mikudagur 1. mai 2013síða 24

Mikudagur 1. mai 2013 · Nr. 49 24 Sosialurin Hugskot og viðmerkingar – send sms til 225000 tøkni Tú skuldi kanska hildið, at plátuspælarin hoyrir til eina farna tíð. Stillaður á ovasta loft fyri fleiri árum síðani og gloymdur saman við savninum av singlum, lp’um og ep’um. Alt hetta úr eini tíð, har talgilt var tað, sum kundi finnast á armbandsurum. Men sannleikin er, at vinylið noktar at doyggja. Og at sølan av plátum er í stórum vøkstri – 67% bara í 2012. Og sølan av plátuspælarum er eisini fleirfaldað seinnu árini. Hetta ljóðar heldur løgið í hesum tíðum, har øll hava atgongd til næstan ókeypis tónleik umvegis eitt nú Spotify og WiMP. Skrivað heitið á lagnum ella navnið á sangaranum og vel play. Tú hevur longu goldið umvegis haldaragjaldið, og tí byrjar tónleikurin uttan nakað hóvasták. Listan við løgum kanst tú taka við tær á snildfonini, og umvegis tráðleysa tøkni kanst tú spæla hana, har tú ert. Lætt, einfalt og bíligt. So tað átti at verið ógjørligt at selt vinyl- plátur fyri 200-300 krónur stykkið. Stórar, óhandugar og dýrar. Og ikki at tala um dust, skøvur og knúsandi ljóðið, sum ein slitin lp- útgáva fær við árunum. Noktar at doyggja Men alt hetta tykist ikki at ræða keyparan yvirhøvur. Plátuhandlar hava fleiri staðni tikið cd-hillarnar burtur og bygt lp-stativ ístaðin, og tað er ikki bert eldra ættarliðið, sum tryggjar hesa endurreisnina. Sambært kanningunum eru tað í eins stóran mun tey ungu, sum vilja hava næstan rituellu avspælingina av plátum og heita ljóðið, sum hesar geva. Og tí er tað kanska ikki so løgið, at úrvalið av plátuspælarum er størri í dag, enn tað hevur verið í nógv ár. Tað ger tað eisini enn løgnari, at hetta er fyrsti plátuspælarin hjá McIntosh yvirhøvur. Felagið hevur verið til síðani 1949 (árið eftir at lp-plátan sá dagsins ljós), men MT10 er altso fyrsti plátuspælarin frá teimum. Aftur fyri er hetta so ein verulig high-end vøra í flotta sniðnum hjá McIntosh og dýrari tøkni undir rustfría stálinum. Sonn góðska Vektin á plátuspælaranum er 19 kilo, og tað skulu eina rúgvu av fjaðrum til, so resonansurin kann doyvast. Allir mekaniskir lutir eru væl gjøgnumhugsaðir. Eitt nú 7 sentimetra tjúkki akryltallerkurin, sum hvílur á keramikki, har smá neodym-magnet lyfta tallerkin, so friktiónin verður mest sum eingin. Tónaarmurin er úr duralaluminium (eyka stívað aluminium við kopar, magnesium og mangan) og verður hildin í tveimum safir- og keramiskum upphangum. Ytst á arminum er ein MC-pickup við eini nál, sum er slípa elliptiskt, ballað í inbenholtshúsa og sum bert hevur 0,5 millivolt útgangs­ spenning. Hetta merkir, at sjálv grammofonin má seta til ein pickup-inngang ella ein for­ sterkara, sum hóskar til MC-nálina. Armurin og nálin eru – eins og fleiri aðrir lutir – fingin til vega frá týska Clearaudio. Næstan sum ein Cadillac við motori og gearkassa frá BMW. Við øðrum orðum er talan um bæði stíl og innihald í sama pakka. Snøgt og heitt ljóð Hevur tú gjørt tað fyrr, so er tað eitt spæl at seta pláutspælaran til. Eitt sindur av olju á aksilin, varisligt montering av nálini og ein hálvan tíma av arbeiðstíð er tað, sum skal til, áðrenn MT10 er klárur. Minst til at seta silikonreimina á og at leggja tunnu filtmáttuna á diskin, eins og plátuvektin skal leggjast á plátuni. That’s it! Grammo­fon­in varð seta til framúr væl ljóðandi P-5xe pickup-forsterkarin hjá Ayre, og síðani varð ljóðið beint í 250 watt sterka McIntosh MA7000 umvegis dygdargóðar Silent Wire NF Referenz-kaðlar. Spælarin startar og rakar