fríggjadagur 12. apríl 2013síða 45

nr. 41 · 12. apríl 2013 9 VIKUSKIFTI Vantandi fígging er eitt afturvendandi evni, tá kjak um filmslist er á føroyska tíðindabreddanum. Í so máta er gávan frá Fynske Filmsfortællinger kærkomin hjá Andriasi, og hann er eisini skjótur at viðganga, at hetta kemur væl við. – Filmsframleiðsla er krevjandi, og tí er spurn­ingurin um fígging aloftast nakað, sum tekur langa tíð. Tað kann sjálvandi vera ein forðing, men tað hevur eisini sínar fyrimunir, tí tað eigur at hava við sær, at bert góðar verkætlanir koma ígjøgnum nálareygað, sigur Andrias. – Hinvegin, so merkir hetta eisini, at ein gáva av hesum slagnum setir síni krøv. Vit hava fingið hendan møguleikan, sum sjálvandi kann gerast ein lopfjøl, men fyrst og fremst skulu vit prógva, at vit megna at liva upp til álitið. Eg kann í øllum førum ikki brúka tað sum umbering, at tað er vónleyst at fáa fígging, so tað er eingin ivi um, at hetta eisini forpliktar, sigur Andrias Høgenni. Gávan setir krøv – Fyri mannfólk er ein neyðtøka sjálvandi eins niðrandi, sum hon er hjá einum konu­fólki, men sjálvs­ fatanin ger í nógv­ um førum, at slíkir tilburðir held­ur verða tagdir burtur, sigur Andrias Høgenni mynd: tilvildarlig