fríggjadagur 15. mars 2013síða 48

nr. 31 · 15. mars 2013 8 VIKUSKIFTI virðisløn Leo Poulsen leo@sosialurin.fo »South Bank Sky Arts Award er ein av heimsins mest eftirtráðaðu heiðrum, sum viðurkennir tað allarbesta av bretskari mentan, umfatandi myndlist, sjónleik, opera, dans, skemt, klassiskan tón­leik, popp, sjónvarpsdrama, bók­ mentir og film« Soleiðis ber til at googla seg fram til týdningin av South Bank Sky Arts Award. Sum kunnugt varð Sámal Blak saman við restini av samlaðu manningini av operaini »Ghost Patrol« innstillaður til heiðurslønina innan kategoriina, Opera. – Bara tað, at vit eru innstillað, er stórt, segði Sámal Blak, tá Sosialurin fyri einum mánað síðani ella so prátaði við pallsniðgevan. Hann gav tá ábendingar um, at møguleikin fyri at vinna var mest sum eing­in, og tað var tí hann festi seg so nógv í innstillingina. Men tá vinnararnir vórðu avdúkaðir um miðdagsleitið týsdagin, stóð Ghost Patrol eftir sum vinnarin í kategoriini, Opera. – Hetta er ein virðisløn, sum á ein hátt kann sammetast við Oscars í Hollywood, og tó ikki. Her verða ein hópur av virðislønum lætnar innan fyri eina rúgvu av kategorium, men tað er fyri listina sum heild, sigur Sámal Blak. Til Oscars virðislønirnar verða virðislønir lætnar til einstaklingar fyri tað mesta, soleiðis er ikki við South Bank Sky Arts Awards. – Eg havi ikki vunnið virðisløn fyri bestu pallsniðgeving, men Ghost Patrol hevur vunnið fyri sína heild, sigur Sámal Blak. Heimsfrumsýning Hann er sjálvandi ógvuliga væl nøgdur við hendan heiðurin, hann nú hevur verið við til at vunnið. – Tað er sjálvandi stuttligt. Tað er altíð hugaligt, at fáa viðurkenning fyri tað, sum ein ger, og tað merkir eisini, at mítt navn verður meira kent. Tað er sum eitt slag av blástempling fyri tað arbeiði, eg geri, sigur Sámal Blak. Alt økir um tilvitanina um føroyska scenusniðgevan. – Slíkt er eisini við til at økja um tað netverkið, ið eg havi framman undan, og tað kann bara verða gott, sigur Sámal Blak. Hann heldur, at tað kann vera ein ávís orsøk til, at tað júst gjørdist Ghost Patrol, ið vann prísin innan Opera. – Hetta er jú ein spildurnýggj opera, so talan er um eina heimsfrumsýning. Talan er ikki um nakra stóra opera, men hon varð innstillað saman við eitt nú Harlekin, sum er ein200 ára gomul opera. Eisini er Ghost Patrol ógvuliga við­kom­andi í dag, samstundis sum tón­leikur og uppsetan alt er nýtt, sigur Sámal Blak. Øll í og rundan um Ghost Patrol eru tí ógvuliga fegin um virðislønina, ið jú eis­ini næstan sigur seg sjálvt. – Ein slíkur prísur merkir, at fleiri fólk hoyra mítt navn. Eg arbeiði jú við at fáa mítt navn út so víða sum gjør­ ligt, tí tað telur so nógv, og hesin prís­ urin ger kanska tað, at tá onkur nýggj framleiðsla er í umbúna, hugsa produs­ ararnir møguliga aftur á hendan prísin og hetta navnið, sigur Sámal Blak. Tað er tí ógvuliga umráðandi, at navnið kemur út millum fólk í um­ hvørv­inum. – Eg rokni við, at ein slíkur prísur gevur eitt eyka skump rætta vegin, sigur Sámal Blak. Nógv um at vera Tað er greitt, at sum nú er, ber ikki til hjá