mikudagur 21. apríl 2004síða 9

16 Nr. 75 - 21. apríl 2004 Nr. 75 - 21. apríl 2004 17 Turrur fiskur, voodoo, føroyskar yrkingar, spillolja… Framsýningin hjá Anniku á Lofti hevur eitt sindur av hvørj- um. Og so hongur hon júst har, hon skal - beint í larmi, tosi og sigarettroyki, sum eitt øðrvísi boð uppá vanliga gerandis- sjaggið. Framsýningin á Café Jinx verður at síggja hendan mánaðin út. LISTAFRAMSÝNING Anna V. Ellingsgaard anna@sosialurin.fo Tá Annika á Lofti í fjør kom ovast á breddan við listaverkinum "Oljan og Vinnan", vóru vit ivaleyst fleiri, ið bíðaðu í spenningi eftir, hvat meir lá og goymdi seg í hesi higartil ókendu listakvinnuni úr Sandavági. Síðani tað, hevur tað verið rættiliga friðaligt rundanum bert 20 ára gomlu listakvinnuna, men nú ger hon aftur um seg. Og vit hava ikki bíða til fánýtis. Framsýningin hjá Anniku á Café Jinx boðar frá einum ósmæd- num hugflogi, ið ikki aftrar seg við at rykkja føroysk listarlig "halgimenni" og gand niður aftur á jørðina og inn í eina nýggja, øðr- vísi listaverð. 19 listaverk eru við, og tilfarið er oljumáling, akryl, spillolja og turrur fiskur. Brotpetti av list Málningurin "Eitt dýpi av dýrari tíð" er ein roynd at endurskapa huglagið í yrkingini hjá Jens Paula Heinesen á lørifti. Hvítu og bláu litirnir geva myndini ein djúpan fjarleika, sum kortini togar í teg. Eisini ítøkiliga, tá orðini "Tá barmur mín spentur av undran …" úr yrkingini gerast meir og meir ótýði- lig, og tú mást nærri og nærri at myndini fyri at lesa tey. Tað er, sum stendur tú ytst á eini egg og riðar millum vandamikla dýpið og trygga fótafestið. "Mjørki" er eitt spæl við litum og ljósi, kámað av mjørkanum, sum avskeplar hav og aldur, so tað nærum verður eitt eldhav. Við eini neyvari kumpass, sum sendir snórabeinar strikur gjøgnum alla myndina, spælir listakvinnan við ørkymlaðu kensluna hjá áskoðaranum. Og sum eitt provokerandi punktum er fyrsta ørindi í yrkingini hjá Christiani Matras "Sigl oyggj fram úr mjørka …" skrivað við barnsligari, ovurtýðiligari fagurskrift út yvir myndina. Týdningurin í hesum báðum myndunum liggur hvørki í mynd ella teksti men í millumtekstliga sam- bandinum teirra millum og í samskiftinum við áskoð- aran. Eitt argandi samskifti, tí tað minnir okkum á, at øll list er úrslit av og tilsiping til aðra list. Eisini yrkingin hjá Christiani Matras, sum hevur brent seg fast í huga- heimin hjá flestu føroying- um sum ein órørilig ikon. Men eisini hon kann nýtast, endurnýtast og misnýtast um tú vilt. Tí hon er bara - ja, eitt brotpetti av aðrari list. Gandur ella roknistykki? "Elskandi" er eisini eitt spæl millum tekst og mynd. Reyð/gulu litirnir, mjúku strikurnar og ótýðiliga, nakna parið fáa myndina at osa av glóðheitum erotikki. Gandakenda megin, sum ongin kann verja seg fyri ella stýra, verður lýst við voodoo teknum og aftur- vendandi kumpassini, sum hesuferð er broytt og ríslað út yvir. Og so, best sum tú veruliga byrjar at kenna hitan úr myndini, varnast tú teir - hesar løgnu og neyvu upplýsingarnir, sum við eitt rykkja teg úr gandheimin- um: "During lovemaking, sexual stimuli travel 170 miles per hour - The Human Body has 45 miles of nerves". Kanska er ero- tikkur bara eitt rokni- stykki? Ein nagla í oljurúsin Síðsta ár spáddi onkur, at Annika á Lofti fór at gerast ársins kjakevni við lista- verkinum "Oljan og vinn- an". Og eina stund í hvussu er elvdi verkið til kjak. Tí meðan flestu føroyingar dirraðu í spenningi eftir úrslitunum frá oljuboring- unum, smurdi Annika nakrar turrar fiskar inn í spillolju, nelgdi teir á eina plátu og ein nagla ígjøg- num okkara oljurús. Nakrir av oljudálkaðu stertunum rúmast ikki rættiliga innanfyri rammu- na, sum