fríggjadagur 16. apríl 2004síða 11

Nr. 72 - 16. apríl 2004 21 21 Nr. 72 • fríggjadagur • 16. apríl 2004 • 78. árgangur • www.sosialurin.fo Ein av lyklaleikar- unum á føroyska manslandsliðnum, Heini Hanusarson, heldur tað verða øgiliga spell, at sam- starvið millum HSF og Lars Nedergaard er komið at enda LANDSLIÐS- HONDBÓLTUR Terji Nielsen terji@sosialurin.fo Sterki høgri bakkurin á føroyska landsliðnum, Heini Hanusarson, var ógvuliga harmur um at hoyra, at Lars Nedergaard ikki longur er venjari hjá føroyska manslandsliðnum. Heini sigur, at honum hevur dámt Lars Neder- gaard serstakliga væl sum venjara. Kennir mentanina í Føroyum Sjálvur heldur Heini Han- usarson, at tað hevur verið ein stórur fongur hjá før- oyska hondbóltinum at hava Lars Nedergaard sum venjara, tí hann kemur úti- frá, men kennir føroysku mentanina avlíkavæl. Við tað at Lars býr í Danmark, men samstundis hevur búð í Føroyum og virkað innan føroyskan hondbólt, hevur hann hollan kunnleika til munin á føroysku og donsku ítróttarmentanini, sigur Heini Hanusarson. Lars Nedergaard hevur lagt stóran dent á kropsligu venjingina, og tað er nakað, sum Heini Hanusarson leingi hevur saknað í før- oyskum hondbólti. Til dømis nevnir Heini Hanus- arson, at danin hevur verið í sambandi við øll tey før- oysku hondbóltsfeløgini og umrøtt kropsligu venjing- ina. Hetta er eitt øki, har vit eru langt aftan fyri okkara grannar, sigur Heini, og hann heldur, at umstøðurn- ar til júst kropsliga venjing halta í nógvum av føroysku feløgunum. Somuleiðis heldur Heini Hanusarson, at tað er vert at hava í huga, at ein venjari sum Lars Nedergaard fær nógva inspiratión í Dan- mark, og at hann veruliga brennur fyri sakini. Lars hevur gingið inn fyri tí við lív og sál, sigur kollfirðing- urin og leggur afturat, at hann dugir illa at síggja, at tað finst nakar venjari her á landi, ið kann geva lands- liðnum eins nógv og Lars Nedergaard. Hann hevur verið ótrúliga seriøsur í mun til uppgávuna, heldur Heini Hanusarson. Neyvan slíkan venjarakapacitet í Føroyum Í grein aðrastaðnis í blaðn- um sigur formaðurin í HSF, Eivind Jacobsen, at nú verður farið at lýsa eftir nýggjum landsliðsvenjara, og at tað fyrst og fremst verður leitað í Føroyum. Hetta eru ikki tíðindir, ið hóva Heina Hanusarsyni, tí hann heldur ikki, at ein slíkur venjarakapacitetur sum Lars Nedergaard er at finna her á landi. Heini sig- ur, at eftir hansara tykki eru tað bert einir fýra ella fimm skikkaðir fyrstadeildar- venjarar í hondbólti, ið eru føroyingar. Um so er, at ein føroyingur verður settur sum landsliðsvenjari, heldur Heini Hanusarson, at tað er eitt hugskot, at HSF setur ein skikkaðan kropsligan venjara, ið skal verða tengdur at landsliðn- um. Her hugsar Heini t.d. um vágbingin Magna Mohr, ið er kropsligur venj- ari hjá B36. Somuleiðis heldur Heini Hanusarson, at tað tykist eitt sindur løgið, at HSF fer í miðlarn- ar at lýsa eftir einum lands- liðsvenjara, tí tá átti at verið talan um eitt starv, har HSF fór út at leita eftir honum, tí alternativini eru fá í Føroy- um, og útlendskir hond- bóltsvenjarar lesa neyvan føroysku bløðini, sigur Heini Hanusarson. Sjálvur hevur kollfirð- ingurin leikt hetta seinasta hálvárið við Neistanum, eftir at hann hevði leikt eitt hálvt ár við TMS Ringsted í bestu donsku deildini. Komandi summar gongur leiðin aftur til Danmarkar og Odense, har lesturin bíð- ar, men enn hevur Heini ikki tikið støðu til, hvar hann fer at leika, tá ið hann kemur niðuraftur. Heini sigur, at hann bíðar eftir at vita, um tað fer at eydnast TMS Ringsted at verða verandi í bestu deildini, tí so fer hann allarhelst aftur har at leika. Hondbóltsamband Føroya hevur gjørt av at steðga samstarvið við danan Lars Nedergaard, og tískil verður í næstum lýst eftir nýggjum venjara til føroyska manslandsliðið HONDBÓLTUR Terji Nielsen terji@sosialurin.fo