fríggjadagur 10. mai 2013síða 44

nr. 53 · 10. mai 2013 8 VIKUSKIFTI Sniðgeving Jákup Mørk jakup@sosialurin.fo – Lívið hjá mær er avgjørt ikki vorðið lættari, men eg havi eitt fantastiskt frælsi til at gera tað, sum eg brenni fyri. Orðini eigur Sissal Kjartansdóttir Kristiansen, sum í fjør summar fór úr tryggum og góðum starvi hjá Sendi­ stovuni. Hon hevði tikið endaliga av­ gerð um, at hon skuldi verða sjálvstøðug vinnurekandi, og ikki minst er tað egna klædnamerkið, Shisa Brand, sum fer av­stað við størsta partinum av tíðini. Í løtuni ger hon eina kaffihettu um dagin og tvær troyggjur um vikuna, nakrar taskur liggja í køini, samstundis sum hon skal royna at halda fast um krea­ tivi­tetin, men hóast næstan óteljandi ar­beiðs­tímar, so angrar hon ikki eitt sekund, at hon valdi tryggu tilveruna frá. – Ikki tí at eg fái livað so væl av Shisa Brand einsamalt. Eg havi eisini aðrar uppgávur av ymsum slag, sum eg átaki mær. Hetta er neyðugt, um eg skal forvinna nóg mikið av peningi – og tað var eisini tankin allatíðina tá eg valgdi at gerast sjálvstøðug. Men sum sjálvstøðug hevur tú frælsið til at siga nei, um tú ikki tímir. Tað havi eg so ikki sagt til nakra uppgávu enn, men tað er ein góð kensla at vita, at tú hevur møgu­leikan. – Sjálv havi eg eisini tikið til, at eg nú haldi meg skilja, hvussu samkynd hava tað, tá tey spretta. Tað verður ikki lætt­ari, men eg trúgvi, at tú ert glaðari við at vera erlig móti tær sjálvari. Í mín­um føri er munurin kanska, at eg kann spretta innaftur, um tað vísir seg, at hetta kortini ikki var tað. Kiksað erma var startskotið Tað var annars ikki júst eitt starv innan klædnavinnuna, sum lá í kortunum frá barnsbeini. Sum við so nógvum øðrum, so var tað ein av lívsins tilvildum, sum brádliga gjørdi Sissal varuga við, at hennara ítriv eisini var nakað, sum kundi seljast, og sum hon kanska kundi liva av. – Eg havi ikki nakra útbúgving inn­ an vinnuna, men tað at skapa og hand­ verkið sjálvt hevur altíð havt mín stóra áhuga. Og so liggur tað í familjuni. – Eitt nú havi eg altíð bundið nógv, og ta einu ferðina hevði eg bundið eina ov stóra ermu til eina skipstroyggju. Eg tímdi ikki at rekja hana uppaftur, so tá eg hevði bundið ermar av nýggjum, var framvegis ein ov nógv. – Eitt, sum ofta hevði forargað meg, var, at termohetturnar til stempul­ kannur vóru so vánaligar, at kaffi kóln­ aði alt ov skjótt. Og so kom hug­skotið um at seymað stóru ermuna til eina kaffi­hettu. Tað var nakað, sum fleiri løgdu merki til, og hetta gjørdist so byrjanin til tað, sum eg nú brúki stóran partin av tíðini uppá, sigur Sissal. Tí hetta vant skjótt uppá seg. Taskur, húgvur, troyggjur og ryggsekkir vóru millum tað, sum Sissal tókst við. Í 2008 fekk Shisa Brand eisini sín egna Facebook-profil, har tey vitjandi kundu síggja nýggjar vørur frá skapandi hond­unum hjá Sissal. – Aloftast hevur processin verið tann, at eg havi skapt nakað út frá mín­ um egna tørvi. Viðvíkjandi klæðum er tað so, at eg passi ikki øll vanlig klæði, og tí havi eg í fleiri førum skapt míni egnu klæði. Og verðu tað væl mót­ tikið, so royni eg at arbeiða víð­ari við hugskotinum. Tí kemur tað meira enn so fyri, at mínir egnu lutir eru hálv­ kiksaðir, tí teir innihalda øll mistøkini, sum verða gjørd í fyrstu framleiðsluni. Tillagingarnar og víðari menningin kemur so í næsta stigi, og tá eri eg ofta mun­andi betur nøgd um úrslitið. – Og so er tað fan­tast­iska gevandi, um eg brádliga síggi onkran heilt fremm­ andan nýta Í eini kjallaraíbúð í Gundadali situr sjálvlærdi sniðgevin handan Shisa Brand og stríðist við framleiðslum sínum. Enn er hetta als ikki nakað, sum Sissal Kj. Kristiansen kann liva av, men frælsið í egnari fyritøku og tilvitskan um at arbeiða 100% eftir egnari sannføring eru drívmegirnar, sum skapa ein nýggjan sprota innan føroyska sniðgeving skapar føroyskan móta Shisa Tað var ein av lívsins tilvildum, sum gjørdi, at Sissal Kj. Kristiansen nú marknaðarførir sínar vørur undir heitinum, Shisa Brand. Orsøkin til hetta skal finnast í Japan, har Sissal var AFS-næmingur eitt skúlaár. – Hjá teimum var mest sum ógjørligt at siga Sissal, og tí varð eg bara rópt Shisa. Hetta hevur so bara hingið við, og eitt nú brúkti eg eisini heitið, tá undir lesnaðinum í Danmark hevði onkrar uppgávur at gera. – Tá eg so byrjaði at selja mínar vørur, var ikki annað enn náttúrligt, at aftur brúkti heitið. Tá var tað so bara Shisa. Men Niels Arge Galán, sum eg starvaðist við á Sendistovuni hjálpti mær at gera búmerki, og hann fann so eisini uppá, at vit skuldu skoyta »Brand« upp í navnið. At tað so eisini skapar eitt orðaspæl upp ímóti »She’s a brand« ger tað heldur ikki verri, sigur Sissal. Dugdu ikki at siga Sissal