ein tilsiping til eitt slag av list, ið røkkur út um listaheimin fyri heldur at vera ein viðmerking til tann veruliga heimin. Tað er kanska at taka nakað rívan til at samanbera "Oljan og vinnan" við aðra hugskots- list sum "Ein og tríggir stólar" hjá Kosuth ella "Gullfiskar í hvirlu" hjá Evaristti, men Modern Art eyðkennini eru týðilig og tankin aftanfyri listaverkini tann sami - týdningurin liggur í hugskotinum. Speisk viðmerking Við barrina á Café Jinx liggur ein skrá yvir fram- sýningina. Slíkar geva, sum kunnugt, ymsar hentar upplýsingar um millum annað tilfar og prís, ella hvat nú fólk fegin vilja vita um listaverkini, tey síggja. Men hendan skráin er øðr- vísi - og næstan fornerm- andi - tí til hvørja mynd fylgir ein neyv og sam- vitskufull frágreiðing, um myndevni, íblástur, og hvat málningurin skal ímynda. Hvat nú við øllum mín- um ansaligu tulkingum av ímyndum og listarligum rákum? Um tað er tilætlað, veit eg ikki, men okkurt gevur mær varhuga av, at hesar frágreiðingar eru speiskar viðmerkingar til nettupp háfloygdar yvir- tulkingar av list. Listaverkini hjá hjá Ann- iku á Lofti eru hugtakandi. Og tað er tað eftir øllum at døma eisini onnur, ið halda, tí tey vórðu øll seld eftir fáum døgum. Men tað ber framvegis til at síggja tey á Café Jinx fram til 30. apríl. Olja og erotikkur Er erotikkur eitt roknistykki? Naglar ígjøgnum okkara oljurús Eitt spæl millum mynd, tekst og áskoðara Annika á Lofti hevur listaframsýning á Café Jinx Gunnar Mikkelsen og Guðrun Sólja Jacob- sen høvdu fríggja- kvøldið heiðurin av at byrja konsertrøðina í Tivoli, sum verður hvørt fríggjakvøld fram til 19. septem- ber. Yvir 30.000 fólk høvdu leitað sær í Tivoli hetta kvøldið KONSERT Eirikur Lindenskov eirikur@sosialurin.fo Myndir: Álvur Haraldsen Tivoli, Keypmannahavn: Fríggjakvøldið var tann fyrsta konsertin av 21. sum Tivoli í Keypmannahavn skipar fyri hvørt fríggja- kvøld fram til 19. septem- ber. Hetta er áttanda árið á rað, at skipað verður fyri sokallaðum fredagsrock- konsertum, og fyrstur á pallin var Gunnar Mikkel- sen – hálvi føroyingurin, sum vann seinastu Stjerne for en aften-kappingina hjá Danmarks Radio. Fyrsta konsertin var ein serlig »Stjerne for en aft- en« konsert við fleiri lut- takarum frá stjørnukapp- ingunum. Eftir Gunnar kom Guðrun Sólja Jacob- sen á pallin og henni næstur var Jakob Andersen. Har var mikil fagnaður – og har vóru yvir 30.000 fólk og lýddu á hetta kvøldið. – Hetta var sera stórsligið og ein tann størsta konsert- in, eg havi verið við til, segði Guðrun, tá vit hittu hana back stage eftir kon- sertina. Gunnar Mikkelsen var eisini fegin um konsertina, hóast onkur kiksari var, tá hann skuldi trína á pallin – eitt nú var eingin gittar at spæla uppá, tí helt hann kanska, at hann hevði virk- að heldur fjálturstungin, men hetta var ikki tað, sum áskoðarin legði til merkis. Gunnar er rættuliga kom- in í eldin eftir at hava vunn- ið seinastu stjørnukapping- ina. Hann var tá farin til Kanada, har hann arbeiddi á einum bóndagarði, men kom so heim aftur til Dan- markar og gjørdist verulig stjørna. Seinni í ár kemur Gunnar út við fløgu. Tað eru annars ikki hiss- ini nøvn, ið verða at hoyra á hesum fríggjadagskonsert- unum á plenuni í Tivoli. Úr rúgvuni kunnu vit nevna Suzi Quatro, TV-2, The Cardigans, Dodo And The Dodos, Kim Larsen & Kjukken, Lisa Ekdahl, Shu- bi-dua, Eran DD, Jokeren o. fl 30.000 lýddu á Gunnar og Guðrun Fagnaður var stórur í Tivoli fríggjakvøldið, tá føroysku stjørnuvinnararnir vóru á pallinum Gunnar Mikkelsen á pallinum á plenuni í Tivoli fríggjakvøldið Guðrun varð væl fagnað í Tivoli fríggjakvøldið, tá hon trein á pallin og sang »Promise Me«… C M Y K 17 16