mánadagur 6. mai 2013síða 8

Mánadagur 6. mai 2013 · Nr. 51 8 Sosialurin Hugskot og viðmerkingar – send sms til 225000 Umhvørvisvikan hevur gjørt mun Elin Lindenskov setti í morgun níggjundu umhvørvisvikuna í røðini, og forkvinnan í Teknisku nevnd, har umhvørvismál nú hoyra undir, heldur, at vikan hevur nomið við nakað í hugburðinum hjá fólki Leo Poulsen ­– Hettar er nummar níggju í røðini. Tað vil siga, at fyrstu ferð, vit skipaðu fyri um­ hvørvisvikuni, vardi hon ikki eina heila viku, men annars er hettar níggjundu ferð. Tað sigur forkvinnan í Teknisku nevnd, sum eftir býráðsvalið í heyst er um­ skipað nakað, og nú hevur gomlu umhvørvisnevndina undir sær. Umhvørvisvikurnar hava havt ávís evni á hvørjum ári, og soleiðis er eisini hesaferð. – Evnið hesaferð er »Tak up og set niður«. Og tað snýr seg serliga um at taka rusk upp, serliga úti í náttúruni, men eisini at planta trøð og plantur at skapa vøkstur runt umkring í kommununi, sigur Elin Lindenskov. Hon heldur, at vikan hevur stóran týdning fyri borgrarnar i kommununi. – Eg haldi, at talan fyrst og frest er um eina áminning um, at fara væl um náttúruna og rudda upp eftir okkum. Men eg haldi eisini, at fólki dámar tað, og hetta er eisini vikan, tá farið verður oman á Vaglið komandi leygardag, har fólk fáa ein plantupakka. Tað er so sjálvandi nakað, ið er nógv eldri enn um­hvørv­ isvikan, sigur Elin Linden­ skov. Hetta dámar fólki serliga væl, og nógv eigarafeløg nýta høvi til at vera saman og seta niður og verja náttúruna. – So eg haldi avgjørt, at tað hevur týdnig. Tað minnir okkum eisini um, at sum­ marið er á veg, vónandi, sigur Elin Lindenskov. Fyrilestur um urtgarðar Og fólk taka væl ímóti vikuni. - Tað haldi eg, at vit kunnu siga, og tað verður betri og betri, og fólk eru meira tilvitað um tað. Eg haldi eisini, at tað er batnað nógv í kommununi hesi seinastu níggju árini. Tíðarandin er eisini við okkum, sigur Elin Lindenskov. Hon heldur eisini, at tað er nakað, ið sæst aftur. – Eg haldi at tað sæst aftur. Tað er minni rusk at síggja, tó at tað framvegis er nógv rusk at síggja. Men hetta við urtagørðum og at planta, tað er nakað, vit síggja meira og meira til, og fólk hava áhuga í tí, sigur Elin Lindenskov. Hon vísir á, at miku­kvøld­ ið verður eitt tema­kvøld við júst hesum í Post­hús­kjall­ aranum, har greitt verður frá um urtagarðar og um plant­ ing, og hvussu farast skal við hesum plantunum. – So tey, ið hava hug at byrja nú, tey eru vælkomin at koma at hoyra um, hvussu urtagarðurin skal røkjast, sigur Elin Lindenskov. 25 ára hátíðarhald Tað er vorðin traditión seinastu árini, at býráðs­ politikarar ganga á odda, og seta trø og runnar niður, tá umhvørvisvikan verður sett, og í ár hava tey valt barnagarðin á Norðrasta Horni sum setanarstað. – Tað kemst av, at barna­ garðurin á Norðrasta Horni fyrr í árinum fylti 25 ár, og tí stovnurin hevur sum slag­ orð, at »náttúran er teirra námsfrøðiliga amboð«. So tað hildu vit passaði sera væl, tí her úti verða børnini vand upp í náttúruni og at verja um náttúruna, sigur Elin Lindenskov. Hon heldur, at tað hevur verið ógvuliga stuttligt at síggja, hvussu børnini hava verið við í plantingini. - Sjálv tosaði eg við eina smágentu, sum segði, at hon nokk skuldi hyggja eftir trøunum og syrgja fyri, at tey hava tað gott. Hon býr so nær við, at hon sær yvir á plantingina, sigur Elin Lind­ enskov. So tað kann av sonum sigast, at umhvørvisvikan er fyri bæði børn og vaksin. – Heit avgjørt. Bæði barna­garðar og skúlar, øll taka undir við tí. Skúla­ flokkar hava eisini møgu­ leika at fara út at planta í ár, og tað einasta, tey skulu gera, er at venda sær til kom­ mununa á uv@torshavn.fo, so kunnu tey fáa eitt øki, sum kommunan ávísir teimum, har tey kunnu fara út at planta. Og tað vóni eg, at tað verða skúlaflokkar, ið taka undir við tí, sigur Elin LIndenskov, forkvinna í Teknisku nevnd hjá Tórs­ havnar kommunu. Elin Lindenskov, forkvinna í Teknisku nevnd, var ein av býráðslimunum, ið plantaðu eitt træ í morgun Mynd Álvur Haraldsen Børnini fylgdu forvitin við í, meðan kommunalpolitikararnir plantaðu eitt træ Mynd: Álvur Haraldsen