grundum einki náttborð fyri tíðina, tað passar ikki so væl inn í hitt møblementið í stovuni, og so strekkir tíðin seg heldur ikki til tann stóra lesnaðin. Men tann síðsta bókin, eg las, var Alkymisten hjá Paulo Coehlo, hon var fín! Grillsteikt Hrossalund með steiktum sveppum,  béarnaise eða pipar sósu – Grilled Horse tenderloin with mushroom, béarnaise or pepper sauce – kr.4950. Hetta er tikið beint av mat­ seðl­inum hjá væl umtóktu mat­ stov­uni Þrír Frakkar í Reykjavík. Rossalundir, hvat tá? Serliga útlendingum dámar væl hesa matstovuna. Sjálvur havi eg ofta etið har, tó ikki ross, men eitt annað tabudjór, hval, tvøst í whiskysós. Harragud, harra formaður, sum løgtingsmaðurin segði, hvat bagir rossakjøti? Tá eg búði í Íslandi fyri hálv­ ari øld síðani, fingu vit rossa­kjøt til døgurða eina ferð um vikuna. Saltsprongt rossakjøt. Á forseta­ garð­inum var tað, so tað var neyvan politiskt ókorrekt. Helt tó ongan­tíð, at tað smakkaði so øgiliga væl, rossakjøtið, nakað seigt, kanska. Men tað var eingin gøla at eta ross til døgurða. Og eingin hevði skræpuna aftaná. Hví er rossakjøt verri enn ann­að kjøt? Fólk, sum annars eta allan lort, standa skelkað uttan fyri handlar, sum hava selt lasanju, sum er nakað helvitis svans, við ella uttan rossaflavour. Havi sæð skelkaðar kundar í donsk­um sjón­varpi, tí tey, kanska, hava etið rossakjøt, sum tey hildu vera neytakjøt. Spikafeit við rotnum tonnum eru tey sjónliga sinnisrørd, tí tey hava keypt og etið rossakjøt í einari junklasanju. Voxpop eitur hetta slagið av journalistiskum undri. Hálovaða vanliga fólkið verður spurt um alt møguligt, sum tey avgjørt einki sum helst skil hava fyri og enn minni vita tað allarminsta um. Bara tey eru skelkað og øtast. Tí journalistar hava ikki somu rættindi sum Palleba og Marsanna Joensen. Journalistar eiga ikki at hava og enn minni siga sína egnu hugsan. Tí hava tey upp­funnið voxpop, so onnur kunnu koma við øllum sann­leik­ unum, dómunum og niður­støð­ unum. »Er tað ov dýrt at búgva í Føroyum?« »Ja, alt ov dýrt. Eg havi eina dóttur, sum býr í Danmark, og har kostar ein litur av mjólk fimm krónur.« »Eg havi ikki ráð til døgurða hvønn dag.« Tilgjørdir rættir eru sjálvandi eisini nógv bíligari í Danmark, sama hvat er í teimum. Fólk, sum eta slíkt sum tiðnaða lasanju úr ES, hava uppi­ borið at verða lumpað, rætt og slætt. Men fólk eiga at fáa at vita, hvat er í tí, tey eta. Gamaní, hvussu nógv vita, hvat E305 er? Annars er rossakjøt líka gott ella vánaligt sum annað kjøt, bara tey minnast at taka saðilin av, áðrenn rossið fer í kvørnina. Skógv­arnir kunnu fara við. Teir eru úr jarni, og jarn er gott fyri heils­una. Og hví kann hestahalasúpan ikki vera líka góð sum neyta­hala­ súpan? Vónandi er italska mafian ikki uppi í hasari rossagøluni, tí so endar gamli pávin sum haldevni í lasanju ella pitsa. Eg reið mær av stað at keypa inn... Bara tað ikki er rossamakrelur, vit eta í okkara makrelguffi, so no bad feelings hiðani. Ókey, onkur hevur fingið rottu­kjøt í hamborgara. Har er markið, tað et-iska markið. Elle sum FCK-fjepparin segði um hálvleikspylsurnar í Parkini. Hon segði, at tær eru: det klammeste klamme med klam på. Eru rossini líka fitt sum hvalur? Tí mugu vit ikki eta tey? Sjálvur haldi eg, at ein kúgv er nógv meira blíðsnýðug enn ein ryssa. Og smálombini og gásar­ ung­arnir. Tey enda øll í ovninum ella í pottinum. Ross eru harafturat ikki, tey føroysku undantikin, latið okkum endiliga ikki eta tey, ross eru ikki hótt. Tað ber væl til at eta nøkur burtur av uttan at stovnurin minkar. Dagsins rættur: Sum ryssa yvir sjálvdeyðum fyli í lasanju við neytasmakki. Umafturafturum høgni djurhuus Móðurmálsviðursløn 2012 Durita Hansen lagt til rættis: Rannvá Gaard Fossaberg Sjónvarpið hongur til pynt Heima hjá Duritu Hansen er sjónvarpið so mikið sjáldan tendrað, at tað verður næstan einans brúkt sum pynt. Dokumentarrøðir eru tó eitt must at síggja Rossaflavour