Tað hevur leingi gingið sum slatur millum hond- bóltsáhugaðar føroyingar, at Lars Nedergaard ikki fór at sita leingi sum landsliðs- venjari, og nú er tað so vorðið veruleiki. Eivind Jacobsen, formaður í hond- bóltssambandinum, váttar, at avtalan millum HSF og Lars Nedergaard er strikað, og hann sigur tað verða fleiri orsøkir til tess. Fíggjarkarmarnir avgerandi Eivind Jacobsen sigur, at tað fyrst og fremst eru teir fíggjarligu karmarnir, ið hava gjørt, at sáttmálin millum HSF og Lars Nedergaard er strikaður. Millum annað var tað ógvuliga kostnaðarmikið, at danin ofta skuldi ferðast aftur og fram millum Før- oyar og Danmark, umframt aðrar útreiðslur, ið fylgdu við. Tær samlaðu útreiðsl- urnar av at hava Lars Nedergaard sum venjara blivu ov høgar, sigur for- maðurin í hondbóltssam- bandinum. Gjørt eitt gott arbeiði Tað er ikki tí at hondbólts- sambandið er ónøgt við av- rikið hjá føroyska lands- liðsvenjaranum, at sáttmál- in er strikaður, tí Eivind Jacobsen sigur, at HSF hevur verið væl nøgt við arbeiði hjá Lars, og at danin hevur lagt lunnar undir nógvar ætlanir, ið føroyskur hondbóltur kann fáa gagn av í framtíðini. Lars Nedergaard hevur millum annað lagt fram eina ætlan, ið hann nevnir »missión 2010«, har hann hevur lagt eina strategi fyri, hvussu hondbóltsfeløgini kring landið og HSF sjálvt skulu arbeiða fram ímóti einari støðugari menning av føroyska hondbóltinum. Fara at lýsa í Føroyum Formaðurin í HSF sigur, at hondbóltssambandið fer í næstum at lýsa eftir nýggj- um landsliðsvenjara, og tað verður fyrst og fremst søkt í føroysku miðlunum. Eivind Jacobsen sigur, at tað er í flestum førum ov kostnað- armikið at hava útlendskan venjara, og tí verður fyrst og fremst leitað her heima. Tað hevur verið tungt fíggjarliga at hava mans- landsliðið, sigur Eivind Jacobsen og leggur afturat, at HSF umhugsar, um tað er rætt at verða við í play- off kappingum hvørt ár. Hinvegin umhugsar HSF, um tað ikki er ein gongd leið at verða við í minni kappingum annaðhvørt ár, og so kanska play-off ann- aðhvørt ár. Hetta verður tó alt gjørt í samráð við kom- andi landsliðsvenjaran og landsliðshópin, sigur for- maðurin í HSF at enda. Vit royndu at fáa eina viðmerk- ing frá Lars Nedergaard til tíðindini, men hann hevur ikki verið at hitta seinastu dagarnar. Heini Hanusarson, landsliðsleikari: Ótrúliga harmiligt Lars Nedergaard ikki longur landsliðsvenjari Heini Hanusarson heldur tað vera stórt afturstig, at HSF nú fer at søkja eftir venjara í Føroyum Tað eru fyrst og fremst fíggjarkarmarnir, sum hava gjørt av, at leisturin í landsliðsarbeiðinum nú verður broyttur Hóast samstarvið nú steðgar, so eru tey í HSF fegin um tað arbeiðið, sum Lars Neder- gaard hevur gróðursett C M Y K 20 Føroyar og Palestina eru á sama báti Tað gongur støðugt skeiva vegin hjá Føroyum á altjóða styrkislistanum, sum FIFA aftur kunn- gjørdi á summarmála FÓTBÓLTSLANDS- LIÐIÐ Jóannes Hansen Tað gongur ikki skjótt, men kósin tykist vera greið. Á altjóða styrkislistanum, sum FIFA eina ferð um mánaðin roknar út, detta Føroyar eitt sindur aftur so at siga hvørja ferð. Síðsta dømið um hetta er listin, sum varð kunngjørdur mikudagin 14. apríl ella á summarmála. Nú eru Føroyar á 129. plássinum. Á listanum, sum varð kunngjørdur í mars, vóru Føroyar nummar 128. Á listanum, sum varð kunn- gjørdur í desember, vóru Føroyar nummar 126. Tá ið Føroyar vóru hægst á listanum fyri nøkrum árum síðani, metti FIFA Føroyar at vera ímillum nummar 112 og 115. Føroyar eru ikki einsa- mallar á 129. plássinum. FIFA hevur sett Føroyar undir liðina á Palestina, sum í altjóða fótbóltshøpi verður roknað at vera ein tjóð. Meðan Føroyar eru dotnar trý pláss skeiva vegin síðani undan jólum, hevur tað gingið hin vegin hjá Palestina. Teir hava lætt sær tíggju pláss hesar seinastu fýra mánaðirnar. Frakland er næstbest Heilt frammi í