Sámal Blak at liva av pallsniðgeving í Føroyum. Spurningurin er so, at um fram­leiðarar her heima fara at leggja størri dent á at fáa føroyska, príslønta pall­sniðgevan heim at pallsniðgeva. – Eg vil fegin arbeiða í Føroyum, men tað krevur nógva planlegging, eitt ella tvey ár fram í tíðina. Eg arbeiði free- lance, og tað krevur nógva planlegging, og eg havi verk planløgd fram til 2014. Serliga innan opera krevur tað drúgva tilrættislegging, sigur Sámal Blak. Í løtuni er kalendarin hjá føroyska pall­sniðgevanum rættiliga fullur. – Eg havi havt frumsýning av trim­ um opera'um um vikuskiftið, og tær eru allar á turné við English Touring Opera. Harafrtar geri eg uppsetingina til tríggjar opera'ir aftrat fyri sama felag, og tær verða frumsýndar í heyst, sigur Sámal Blak. Og tað stendur enn meira í kalend­ aranum hjá føroyinginum við røtrum í Boston og Danmark. – Eg arbeiði eisini við einari írsk­ari framleiðslu, og so havi eg eitt summar­ arbeiði í Fraklandi og eina uppgávu í Belgia í 2014, sigur Sámal Blak. Men hóast fáar síður í kalendaranum eru blankar, tráar hann altíð eftir at koma heim til Føroya. – Eg skal verða við á sjónleikara­ skeið­inum hjá MáF, sum verður fyrst í mai, har eg skal undirvísa í pall­snið­ gev­ing. Eg havi eisini onkuntíð umrøtt at koma til Føroya við framleiðarum og leikstjórin í sambandi við onkra uppgávu, men tað er jú dýrt at ferðast til Føroya, og tí má tað helst vera í sam­ bandi við onkra uppgávu, sigur Sámal Blak. Kendir vinnarar Tá tú arbeiðir sjálvstøðugt, krevst neyv tilrættislegging. – Tú mást planleggja gjølla, og tað er neyðugt at hugsa teg væl um, og ikki siga ja til alt. Tað kann jú henda, at okkurt annað stingur seg upp, sum tú heldur vil arbeiða við, sigur Sámal Blak. Og tað heldur hann, at hendan virðislønin kann verða við til. – Nú sigur heiðurin í sjálvum sær ikki so nógv. Men hann gevur tær eitt herða­klapp og viðurkenning fyri tað, tú hevur gjørt, og verður uttan iva við til at gera navnið meira kent, sigur Sámal Blak. Sjálvt hátíðarhaldið fór fram týs­ dagin um miðdagin. – Tað vardi nakrar tímar. Vit fingu ein góðan bita, og so vórðu virðis­ lønirnar avdúkaðar so við og við. Har var hópurin av kendum fólki, mest bretsk, og tað var ógvuliga stuttligt at síggja hesi kendu fólkini, sigur Sámal Blak. Millum innstillingarnar var filmurin, Skyfall, ið er ein James Bond filmur, og ikki óvæntað vann hann innan lista­ greinina, film. Tilsamans er talan um 10 ymiskar listagreinar. Harumframt vórðu tveir serligir prísir lætnir við hátíðarhaldið í ár. Tom Hiddleston fekk »Times Breakthrough Award«, meðan Julie Walters fekk »The Outstanding Achievement Award«. Tá Ghost Patrol fyri umleið einum mánað síðani varð innstillað til South Bank Sky Arts Award innan opera, vóru vónirnar hjá Sámal Blak at vinna ikki stórar. Men tá hátíðarhaldið var týsdagin fór spildurnýggja operan avstað við virðislønini, sum Sámal Blak er ein partur av vann stóra virðisløn Sámal Blak Eg havi havt frumsýning av trimum opera'um um vikuskiftið, og tær eru allar á turné við English Touring Opera