fríggjadagur 22. mars 2013síða 16

Fríggjadagur 22. mars 2013 · Nr. 34 16 Sosialurin Hugskot og viðmerkingar – send sms til 225000 nøvn Úr Føroyum fór so mangur ta víðu verð umkring, at hoyra aðrar tungur og læra onnur ting, men kom hann ikki aftur....... Hesi orð kunnu sigast um so mangar føroyingar, sum fóru avstað á ungum árum at læra, í skúla og mangt annað. Mong funnu sær maka burturi. Gott arbeiði o.a. Hús og heim fingu tey eisini. Sanna Simonsen gift Aspe­ strand í Ski í Noregi var dóttr Sigrid og Jóhan í Hoyvík skipara og skipaeigara. Úr okkara skúlaflokki fóru fleiri av landinum og komu ikki heim aftur at búgva. Ein teirra var Sanna. Sum, vit hava hoyrt útvarpið siga frá, er deyð yviri í Noregi nú fyri stuttum. Hon fór sum 18 ára gomul til Noregs á húsarhaldsskúla. Síðani fór hon at læra til sjúkra­systur eisini í Noregi, og har fann hon sær ein norð­ mann, og varð so verðandi í Noregi. Tey fingu trý børn og búsettust í Ski í nánd av Oslo. Familian búði í Trónd­ar­ gøtu, men tá seinni heims­ bardagi brast á, kom abbi henn­ara úr Hoyvík oman til Havn­ar eftir Sannu, brøðrum hennara og mammuni og fekk tey niðan til Hoyvíkar, har tað var tryggari at vera enn í Havnini. Jóhan fiskaði um hetta mundi við snurriváðsbáti úr Esbjerg. Tað gingu fleiri ár, at Sanna og hennara einki sóu til pápan Jóhan. Tá pápin 11.12.1943 kom úr Esbjerg við M/B Hoyvík, var øll Havnin á gosi. Jóhan og teir tríggir skipsfelagar hans­ara vóru avbyrgdir av bretska hervaldinum, tí ivi var um, hvørjir hesir menn vóru - . Sanna og mamman Sigrid komu á staðið, har manningin var avbyrgd. Sigrid skuldi so siga, hvør maður hennara var, og Sanna skuldi vísa á, hvør pápi hennara var. Men av tí at Sanna ikki hevði sætt pápan í fleiri ár, kendi hon hann ikki í fyrstuni. Hon fór og vísti á Virgar Frýdal av Velbastað, ið var ein av mann­ingini. Ikki sørt rok stóðst av hesi misskiljing, men hetta greiddi seg tó skjótt - . Hoyvík var annars einasta skip, ið kom úr Danmørkini millum 9. apríl 1940 og 27. juni 1945 - . Tey búðu í Tróndargøtu, tá vit skúlavinkonurnar, gingu til hvørja aðra í bindiklubb í mong ár og hittast enn sam­ an, hóast vit nú eru fáar eftir. Vit minnast, hvussu stuttligt tað var at koma til Sannu í bindiklubba. Har var so sera hugnaligt, tí ofta vóru brøður hennara við inni í stovuni. Har var altíð nógv góðgæti at fáa, sum pápin, Jóhan í Hoyvík, hevði havt við heim, tá skipið Hoyvík hevði verið í Onglandi og selt fisk. Í 2002 vóru vit, bindi­ klubba­konurnar, ein túr í Noregi og vitjaðu Sannu. Vit vóru 10 í tali. Har komu nógv­ar góðar søgur frá goml­ um døgum. Sanna hevði tað ógvuliga gott í Noreg. Hon var væl gift, men misti man­ nin fyri fleiri árum síðani. Hetta var ein sera góður túr­ur. Sanna var stak blíð sum altíð vísti og okkum nógv áhugaverd støð í Noregi. Ein onnur havnargenta, sum hoyrdi uppí okkara flokk var Jonna Jensen. Hon var dóttir Jógvan Jen­sen, keypmann og búði í Niels Finsensgøtu, har pápi henn­ara hevði handil. Tá Jonna var liðug við skúlan, fór hon til Onglands sum 19 ára gomul at arbeiða og læra mál. Hon kom ong­an­ tíð aftur at búgva í Føroyum. Jonna búsettist í Sveits við manni úr Ungarn. Tey fingu 3 børn. Hon sat einkja í mong ár. Eisini hjá henni høvdu vit mangar góðar løtur í bindi­ klubbanum. Í 2000 fóru vit ein túr til Sveits at vitja Jonnu. Vit vóru 8 sum fóru av­stað. Hetta var eisini ein ógvuliga vakur og minnis­ rík­ur túrur. Har var alt so sera vakurt, og veðrið var so av­bera gott. Í Sveits vóru vit eisini saman við eini aðrari konu, sum búði ein part av sínum lívi í Havn. Hon gekk eina tíð í skúla­flokki saman við okk­ um. Hon æt Ingeborg Skade. Hon hevði donsk for­eldur. Pápi hennara var í mong ár full­trúi á Ríkis­um­boðnum. Inge­borg kom ongan­tíð aft­ur til Føroyar at búgva, men var her fleiri ferðir á vitjan. Mað­ ur henn­ara var av týskari ætt. Tað vóru fleiri onnur úr okkara flokki, sum fóru úr Føroyum á ungum árum at læra, sum ikki komu aftur at búgva. Onkur av teimum eru nú farin. Við hesum fáu orðum vilja vit minnast okkara floks­fe­ lagar, sum fóru úr Føroyum og livdu sítt góða lív úti í víðu verð. Friður veri við minninum um vinkonur og floksfelagar okkara Sannu, Jonnu og Ingeborg. floksfelagarnir Minningarorð um floksfelagar okkara Sanna Simonsen Jonna Jensen Ingeborg Skade Brúdleyp Leygardagin 30. mars giftast í Zionskirkjuni í Esbjerg Ja­ co­bina Skorastein, Leirvík og Martin Haahr, Herning, Adr. Strandbygade 32 1. th. Es­bjerg. 90 ára føðingardagur Týsdagin 2. apríl 2013 fyllir Hanna Jacobsen, vanliga nevnd Hanna í Loft, Sørvágur, 90 ár. Dagurin verður hildin í missiónshúsinum Libanon frá kl. 17.00. Øll eru hjartaliga vælkomin. 80 ára føðingardagur Anna Petersen á Sondum, Sandavágur fyllir 80 ár langa fríggjadag 29. mars. Dagurin verður hildin í Meinig­heits­ húsinum frá kl. 15 – 18. Øll eru vælkomin. 80 ára føðingardagur Mikudagin 20. mars verður Judith Mortensen, Øravík 80 ár. Til ber at heilsa upp á Judith leygardagin 23. mars hjá soninum Petur Mohr, Á Dalinum 16, frá kl 17. 45 ára føðingardagur 2. apríl verður Ann Óleyð Sæbúð, Vestmanna, 45 ár. Dagurin verður hildin ann­ an páskadag frá kl. 16.00 hjá systrini, adr. í Líðini 61, Kolla­ fjørður. Konfirmatión í Porkeri Pálmasunnudag 24. mars kl. 11.00 verður Ari Magnussen, sonur Rebekku og Finnboga Magnussen, búsitandi á Frei í Noreg, konfirmeraður í Porkeris kirkju. Opið hús verður inni á Bakka hjá Aksel og Sunnrid Thorsteinsson, Líðarvegur 7 frá kl. 18:00.