mánadagur 27. mai 2013síða 19

19 Mánadagur 27. mai 2013 · Nr. 59 Sosialurin Hugskot og viðmerkingar – send sms til 225000 ítróttur TB 2 (1) 07vestur 0 (0) Jóannes Hansen 07 Vestur málverjin ásannar, at arbeiðsavrikið var ikki nóg gott, tá ið vágaliðið legði rygg til rudduligt tap, sum ber við sær, at tað sær hættisligt út hjá 07Vestur. Hýrurin var einki ser- ligur, tá ið ferðalagið úr Vágum fór umborð á Smyril á Kramba­tanga í gjár. Í við­før­inum høvdu teir 2-0 tap. Støðutalvan sigur, at nú er 07Vestur næstaftast, og at tað eru seks stig fram til B36, sum er fyrsta liðið at fáa aftur í omanfyri strik­ una. Í TB leguni var lagið gott. Eftir sigurin í gjár er dags­ skráin nú at blanda seg við hini liðini, sum stríðast um plássini, sum bera altjóða lut­ tøku næsta ár við sær. Tá ið Rúni Gaardbo hevði bríkslað fyri síðstu ferð var lætt at staðfesta, at hóast tølini søgdu 2-0, so var talan um orduliga trivaligan sigur. Heima­liðið hevði tó ein trupul­leika. Hann var, at tað gekk striltið at fáa úrtøku burt­ur úr stóru leikligu yvir­ vágini. Støðan var leingi 1-0, og tá ið munurin bara er eitt mál, so er so skjótt, at mót­ støðu­liðið kann svara aftur. 07 Vestur vísti lítla mót­ støðu. Ivan Stojkovic millum TB stólparnar varð ongantíð settur á serligar royndir, og í framrættaða spælinum lá væl fyri hjá heimaliðnum, sum tó hevði trupulleikar at finna vegin til meskarnar. Eyðsýndi Ndende setti hol á longu í 9. minutti eftir eitt tvey samanspæl við Poul Ingason, og tað var nýklækti U-21 landsliðsspælarin Poul Ingason, sum níggju minuttir undan leikloki staðfesti sigurin, tá ið hann hegnisliga við høvdinum stýrdi innleggi frá innskifta Dan Mortensen í meskarnar aftanfyri Andras Gango í 07Vestur málinum: – Avrikið hjá okkum var ikki gott. Vit vóru ikki nóg nærlagdir í eftiransingunum. Teir vóru støðugt 2-3 metrar frá okkara monnum, og lut­ ur­in hjá okkum var fyri tað mesta at renna aftaná teim­ um. Tað kennist strevið. Fyrstu løtuna eftir hvíldina var tað eitt sindur betri hjá okk­um. Men so tóku teir yvir aftur, og tá ið teir høvdu økt um leiðsluna, so var einki at gera, hóast teir kanska slakkaðu eitt sindur av, og vit fingu høvi at koma eitt sindur meiri við í spælið, heldur Andras Gango. Nú sær einki serligt út hjá tykkum? – Nei. Tað er langur vegur fram til næsta liðið. Tað sær svart út, men vit hava ikki mist vónina um, at tað skal eydnast at bjarga okkum í deildini. Um tað skal eydnast, so er neyðugt hjá okkum at arbeiða meiri, enn vit gjørdu við Stórá. Nú fokusera vit upp á næstu uppgávuna, sum er ímóti gamla felagnum hjá mær, ÍF, á heimavølli næsta sunnudag. Tvøramenn hava aftur og aftur tikið til, at einasta ferðin higartil í ár, at teir hava kent seg orduliga at hava verið við undirlutan, var, tá ið teir í 2. umfari vóru í Sørvági. Trivaligi heimasigurin í gjár var takk fyri seinast. Bæði støðutalvan, úrslitið í gjár og ikki minst avrikið í gjár vísa, at TB orduliga er á veg burtur frá øllum tosi um niðurflyting. Tað kunnu teir í Vágum ikki siga um støðuna, sum teirra lið er í! joannes@sosialurin.fo Víkingur 1 (0) b36 1 (0) Jóannes Hansen Setningurin var stórur. B36 var í Sarpugerði í gjár við tveimum blaðungum spæl­ arum í miðverjuni, tí Martin Pedersen var leikbannaður, og í 1. hálvleiki var óroyndi Ámund Nolsøe á vinstra vongverja, meðan Símun Joensen sat hálvskaddur uttan­fyri. Í fremstu røð var Rasmus Dan Sørensen, meðan Lukasz Cieslewicz sat skadd­ur uttanfyri. Kortini sá tað leingi út til, at hetta skuldi verða dag­urin hjá B36. Innskifti Símun Joensen stýrdi tíggju min­uttir eftir steðgin við handara stólpan bóltin í Víkinga málið. Súni Olsen átti innleggið úr vinstru, eftir at hann og Jákup á Borg høvdu verið partar av horna­sparks­ kombinatión. Inntil tá hevði dagsskráin fyri tað mesta verið stríð um miðvøllin, har Víkingur hesa ferð hevði bæði Jann Inga Petersen og Hans Jørgen Djurhuus, sum sein­astu ferð­ir­nar hava verið skaða­ plág­aðir. Teir vóru í tøttum stríði við Róald Jacobsen og Súna Olsen. Sum tíðin leið var tað ikki so nógv, sum bendi á, at tað skuldi eydnast heima­lið­num at finna vegin til mót­støðu­ málið. Hesa ferð var Kaj Leo í Bartalsstovu á beinkinum. Hann var komin á vøllin júst tá ið B36 legði seg