mánadagur 8. apríl 2013síða 16

Mánadagur 18. mars 2013 · Nr. 32 16 Sosialurin Hugskot og viðmerkingar – send sms til 225000 ítróttur Hilmar Jan Hansen Longu áðrenn liðini fóru á vøllin í Vestmanna var greitt, at hetta var ein dystur, ið bara skuldi spælast, og at hvørki av liðunum fór ein ella annan veg, hvussu úrslitið enn bleiv. VÍF/ Tjaldur hevði longu mist sín finalumøguleika og Neistin hevur langt síðani tryggjað sær bæði finaluplássið og heimavøll tvær ferðir, skuldi verið neyðugt við meira enn tveimum finaludystum. Tað gekk eisini javnt á tað allarmesta av dystinum, líka til miðskeiðis í seinna hálvleiki, tá tað var javnleikur, 21-21, men Neistin so fyrst gjørdi eitt lop upp á 21-24 og síðani 22-27. Harvið var dysturin væl og virðiliga avgjørdur, og Neistin fekk so ímóti triðbesta liðnum roynt ymiskt av tí, ið kanska kann koma til góðar í FM- finalunum ímóti Kyndli. Í avgerandi løtunum ímóti endanum vísti Kristina Griksaite sína styrki, tá hon tók tað allarmesta og fleiri ferðir sendi bóltin skilagott í spæl aftur. Munurin ímóti endanum var nokk fyrst og fremst, at Neistin fekk mál burtur úr sínum skjótálopum, og tað fekk VÍF/Tjaldur ikki. Hóast avrikið hjá Neistanum kanska ikki var líka sannførandi allan dystin, fekk liðið enn einaferð ímóti endanum víst, at tað hevur neyðuga yvirskotið til at avgera dystirnar. Tað er avgjørt ein dygd, sum í stóran mun hevur gjørt Neistan til greiða FM-favorittin hjá kvinnunum aftur í ár. Mynd: Álvur Haraldsen Hilmar Jan Hansen Fyrsta hálva tíman av dystinum var stórt sæð eingin munur á liðunum, tí ta einu løtuna vóru vertirnir omaná og tað næstu gestirnir. Fram til hálvleiks vippaði tað aftur og fram, men hvørki liðið fekk ordiliga sett seg á dystin, so hálvleiksstøðan ógvuliga passandi var javnleikur, 14-14. VB hevði hinvegin beinanvegin í seinna hálvleiki hug til at gera eitt glopp millum liðini á máltalvuni, og stigvíst eydnaðist at vinna seg so mikið framum, at StÍF meira og meira mátti finna seg í leiklutinum sum tann, ið rennur aftaná. VB megnaði at halda fast og lovaði ikki StÍF serliga nær, og tí longu miðskeiðis í seinna hálvleiki gjørdi StÍF seinasta sprellið, ið kundi givið okkurt, men kortini var til fánýtis. Serliga var endaspurturin hjá vágskvinnum flottur, tí seinastu gott og væl fimm minuttirnar fingu tær sjey mál á rað, uttan at tað eydnaðist StÍF at skora nakrantíð aftur í dystinum. Umframt í sjálvum dystinum í gjár, sær VB eisini út til at hava ein góðan endaspurt og kappingini sum heild, har tó bara heiður og æra eru eftir at spæla fyri. hilmarjan@sosialurin.fo hondbóltur Lógvatak avlýst Hondbóltsvenjaralógvatakið, ið skuldi vera leygardagin, bleiv avlýst, tí ov fáir venjarar høvdu meldað seg til og eisini annað kom í vegin. Jón Kragesteen, samskipari hjá Hondbóltssambandinum, sigur, at støða verður seinni tikin til, nær tiltakið verður. Venjaraskeið HSF skipar fyri barna- og ungdómsvenjaraskeiði 25. og 26. apríl, sum eru flaggdagurin og dýrabiðidagur, so tí eru góðar vónir um, at fólk fáa sett hesar báðar dagarnar av til skeiðið. Skeiðið verður fyriskipað í samstarvi við IHF, og skeiðsleiðari verður Helmut Martin úr Týsklandi. VÍF/Tjaldur - Neistin 24-29 (12-13) VÍF/Tjaldur: Liljan Djurhuus 11 (3), Adina