mánadagur 15. apríl 2013síða 15

15 Mánadagur 15. apríl 2013 · Nr. 42 Sosialurin Hugskot og viðmerkingar – send sms til 225000 ítróttur hondbóltur atlantic airways deildin Altavgerandi dysturin Dysturin í Hoyvíkshøllini leygardagin klokkan 16, tá menninir hjá H71 og VÍF møtast, verður sum ein altavgerandi finala, og fáur man heldur ivast í, at áhugin verður hareftir. Endar dysturin við javnleiki, sum nokk eingin torir at kalkulera við í hondbólti, er H71 í finaluni ímóti KÍF, og annars er tað vinnarin, H71 ella VÍF, sum vinnur seg í finaluna. Hilmar Jan Hansen Hóast kollfirðingar fyri lang­ ari tíð síðani hava vunnið seg í FM-finaluna, eru teir ikki sovnaðir. Tað gekk sjón fyri søgn í gjár, tá teir vunnu á Neistanum, ið enn eina­ ferð fekk víst, at liðið er eitt spenn­andi framtíðarlið, sum heilt skjótt kann gera meira, enn bara at arga hini við­ hvørt. KÍF brúkti sjálvandi dyst­ in til eitt og annað, og Jakob Jónsson er fullgreiður yvir, at tað er nú, hann kann spæla sær við hugskotini, tí tá finalurnar byrja, er tað ikki bara spæl meira. Tá skal hann vita o vera vísur í, at hann ger nakað, ið hann kann brúka. Sum so ofta, so var nokk so nógv ferð á kollfirðingum, ið nokk ikki duga at taka tað heilt róligt, men hóast teir ikki slappaðu av, var Neistin alla tíðina við og royndi at pressa og hanga í. Tað bar tó ikki á mál hjá teimum bláu, tí høvdu teir hug at nærk­ast, brúkti KÍF sítt kanska sterkasta vápn, sum er skjótálopið, og tá kláraði Neistin ikki at fylgja við. Men talan var um ein livandi dyst við rímiliga nógv­ um málum og undirhaldi, har tað sást, at KÍF er við at vera til reiðar til FM-finalurnar. Næsta mótstøðuliðið verður Team Klaksvík, og tað verður síðsti møguleikin at gera roynd­ir, tí eftir tað snýr tað seg bara um at vinna FM og einki annað. hilmarjan@sosialurin.fo Neistin - KÍF 27-31 (13-16) Neistin: Jugoslav Djumic 8, Teitur Magnusson 7 (2), Herbjørn Lava 4, Terji Mørk 3, Tórstein Balle 2, Sjúrður Thomassen 2, Andras Joensen 1 KÍF: Nicklas Selvig 7, Hans Eli Sigurbjørnsson 5, Rógvi Weyhe 4, Rúni Joensen 3, Andrias Nielsen 3, Regin Petersen 3, Poul Finnur Egholm 2, Jákup Trygvason 2, Teitur Joensen 1, Tony Weyhe 1 Dómarar: Eyðun Samuelsen & Andreas F. Hansen KÍF er til reiðar Eingin slingur var í hjá koll­firð­ ingum, tá teir vitjaðu Neistan, tí KÍF gjørdi tað, sum skuldi til, og fekk roynt ymiskt, sum kann koma til góðar í FM-finaluni Atlantic Airways Deildin støðan nr. Lið Dystir Vunnin mál Tapt mál Munur Stig 1 KÍF 23 669 535 134 37 2 H71 23 617 552 65 31 3 VÍF 23 670 597 73 30 4 StÍF 24 598 570 28 25 5 Kyndil 23 596 595 1 23 6 Neistin 23 564 599 -35 16 7 Team Klaksvík 23 491 757 -266 0 Hilmar Jan Hansen – Vit eru klárir at møta vest­ menningum leygardagin. Van­liga plaga vit at hava hampil­iga gott tak á teimum, og tá vit hittust í tilsvarandi dysti í fjør, smurdu vit teir av. Men í vetur hevur tað ikki altíð verið so lætt at spælt ímóti vestmenningum, men vit fara eftir at vinna, tí tað gera vit altíð. Tað sigur Rúni Vest Højgaard, sum við sínum 12 málum royndist sannur mál­slúkur hjá H71, tá liðið í gjár hevði vitjan av StÍF, ið ikki longur hevur tað stóra at spæla fyri. – Eg stúrdi áðrenn dystin eitt sindur fyri, um vit fóru at vera nóg konsentreraðir, men tað vóru vit, so har var einki at stúra fyri allíkavæl. Og eg kann ikki siga annað, enn at mær gekst væl, sigur hann. Munurin á liðunum var tey trý málini, sum tað end­ aði við, og sum eisini var mun­urin tað mesta av seinna hálv­leiki, eftir at tað hevði verið meira javnt fyri steðgin. Ungu menninir í H71 vóru gramm­ari og skarpari, og at teir høvdu meira at spæla fyri enn mótstøðuliðið, munaði kanska eisini eitt sindur. – Vit vistu, at