framum, og so spenti Víkingur álops­ bogan. Hanus Jacobsen var fremstur í vinstru, og tríggj­ ar minuttir áðrenn vanliga leiktíðin var farin, varð fram­ rættaði André Olsen settur á vøllin í staðin fyri Dánjal Paula Lervig, sum hesa ferð var vongverji í vinstru. B36 tóktist hava tak á, men fatanin av, at tað nú ráddi um at halda høvdið kalt og ikki at geva heimaliðnum møguleikan, var ikki nóg greið. Tað sást, tá ið Víkingur javn­aði. Heldur enn at spæla einfalt, har tað vóru fleiri á gestaliðnum, so varð bólt­ urin smekkaður fram. Atli Gregersen møtti, servaði fram í vinstra borð, har Hanus Jacobsen vann bóltin, sum Kaj Leo í Bartalsstovu fekk fatur á, og eftir snilda fintu sendi hann bóltin í hand­ara síðunetið. Víkingarnir fegnaðust um, at teir høvdu vunnið eitt stig, og teir í B36 vóru ógvuliga vónbrotnir um, at tað enn eina ferð var miseydnað hjá teimum at halda tørn, og at teir harvið fyri sjeyndu ferð í ár vóru partur av javnleiki. – Hetta var ógvuliga stórt vónbrot. Vit høvdu so at siga staðið royndina, og ungu menn­inir – ikki minst teir báðir í miðverjuni – høvdu staðið seg so ógvuliga væl. Men so missa vit í yvirtíðini. Vit kenna okkum avgjørt at hava mist tvey stig, og eg skilji væl, at teir kenna seg at hava vunnið eitt, var við­ merk­ingin hjá B36 mál­skjútt­ anum Símuni Joensen. Hví spældi tú ikki í 1. hálvleiki? – Eg havi havt trupulleikar í lærkrikanum. Eg hitaði upp tað mesta av 1. hálvleiki, og tá kendist tað sum um, at tað bar til at spæla, og eg merkti einki til tað, meðan vit spældu. Víkinga venjarin Jógvan Martin Olsen var væl nøgdur við, at tað hevði eydnast hansara at svara aftur og vinna eitt stig: – Sum heild haldi eg, at okkara vístu góðan hugburð, og leikliga avrikið var gott. Í 1. hálvleiki vóru vit eitt sindur omaná, meðan teir svaraðu væl aftur eftir steðgin. Vit høvdu sett nøsina upp eftir at vinna trý stig á heimavølli, men tá ið tað nú gekk, sum tað gjørdi, so eru vit nøgdir við, at vit megnaðu at javna í evstu løtu, sigur Víkinga venj­ arin Jógvan Martin Olsen. Víkingur hevur spælt seks dystir á rað uttan at vinna. Tríggjar ferðir hevur tað verið javnt, og tríggjar ferðir hevur Víkingur tapt. – Hví hevur tað gingið so illa? – Fleiri ferðir hevur tað ikki koppað okkum til fyri­ munar, og tá ið vit taptu 3-0 í Runavík, var avrikið hjá fleiri langt undir tað, sum vit kunnu góðtaka. Vit eru ikki nóg góðir í álopsspartinum, og tað mugu vit arbeiða við, sigur Jógvan Martin Olsen, sum saman við spæl­ ar­unum nú fyrireikar seg til hálvfinaluna í steypa­ kapp­ing­ini í Runavík miku­ kvøldið. joannes@sosialurin.fo B36 rennur undan sigrunum TB segði takk fyri seinast Tað kiksaði enn eina ferð, tá ið tað fram ímóti dystarenda skuldi bindast fyri, og nú er B36 triði aftast, meðan víking­ ar­nir, sum kendu seg vinna eitt stig, eru á sætta plássi fótbóltur effodeildin Andras Gango Tehé Aristide Emil Mikkelsen Torstein Mýlingstind Gunleif Olsen Evrard Blé Jovan Radinovic-Panic (Petur G. Dalbø, 46.) Eli Falkvard Nielsen Tór-Ingar Akselsen (Ásmund Hansen, 81.) Ibrahima Camara Holgar Durhuus (Jákup Olsen, 63.) Ivan Stojkovic Óli Johannensen Babacar Ndior, Teitur Olsen Teitur W. Justinussen (Eirikur Ellendersen, 47.) Aron Sørensen Ndende A. Guéye (Ragnar Tausen, 74.) Martin Tausen ■ Rógvi Joensen (Dan Mortensen, 27. ■) Nicholas F. Deverdics Poul Ingason TB - 07Vestur 2-0 (1-0) 1-0: Ndende Adama Guéye 9. 2-0: Poul Ingason 81. Dómari: Rúni Gaardbo Nú hava TB 07 niður til 07 vestur! Besta SMS'ið um dystin í Triða Hálvleiki: Tórður Thomsen Robert H. Brockie Hørður Askham Høgni Eysturoy Ámund Nolsøe (Símun Joensen, 46) Róaldur Jacobsen Súni Olsen Jákup á Borg Gilli Sørensen (Benjamin Heinesen, 90.) Adishina Lawal Rasmus Dan Sørensen (Høgni Midjord, 71.) Geza Turi Atli Gregersen ■ Erling Jacobsen Bárður Hansen Dánjal P. Lervig ■ (André Olsen, 87.) Jann Ingi Petersen Filip Djordjevic Hans J. Djurhuus ■ Hjartvard Hansen (Heðin Hansen, 86.) (Kaj Leo í Bartalsst., 54.) Finnur Justinussen Hanus Jacobsen Víkingur - B36 1-1 (0-0) 0-1: Símun Joensen 65. 1-1: Kaj Leo í Bartalsstovu 90 Dómari: Ransin N. Djurhuus Mynd: Áki Bertholdsen Hans Fróði, kom og bjarga okkum! Besta SMS'ið um dystin í Triða Hálvleiki: Myndir: Álvur Haraldsen