mánadagur 4. mars 2013síða 19

19 Mánadagur 25. februar 2013 · Nr. 23 Sosialurin Hugskot og viðmerkingar – send sms til 225000 Ítróttarblaðið Hilmar Jan Hansen Tá Fleyr í farnu viku vann á SÍ, kyknaði av nýggjum ein spenningur í Eikliguni hjá kvinnum, tí nú smoygdi Fleyr sær fram um SÍ á stiga­talvuni, samstundis sum bara tveir dystir vóru eftir. Og eftir dyst­ irnar um vikuskiftið er tann støðan óbroytt, tí Fleyr hevur fram­vegis munin á SÍ og er tvey stig framman­ fyri. Fleyr var á Kambsdali og spældi ímóti ÍF, men har skuldi tað vísa seg, at botnliðið á heimavølli gav óvæntað harða mótstøðu. Bæði í fyrsta og triðja setti mátti Fleyr veru­liga stríðast, men í øðrum setti var eingin ivi. Tá avtornaði, vann Fleyr tó 3-0 og varðveitt næst­ fremsta plássið. SÍ, sum ikki mátti missa meira í mun til Fleyr, fyri at varðveita finalu­vónina, tók á heimavølli ímóti TB, ið eisini megnaði at bíta meira frá sær, enn væntandi var. SÍ vann trygt fyrsta sett, men í teim­um báðum síðstu settunum í 3-0 sigr­ inum stóð heldur meira á, tí TB vildi ikki sleppa fyrr enn í síðstu løtu. Í øllum førum kann staðfestast, at hvørki Fleyr ella SÍ kunnu siga seg vera heilt frí fyri nervar og yvir­ spenning, nú endabresturin í lands­ kappingini hjá kvinnunum nærkast – og bara annað teirra sleppur altso í finaluna… Mjølnir kann velja Mjølnir, sum í allan vetur hevur roynst sum besta liðið og bara hev­ ur latið trý sett frá sær í teimum 20 dystunum higartil, var líka sann­før­ andi sum vant, tá liðið á útivølli á Giljanesi vann ein tryggan 3-0 sigur á Drátti. Og ikki nóg mikið við tí, men Mjølnir kann í seinasta lands­kapp­ ingarumfarinum enntá velja, um mótstøðuliðið í FM-finaluni skal vera Fleyr ella SÍ, tí nú bara eittans um­farið er eftir, hevur Mjølnir heima­vøll ímóti Fleyr, meðan SÍ í Sørvági tekur ímóti Ternuni. Við allari virðing fyri tofta­ kvinnum, so talar altso tað allar­ mesta fyri, at SÍ vinnur ein heima­ sigur og kemur upp á 31 stig, sum er tað sama, sum Fleyr hevur nú. Og um so Mjølnir samstundis vinnur á Fleyr, stendur á jøvnum í stigum mill­um tey bæði næstfremstu. Hendir tað, so verður tað SÍ, ið endar í finaluni, tí sørvágskvinnur hava betri settmun enn Fleyr. Men so spyrst altso, um nakað óvæntað hendir í øðrum av hesum báðum dyst­unum. Ternan kann í øllum førum bíta frá sær viðhvørt, og við einum 3-1 sigri á heimavølli ímóti KÍF, vístu kvinnurnar á Toftum, at tær støð­ ugt taka seg fram. Um tað so røkkur til at hótta í Sørvági, má tíðin bara vísa. hilmarjan@sosialurin.fo Eik-ligan kvinnur nr. Lið Dystir Vunnið tapt vunnin sett tapt sett munur Stig 1 Mjølnir 20 20 0 60 3 57 39 2 Fleyr 20 15 5 49 23 26 31 3 SÍ 20 15 5 50 16 34 29 4 TB 20 12 8 37 33 4 19 5 Ternan 20 7 13 29 44 -15 16 6 Dráttur 20 7 13 26 41 -15 14 7 KÍF 20 4 16 19 52 -33 9 8 ÍF 20 0 20 2 60 -58 0 Eik-ligan menn nr. Lið Dystir Vunnið tapt vunnin sett tapt sett munur Stig 1 ÍF 17 17 0 51 5 46 33 2 SÍ 17 9 8 34 27 7 18 3 Fleyr 17 6 11 26 34 -8 12 4 Mjølnir 17 1 16 5 50 -45 3 Dráttur - Mjølnir 0-3 (18-25, 13-25, 8-25) SÍ - TB 3-0 (25-16, 25-21, 25-22) Ternan - KÍF 3-1 (25-17, 19-25, 25-19, 25-16) ÍF - Fleyr 0-3 (23-25, 13-25, 22-25) Fleyr - Mjølnir 2-3 (22-25, 25-11, 25-20, 18-25, 12-15) ÍF - SÍ 3-1 (25-15, 23-25, 25-19, 25-22) Hilmar Jan Hansen Eingin hevur í vetur megnað at gjørt nakað við ÍF, sum frá byrjan hevur verið klárt besta liðið í Eikliguni hjá monnum. Í allan vetur hevur ÍF tí eisini verið stórfavorittur at verða annað liðið í FM-finalunum, og matematiskt hava fuglfirðingar avgreitt tann setningin langt síðani. Spurningurin hevur so bara ver­ið, hvør annar skuldi koma í final­una, og har hevur kappingin bara staðið millum SÍ og Fleyr, tí Mjølnir er slett ikki komið upp í part í vetur. Men heldur ikki har hevur kapp­ ingin verið so øgiliga spennandi, tí sørvingar hava fyri tað mesta havt munin og kundu eisini herfyri tryggja sær finaluplássið. Í gjár var so eitt slag av einum finaluforsmakki, tá ÍF og SÍ møttust á Kambsdali, men tað bleiv tó ikki so øgiliga spennandi. Og í øllum førum bleiv tað ikki so spennandi, sum tá somu lið herfyri spældu steypa­finaluna og SÍ var um reppið at strúka avstað við øllum, áðrenn ÍF í evstu løtu í triðja setti fekk vent dystinum. Men SÍ megnaði tó at vinna stig frá ÍF, so tað eftir tvey sett stóð á jøvnum 1-1. So tóku fuglfirðingar tó yvir og vunnu tey bæði næstu settini og dystin 3-1, uttan at talan tó var um nakran knúsandi sigur, um sæð verður burtur frá fyrsta setti, ið ÍF vann trygt. Í hinum mansdystinum í gjár megnaði Mjølnir at gera ein vørr, tí hóast lítið og einki hevur borið til í vetur, eydnaðist Mjølni at vinna ein stundum spennandi fimmsettara ímóti Fleyr, ið kanska hevur mist geistin, eftir at finalusessurin glapp. hilmarjan@sosialurin.fo Finaluforsmakkur Flofbóltur Tá menninir hjá ÍF í gjár tóku ímóti SÍ, var talan um eina smakkiroynd av tí, ið bíðar, tí hesi bæði liðini møtast í FM-finalunum Fleyr ella SÍ í finaluna Flogbóltur Nú bara eitt umfar er eftir, er spenningurin framvegis stórur, um tað verða kvinnurnar hjá Fleyr ella kvinnurnar hjá SÍ, sum koma í FM-finalurnar ímóti Mjølni Mynd: Álvur Haraldsen