fríggjadagur 17. mai 2013síða 45

nr. 56 · 17. mai 2013 9 VIKUSKIFTI myndir: polfoto »Eystureuropa hevur hertikið kappingina« Pástandur: Ofta verður ført fram, at tey eystureuropeisku londini, sum eru nógv í tali, hava sett seg á kappingina við at atkvøða fyri hvørjum øðrum. Andsvar: Vinnarar av Eurovision seinastu árini hava verið Svøríki, Aserbajan, Týskland, Noreg, Russland, Serbia, Finnland, Grikkaland, Ukraina og Turkaland. Tað vil siga, at lond úr øllum Europa vinna kappingina upp á skift. »Øll atkvøða fyri grannalondunum« Pástandur: Grikkaland gevur Kypros sítt 12- tal, Bosnia sendir stig til Kroatia, og Danmark og Svøríki hjálpa hvørjum øðrum. Andsvar: Hetta kann hava meira við felags mentan enn loyalitet at gera. Ein tónleikari í Svøríki hevur lættari við at gerast kendur í Danmark enn í Bosnia, og poppljóðið í Litava líkist meir ljóðinum í Letlandi enn í Bretlandi. Vanliga vinnur sangurin, sum appelerar breiðast, kappingina. »Tað er blivið meira show enn tónleikur« Pástandur: Framførslurnar snúgva seg í nógv størri mun um at hava eitt gott show, okkurt festligt innslag ella at hava flott fólk í smáum klædnapløggum á pallinum. Andsvar: Ein góð framførsla kann ávirka úrslitið og eisini gera munin, men í fjør vann svenska Lorren, sum var einsamøll á pallinum og sang ein góðan poppsang, ímóti nøkrum russiskum ommum, sum skuldu gera nakað, ið eingin annar hevði gjørt áður í Grand Prixnum. í Reykjavík og hevur luttikið í íslendska Grand Prixnum fleiri ferðir. – Eg haldi, at íslendingar hava ein herligan hugburð til Grand Prixið, tí teir vilja at njóta kappingina og hava tað gott, meðan teir fylgja við. Journalisturin Inna Tørnroos er búsitandi í Stockholm, og har er sum vera man eisini áhugi fyri Grand Prixnum, sum í ár verður hildið í Malmø. – Grand Prixið er ógvuliga stórt í Svøríki, men í grundini er áhugin fyri lokalu kappingini í Svøríki størri enn fyri europeisku kappingini. Men í ár merkist tað væl, at fjølmiðlarnir fylgja væl við kappingini, nú Svøríki er vertur. – Sjálv haldi eg, at tað er keðiligt, at kappingin ikki verður hildin her í Stockholm, men rætt skal verða rætt. Nú stóð Malmø fyri tørni at verða vert­ ur, sigur hon. Suppa Tónleikaranum Finni Koba dámar væl tankan um eina tónleikakapping, men hann heldur lítið um støðið í kapp­ ingini. – Mær dámar væl grundhugsanina um eina tónleikakapping, sum sameinir evropeisku londini, sum í eitt kvøld sleppa at syngja við hvør sínum nevi. Tíverri er tað blivið soleiðis, at flestu nevini syngja vánaligt. Og øll syngja á enskum. Harvið undirgrevur kappingin sítt egna endamál um evropeiskt marg­ feldni, tí alt druknar í einari illa smakk­ andi bretskari suppu, heldur Finnur Koba. – Tó so, fleiri varðar liggja eftir. Til dømis Waterloo hjá Abba, báðar 80'ara perlurnar hjá Johnny Logan, Diggi-loo Diggi-ley, og ikki minst mín favorittur, danska Dansevise hjá Grethe og Jørgen Ingmann. – Men tað er vorðið langt millum snapsirnar. Og seinastu árini havi eg sløkt, tí eg vil ikki útseta míni oyru og heila fyri plastikk-tónleiki við líka­ sælum teksti. Tað er beinleiðis skaðiligt, heldur Finnur Koba. Klichéir Songkvinnan Malan Eyðunsdóttir held­ ur, at Grand Prixið er dekan ov lætti­ soppað. – Eg havi ongantíð skilt, at summi fólk kunnu vera so stórir Grand Prix- fjepparar. Hóast onkrar perlur hava ver­ ið gjøgnum ár og dag, so hevur tað altíð verið dekan ov lættisoppað og kliché- kent. Serliga, nú nærum øll londini eru farin at syngja á enskum. Tað er ringt at hoyra, hvat lag kemur úr hvørjum landi, tí tey líkjast øll eftirhondini. Tað, haldi eg, er sera harmiligt, tí tað var avgjørt ein av sjarmunum við Grand Prix, at tú kundi hoyra upprunatónleikin og mentan­ina í løgunum hjá teim ymsu lond­unum, heldur hon. – Eg skal tó viðganga, at eg ofta hyggi at Grand Prix, tá tað verður víst beinleiðis í sjónvarpinum. Og eg haldi tað vera sera undirhaldandi, tá onkur roynir at koma við onkrum eitt sindur provokerandi og stuttligum. Hóast Lordi úr Finlandi ikki vóru beinleiðis fantast­iskir, so bleivst tú tikin á bóli. Hesu ferð haldi eg, at Montenegro høvdu eitt herligt íkast til semifinaluna, sigur Malan Eyðunsdóttir. Finalan í Eurovision kappingini verður leygarkvøldið kl. 20.00. 1 2 3 3 fordómar um Grand Prixið: – Alt druknar í illa smakkandi bretskari suppu Finnur Koba – Tað er ringt at hoyra, hvat lag kemur úr hvørjum landi, tí tey líkjast øll eftirhondini Malan Eyðunsdóttir Upp í 600 milliónir fólk hava okkurt árið fylgt Grand Prixnum í sjónvarpi