røttu ferðina skjótt – og hann heldur ferðini. Lítla LED-lampan lýsir undir akryl-diskinum, og við nálini í rillunum er bara at leggja seg afturá og njóta ljóðið. At byrja við trýrt tú ikki, at hetta er ein plátuspælari. Tónleikurin sveimar í rúminum púrasta uttan óljóð. Og millum tónarnar er tøgn. Ljóðmyndin er stórt, ljóðið heitt og lokkandi. Avslappandi er tað, men bert til dynamikkurin setir ljóðið í bringuna, og tú sjálvvirkandi fer at halda, at tú lurtar eftir einum high-end fløguspælara – ikki plátuspælara. Dynamiski kontrasturin ger, at eg havi hug at hoppa. Og hóast eg veit, at tað er tekniskt gjørligt at fáa ein hvassari bass og meira luft í diskantin, so sakni eg tað ikki. Tí McIntosh- grammofonin gevur mær eina ljóðmynd í fullari stødd, har alt annað enn samljóðið í tónleikinum verður skorið burtur. T.d. við Still Live hjá Keith Jarret, har jazztrio’in gevur eitt næstan ræðandi 3D-ljóð. Djúpu tónarnir frá klaverinum verða ongan tíð átrokandi, og stuttu kontrabass-solo’irnar fáa sofuna at rista, men trummuspælið hjá Jack DeJohnette smellur í oyrabróskinum. Alt er í javnvág, ljóiðið er framúr, eisini á vokalum, strúkarum og blásarum. Inn­ spæl­ingarnar á Quiet Winter Night frá 2L við Hoff Ensemble og øðrum eru somikið framúr tekniskt, at tú klórar tær í nakkanum. Glasklári vokalurin hjá Helen Bøksler ella trompetin hjá Mathias Eick verða endurgivin púrasta náttúrligt við einum fantastiskum ljóiði. Tú kanst avgjørt fáa eina góða uppliving við Rega-plátuspælaranum fyri 5.000 krónur ella við Linn LP12 Majikk, sum kostar fimm ferðir tað. Men hvørgin er í nær námind full- skala myndini, sum McIntosh-grammofonin uttan hóvasták gevur tær. Við at hyggja djúpt í plátusavnið finni eg eina Japan-stoyping av Love Over Gold hjá Dire Strait. Hvørki heitislagið ella 14 minuttir langi Telegraph Road hava nakran tíð ljóðað somikið væl. Ein fullriggað Linn LP12 var nær við, og tað sama kann eisini sigast um bæði Pro-Jet Xtension 12 og Thorens TD350. Men eingin teirra hevur somu raffineraðu, opnu og náttúrligu ljóðmynd. Til tey fáu Tey eru ikki nógv, men tey eru helst lukkulig. Eigararnir av McIntosh MT10. Ein plátu­ spæl­ari fyri folk, sum fyrst og fremst elska tón­leik, og sum ikki vilja finna seg í at fínstilla grammo­fonina, hvørja ferð ein nýggj pláta skal snúrast. McIntosh-grammofonin skal bert setast upp einaferð, og so koyrir hon hvørja ferð. Ljóðið er fantastiska róligt, men samstundis tørvar hesum plátuspælaranum hvørki dynamik ella guts. Góðskan er frálík í øllum liðum, og eg ivist í, um eigarar av einum slíkum plátuspælara vildu býtt um við nakað sum helst annað. Tí tað er langt í frá víst, at ljóðið kann verða betri. Men tað vita tey flestu við McIntosh- forsterkarum alt um. Tekstur: Lasse Svendsen Ljóð sum silki Tað er eitt paradoks, at sølan av vinyl økist, nú mest sum øll kunnu streama ókeypis. Við hesum plátuspælara- num skilir tú hví Hi-fi: McIntosh MT10 pladespiller Reimdrivin akryltallerkur Safir- og keramisk armuppheng 0,5 mV MC-pickup 33 1/3, 45 og 78 s/m 19 kg Vegleiðandi prísur: 94.995 krónur Fyri Ímóti Ljóðgóðska ★★★★★★ Funkur ★★★★★★ Brúkaravinarligheit ★★★★★★ Góðskumeting ★★★★★★ Samlað meting ★★★★★★ Stór og djúp ljóðmynd Potentur dynamikkur Nógvir tónalitir Framúr góðska Kundi verið hvassari Prísurin Allar tríggjar standard-ferðirnar eru atkomuligar á MT10 Armurin hvílir á einum safir- og einum keramiskum lag. Ein blanding, sum skal halda øllum resonansum burtur frá arminum og nálini. Nálaupphangi er vart av resonansdempandi ibenholt