vit skuldu hava bæði stigini, so vit í øllum førum varðveittu okk­ ara fyrimun í mun til VÍF, sig­ ur Rúni, ið saman við Rógva Sørensen fekk tey nógvu málini hjá H71, sum ikki hesaferð fekk so nógv burt­ ur úr Bogdan Florea, ið bara fekk tvey mál við brots­kasti. Strandingar royndu at geva mótstøðu og tað var eisini spennandi eina løtu ímóti endanum, men tá av­ torn­aði, vísti H71 neyðugu styrk­ina og vann uppiborið og rímiliga sannførandi. hilmarjan@sosialurin.fo H71 - StÍF 30-27 (12-11) H71: Rúni Vest Højgaard 12, Rógvi Sørensen 7 (1), Bogi G. Davidsen 4, Hans Kári Hansen 3, Bogdan Florea 2 (2), Sigmundur Dahl 1, Tróndur Arge 1 StÍF: Sveinur Justinussen 9 (2), Marius Joensen 6, Allan Norðberg 4, Pætur Joensen 3, Anfinnur Joensen 2, Jógvan G. Joensen 2, Fríði R. Djurhuus 1 Dómarar: Thomas Juul Thomsen & Karsten Joensen H71 grammari At hoyvíkingar høvdu meira at spæla fyri, hevði helst sín týdning, tá teir í gjár sendi strandingar innaftur við ongum Hoyvíkingar vóru bæði grammari og skarpari, tá teir tóku ímóti strandingum, og nú verður bara bíðað eftir stóra seinasta dystinum undan eini møguligari FM- finalu, sum verður ímóti VÍF Myndir: Álvur Haraldsen Hilmar Jan Hansen Heldur ikki í gjár eydn­ aðist teimum í Team Klaks­vík at fáa eitt ella tvey stig, sum hevur ver­ ið málið í longri tíð, og nú er tíðin við at ganga und­ an. Men allíkavæl vóru klaksvíkingar ikki bara ónøgdir við dystin í Vest­ manna: – Tá hugsað verður um, hvat VÍF hevði at spæla fyri, so var tað ikki so galið, at vit bara taptu við fimm málum. Vit eru í so smalir, tí nógvir hava ikki gjørt nógv við hond­ bólt og eru púra feskir í hondbólti. Men stórt rós til teir sum eru, men við einum venjara og fáum spæl­arum aftrat, so hevði tað heilt vist blivið spenn­andi, heldur ein av spæl­arunum, Beinur Heðinsson, ið avgjørt ikki sá knústur út, hóast tapið. Team Klaksvík hevði eis­ini sín heiður av dyst­ inum, tí í næstan 20 minuttir fylgdu klaks­ víking­arnir væl við vert­ unum og vóru enntá tvær ferðir á odda, áðrenn VÍF- venjarin, Henrik Gerster, hevði sæð nokk, tók time- out og fekk vent dystinum eftir fýra minuttum, tá VÍF skoraði seks mál í fýra minuttir, meðan Team Klaksvík mestsum ikki klár­aði at svara aftur, og har­við var dysturin í veru­ leik­anum avgjørdur. – Tað sá kanska ikki so gott út, at vit taptu seinna hálvleik við tveimum mál­ um og vunnu dystin við bara fimm, men kanska komandi dysturin ímóti hoy­víkingum spøkti í høvdinum, helt Agnar Joensen, ið segði tað vera mest umráðandi hjá teim­ um at vinna dystin og stigini, so teir kundu hava nakað at spæla um, tá H71 stendur á skránni leygar­ dagin. – Vit valdu at royna ymiskt, skifta nógv út og geva teimum ungu møgu­ leikan, og tað var bara gott. Nú fara vit so eftir at vinna á hoyvíkingum, og vit ætla ikki, at tað skal ganga sum í fjør, tá alt tað sama stóð upp á spæl, men vit longu eftir 25 minuttum vóru aftan­ fyri við átta málum. Vit hava alla virðing fyri unga og óføra H71-liðnum, men fara eftir at vinna á teim­ um og sjálvir koma í final­ una. hilmarjan@sosialurin.fo VÍF-Team Klaksvík 39-34 (21-14) VÍF: Filiph Jojic 7, Hanus Christophersen 5, Andrias Eriksen 5, Joen Pauli Høgnesen 5, Agnar Joensen 3, Regin Joensen 3, Magnus Müller 3, Rasmus Juncker 2, Sjúrður Nielsen 2, Sjúrður Poulsen 2, Sámal Jákup Djurhuus 1, Sámal Joensen 1 Team Klaksvík: Sámal Olsen á Tjaldrafløtti 10, Dánjal Kjærbo 9, Zarko Pejovic 8 (3), Beinur Heðinsson 5, Rógvi Olsen á Tjaldrafløtti 1, Vilhelm Vilhelmsen 1 Dómarar: Hannis Wardum & Uni Wardum VÍF fekk stigini Tað, sum umráddi hjá vest­ menn­ingum, var ikki at gera nakað býtt, men at vinna, og tað megnaði VÍF í gjár, tá Team Klaksvík var og vitjaði í Vestmanna