fríggjadagur 5. apríl 2013síða 18

Fríggjadagur 5. apríl 2013 · Nr. 38 18 Sosialurin Hugskot og viðmerkingar – send sms til 225000 Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Góð mið, um tú ætlar tær undir fjarlestur Fjarlestur er ein lestrarháttur, sum er í stórari menning. Útboðið økist alla tíðina við nýggjum til­boð­um til tey áhugaðu. Flestu út­búgv­ingar­stovn­ar hava nú fleiri ymisk tilboð til teirra, sum ætla sær at lesa sjálvi, tað veri seg útbúgvingar ella partar av eini útbúgving, á fólkaskúla-, mið­náms- ella universitetsstigi. Hættirnir sum brúktir verða eru ógvuliga ymiskir. Talan kann vera um beinleiðis sjálvlestur, har student­urin bara er innskrivaður og bara møtir til kravd skeið og til próvtøku. (Tá ið próvtøkan er skrift­lig kann hon takast á Fróð­skap­ar­setri­num. Hetta tó bert, um tað á­vísa universitetið gevur loyvið.) Í øðrum førum kann undir­vís­ing­ in í stóran mun vera um telduna - tað veri seg bólkaundirvísing ella tvívegis samskiftið av yms­um slagi. Í summum førum má stud­ent­ur­in møta til ávísa und­ir­vís­ing í semes­tri­num, har td. bólka­ upp­gáv­ur verða gjørdar og mettar. Hesin lestrarhátturin er sera stræv­in og tað krevur stóran sjálv­saga, men hann er ógvuliga fleksi­bul og er væl hóskandi til eitt fjar­skot­ið oyggjaland. Í løtuni - 2013 - fæst ikki stuðul til hendan lestrarháttin, hvørki úr Før­oyum ella Danmark, men til ber at søkja um stuðul úr privatum grunn­um og eisini eru nøkur út­búgv­ingar­tilboð á netinum, í t.d. USA, ið eru ókeypis. Her síggjast ymisk leinki, sum kunnu vera áhugaverd hjá tí, ið ætlar sær undir fjarlestur. Spyr tó eisini á teimum ein­ støku stovn­un­um eftir møguleikum fyri fjarlestri, tí vit hava ikki eitt savnað yvir­ lit í teimum einstøku londunum. UK: The Open University www.open.ac.uk Open College of Arts www.oca-uk.com Association of British Correspondence Colleges www.homestudy.org.uk British Council www.educationuk.org til fjarlestur í Bretlandi London External www.londonexternal.ac.uk Skeið hjá London University GRADUATEGUIDE www.graduateguidedl.com Fjarlestur í USA á Graduate stigi USA: www.coursera.org www.edx.org www.udacity DK: www.kvuc.dk www.studentum.dk www.vuc.nu Svøríki: www.miun.se Lýsing av fjarundirvísing: LES har tú ert og hvar tú vilt – tín staðseting hevur einki at siga og tú kanst lesa á fleiri universitetum í senn. LES tað tú vilt – nógv fak eru møgulig. LES tað tú kanst – eingi mørk. Niðurstøða: Fjarlestur gevur nýggjar møgu­leik­ar, men krevur ressoursur. Tøknin er her og veitir fjølbroytni í læring og útbúgving. Kann tað vera við til at venda fráflytingini úr Føroyum? Fjarlestur Spurnarsíðan Spyr og fá svar um útbúgvingar. Allar. Allastaðni. Spg. 1 Nær er umsóknarfreistir til hægri lestur í Norðurlondum. “Nordbo” Svar til “Nordbo”: Umsóknarfreistirnar at søkja um upptøku á hægri útbúgving eru rættiliga ymiskar frá landi til lands og stundum eisini í landinum frá einum útbúgvingarstovni til ein annan. Her er kunning um Norður lond. Noreg Vanliga er freistin 15. apríl. Les meira á: www.samordnaopptak.no Svøriki Vanliga er freistin 15. apríl. Les meira á: www.antagning.se Ísland Tað er eingin felags upptøka til íslendskar lærustovnar. Freistirnar eru ymiskar frá stovni til stovns og umsóknarbløð fáast frá ymsu lærustovnunum. Set teg í samband við teir einstøku lærustovnarnar og fá meiri at vita um freistir og umsóknarmannagongdir. Finnland Umsóknarfreistirnar eru ymiskar frá stovni til stovns. Vanliga eru umsóknarfreistirnar til hægru útbúgvingarnar (kandidaatti/kandidat) millum januar og mai. Umsóknarbløð fáast á lærustovnunum. Danmark Kvota 1 hevur freist 5.juli kl. 12.00. Partvís elektroniskt umsóknarblað er at finna á: www.optagelse.dk Føroyar Kvote 1 til F.F. hevur freist 1.juli Vinarliga Holger og Bjørg SPG. 2 Spurningur um føroyafrádrátt Eg ætli mær at byrja at lesa í Danmark í summar og eru áhugaður í at finna útav, hvussu eg fíggjarliga eri fyri sum lesandi. Eg veit, hvat eg kann fáa í SU, men eri ósikkur uppá, hvat føroyafrádráttin gongur út uppá. Kunnu tit forklára mær tað? Vinarliga xxx Svar : Sum lesandi føroyingur í Danmark hevur tú rætt til ein skattafrádrátt uppá 71.000kr um árið. Lesandi føroyingar í onnur Norðurlond kunnu eisini søkja um skattafrádrátt, men her er upphæddin ein onnur enn í Danmark. Ávísar treytir eru fyri at kunna fáa føroyafrádrátt : • tú skalt vera fultíðarlesandi • tú skalt fáa SU • tú skalt prógva, at tú hevur lønt arbeiði • tú mást ikki vera fluttur til Danmarkar meira enn 6 mánaðir áðrenn lesturin byrjaði, og tú vart búsetandi í Føroyum, áðrenn lesturin byrjaði • tú ert í Danmark í lestrarørindum • tú mást ikki hava eina kompetancegevandi útbúgving frammanundan Um tú skalt supplera (GSK), áðrenn tú byrjar eina útbúgving, hevur tú rætt til føroyafrádrátt. Ynskir tú føroyafrádrátt, skalt tú venda tær til skattamynduleikarnar í kommununi, har tú býrt. Minst til, at føroyafrádrátt skal søkjast á hvørjum ári. Tú hevur rætt til føroyafrádrátt, so leingi tú lesur, og lestrartíðin heldur seg innan fyri normeraðu lestrartíðini + 2 ár. Vinarliga Holger og Bjørg Enska málroyndin, IELTS, verður leygardagin 11. mai 2013. Kunning á www.edu-danmark.dk/ielts# Spurningar