toppinum hevur ikki talan verið um serligar broytingar seinastu mánaðirnar. Brasilia verður framvegis mett at eiga besta fótbóltslandsliðið í heiminum. Frakland, sum Føroyar eru í HM undan- kappingarbólki saman við, verður mett at eiga næst- besta landsliðið í heimin- um. Allar hinar tjóðirnar, sum Føroyar skulu spæla ímóti í HM undankappingini, eru styrkismettar væl hægri enn Føroyar. Írland er á fimtanda plássinum, Sveis er nummar 45, Ísrael er nummar hálvt hundrað, og Kypros er nummar 97. Millum Norðurlondini er Danmark styrkismett ovast. Danir eru nummar fjúrtan, Svøríki er nummar 21, Noreg nummar 38, Finn- land nummar 42 og Ísland er á 60. plássinum. Holland, sum Føroyar skulu spæla vinardyst ímóti 1. juni, eigur fimti besta landsliðið í heiminum. Malta omanfyri Føroyar Merkisvert er tað, at onkrar av tjóðunum, sum Føroyar hava staðið seg væl ímóti, nú verða styrkismettar hægri enn Føroyar. Her verður eitt nú hugsað um Malta, sum Føroyar fyri sjey árum síðani vunnu tvær ferðir 2–1 ímóti í HM undankapping. Malta er styrkismett sum nummar 128. Seinnu árini hava Føroy- ar eisini vunnið ímóti Luksemborg, Liktinstein og Kasakstan. Allar hesar tjóðirnar eru niðanfyri Føroyar á listanum. Kasakstan er nummar 136. Liktinstein er nummar 149, og Luksemborg og Allan Simonsen eru dottin heilt aftur á 156. plássið. Á listanum eru 204 tjóðir. Á aftasta plássinum er Montserrat, har høvuðs- staðurin eitur Plymouth. Karibiska oyggin, sum er 98 ferkilometrar víð ella 3,1 ferkilometrar størri enn Borðoyggin, og har tað búgva tólv túsund fólk, eigur sambært FIFA veik- asta fótbóltslandsliðið av øllum teimum 204 í heiminum. Næsti styrkislistin hjá FIFA verður kunngjørdur 12. mai. Listin er grundað- ur á úrslit í undankapping- um og á úrslit í vinar- dystum. Føroyar fara ikki at spæla landsdyst fyrrenn 1. juni. Møguleiki er kortini fyri, at Føroyar um ein mánað á styrkislistanum verða fluttar annan vegin ella hin. Fram ímóti EM endaspælinum, sum verður í Portugal í juni, eru nógvir vinardystir á skránni. Tað tykist ganga niðurá hjá føryoska fótbóltslandsliðnum. Í øllum førum, um metast skal eftir styrkislistanum hjá FIFA Hóast tað gongst illa at skava stig saman, so hevur Fremad Amager longt sam- starvið við venjaran ÚTISETAFELAG Jóannes Hansen Tað stendur einki serligt til í føroyska felagnum á Amager. Eftir páskaum- farið og 2-0 tapið á heimavølli ímóti Skjold er Fremad Amager niðanfyri strikuna. Tískil er setn- ingurin hjá Hjalgrimi Elttør, Jann Inga Petersen, Andrew av Fløtum og øllum hinum í felagnum at stríðast fyri at varðveita plássið í næstbestu deild- ini. Michele Guarini er venjari. Tá ið tað gongst illa og úrtøkan er soltin, plaga eyguni at verða vend ímóti venjaranum, og lættasta loysnin fyri at venda gongdini plagar at vera at siga venjaranum úr starvi. Í hesi vikuni hevur Fremad Amager venjarin verið nógv umrøddur, men tað hevur ikki verið tí, at teir hava sagt ella ætla at siga honum úr starvi. Heldur er tað tvørt- urímóti. Í fyrradagin varð boðað frá, at felagið og venjarin hava skrivað undir nýggjan sáttmála. Samstarvsskeiðið skuldi verða liðugt í summar, men nú er skeiðið longt, soleiðis at Michele Guar- ini verður venjari í Frem- ad Amager í hvussu so er inntil á sumri í 2005. Tá ið venjarin tók við starvinum í september í 2001, var Fremad Amager í botninum í 2. deild. Tað eydnaðist honum at venda gongdini, soleiðis at fel- agið slapp undan at flyta niður í Danmarksseriuna. Í fjør flutti Fremad Am- ager upp í næstbestu deildina. Leiðslan sigur, at tað var ikki minst venjaranum fyri at takka. Hóast tað gongst eitt sindur striltið at fóta sær í næstbestu deildini, so síggja teir onga orsøk at avskriva venjaran. Vísa venjar- anum álit Michael Guarini, sum her sæst saman við Andrew av Fløt- um, hevur júst skrivað undir nýggjan sáttmála við Fremad Amager