Petrea 8, Annika Patti 2, Halla Durhuus 1, Amanda Kristiansen 1, Tóra Seloy 1 Neistin: Nicoleta Radu Hansen 8, Barbara Brauer 6 (1), Jacklin Durhuus 4, Bára Hansen 4, Marjun Danberg 2, Birita Jacobsen 2, Rakul Augustinussen 1, Eir Berg 1, Unnur Danielsen 1 Dómarar: Kári Hansen & Karsten Joensen StÍF - KÍF 34-25 (19-15) StÍF: Marius Joensen 9, Pætur Joensen 9, Jógvan G. Joensen 4, Sveinur Justinussen 4, Borgar Danielsen 3, Allan Norðberg 3, Fríði R. Djurhuus 1, Steinar Prestá 1 KÍF: Rúni Joensen 7, Teitur Joensen 5 (2), Hans Eli Sigurbjørnsson 4, Poul Finnur Egholm 3, Regin Petersen 2, Fríði Weyhe 2, Rógvi Weyhe 1, Tony Weyhe 1 Dómarar: Hannis Wardum & Uni Wardum Hóast dysturin millum VÍF/Tjaldur og Neistan sum so ikki hevði nakran týdning, megnaðu gestirnir ta síðstu løtuna at spæla sannførandi og vinna ein annars javnan dyst greitt VÍF/Tjaldur-Neistin 24-29 (12-13) Fremsta deild kvinnur støðan nr. Lið Dystir Vunnin mál Tapt mál Munur Stig 1 Neistin 18 566 418 148 36 2 Kyndil 19 435 427 8 23 3 VÍF/Tjaldur 19 463 484 -21 19 4 VB 19 461 484 -23 13 5 StÍF 18 437 507 -70 10 6 Stjørnan 17 386 428 -42 9 Atlantic Airways Deildin støðan nr. Lið Dystir Vunnin mál Tapt mál Munur Stig 1 KÍF 22 642 504 138 35 2 H71 22 587 525 62 29 3 VÍF 22 631 563 68 28 4 StÍF 23 571 540 31 25 5 Kyndil 23 596 595 1 23 6 Neistin 22 533 572 -39 16 7 Team Klaksvík 22 457 718 -261 0 Neistin hevði yvirskotið Hilmar Jan Hansen Onkur vildi kanska hildið, at nú mátti verið um­ráðandi hjá koll­firð­ ingum at hildið fokus, og at nú teir vita, at teir eru í FM-finaluni, mátti allur denturin verið lagdur á fyrireikingarnar til hana. Men so sjálvsagt hava teir í KÍF ikki valt at sæð upp á tað, tí tá liðið í gjár vitjaði StÍF á Skála, var tað uttan spælarar sum Andrias Nielsen, Nicklas Selvig og Ása Dam á vøllinum. At teir báðir fyrrnevndu ikki vóru við, sást eisini á málskjótingini, tí tað bleiv bara til 25 mál til­ sam­ans, og ein annar av málslúkunum hjá koll­firð­ing­um, Hans Eli Sigurbjørnsson, ið plagar at roynast væl, fekk hesa­ ferð bara fýra mál. So skal eisini sigast, at hjá StÍF var Sveinur Justinussen við aftur, eftir at hava sitið uttanfyri í hálvan­annan mánað, tí hann koykti sær eina tá, tá StÍF og KÍF seinast møtt­ust. Strandingar fóru síðstu tíggju minuttirnar av fyrra hálvleiki eitt sind­ur frá kollfirðingum og vóru á odda við fýra mál­um í hálvleikinum, og eftir steðgin helt StÍF tørn og læt stórt sæð ongantíð KÍF koma nær aftur, og at enda bleiv talan um triva­ ligan sigur. StÍF koppaði KÍF Uttan tveir av stóru mál­slúk­ unum fekk KÍF ikki hildið tørn á útivølli ímóti StÍF, ið vann tryggan sigur, ið tó bara pyntar eitt sindur um plássið á stigalvuni VB góðan endaspurt StÍF megnaði í høllini á Skála at fylgja væl við VB, til góðir 10 minuttir vóru eftir og VB setti ein ótrúliga góðan endaspurt inn StÍF - VB 25-35 (14-14) StÍF: Paula Høgnesen 5 (3), Rebekka Justinussen 5 (1), Erla Petersen 4, Birna Tummasardóttir 4, Bára Berthelsen 3, Irena Dam 2, Súnfríð B. Johansen 1, Rebekka Poulsen 1 VB: Gurið Mortensen 10 (3), Helga Eyðunsdóttir Kjærbo 5, Marijana Trbojevic 5, Rannvá Johannessen 4, Tamara Radic 4, Rúna M. Jacobsen 3, Bára K. Mortensen 3, Andrea Nielsen 1 Dómarar: Hannis Wardum & Uni Wardum