leygardagur 24. apríl 2004síða 11

20 Nr. 78 - 24. apríl 2004 Teir báðir, sum í morgin fara at verja málini í Runavík, hava tilsaman verið í fremstu røð í 36 ár! UPPTAKT Jóannes Hansen joannes@sosialurin.fo Higartil hevur spælið ikki verið tað, sum teir í felag- num fegnir vilja, at tað skal vera. Tað eru teir í NSÍ samdir í. Jens Martin Knudsen, sum hevur verið málverji í fremstu røð síð- ani í 1985, hevur verið álitið. Úti á vøllinum hevur tað knirkað í øllum røðun- um í steypakappingini. Í miðverjuni royndi venjarin ímóti FS Vágum Áka L. Hansen í staðin fyri Mes- sias Perreira, og tað hava eisini verið fleiri útskift- ingar longri frammi á vøll- inum. Fyri nakað síðani so at siga lýsti Ian Højgaard seg til sølu her á síðunum, eftir at hann hevði gjørt av at gevast í Vejle. Nú er hann aftur í NSÍ, og hann verður í hópinum í morgin. Tað verður vónað, at hann skal vera við til at finna melo- diin, sum heilt sjónskt hev- ur verið saknaður í spælin- um í bólkaumfarinum í steypakappingini. Tað kemur væl við hjá NSÍ, at Ian Højgaard er tøkur. Ætlanin var, at Alek- sandar Jovevic, sum spældi á Skála í fjør, og sum hevur bíðað eftir spæliloyvinum, skuldi styrkja um miðvøll- in. Tað verður av ongum. Undir venjing týskvøldið varð hann skaddur í lær- krikanum, og skaðin hevur hildið honum burtur frá venjingini síðani tá. Jústinus Hansen og Brynjolvur Nielsen vóru hóskvøldið rættuliga iva- samir. Í gjár kvøldið skuldi gerast av, um teir skulu spæla við í morgin ella ikki. Miðvallarin Rúni Ras- mussen er fluttur úr NSÍ og yvir á Skála, har hann slapp framat fram ímóti endan- um, tá ið Skála vann á HB. Okkurt ivamál Vágbingar taptu í fjør 4–0 í Runavík. Ta ferðina skoraði Sonni L. Petersen, sum nú er í EB/Streymi, øll málini hjá NSÍ. VB hevur ikki vunnið í Runavík síðani í 1997, tá ið úrslitið var 4–1. Tað er greitt, at Dan Djurhuus, sum varð vístur av vøllinum, tá ið VB leygardagin legði rygg til 6–0 tap í Gundadali ímóti HB, er leikbannaður ímóti NSÍ. Veteranurin Jón Pauli Olsen hevur vant dúgliga í ár. Hann hevur verið skadd- ur eitt skifti, men í hesi vikuni hevur hann aftur verið til venjingar. Aftasti skansin hjá VB er Bjarni Johansen. Á sama hátt sum NSÍ málverjin, so er hann ikki nakar ársungi í føroyskum fótbólti. Fyrsta ferðin, hann var á besta VB liðnum í landskappingar- dysti, var í 1987. Í stevnu- dystinum var úrslitið 1–1. HB skal leygardagin reisa seg, eftir at snópisliga tapið mikudagin, og tó at tað ikki standa stig upp á spæl, so tykjast føroyameistaranrir at leggja nógv í dystin ATLANTIC CUP Jákup Mørk jakup@sosialurin.fo Flestum kunnugt, so fekk HB alt annað enn eina ynskibyrjan, tá teir miku- dagin vitjaðu hjá Skála í ársins fyrsta landskapp- ingardysti. Tann dysturin var fram- skundaður, tí HB skal spæla móti íslendsku meistarunum úr KR í sonevndu Atlantic Cup kappingini, og hóast tað kanska kann tykjast tungt at spæla longu aftur leygar- dagin, so munnu leikararnir sjálvir fegnast um hetta. Í øllum førum heldur liðskiparin á liðnum, Rúni Nolsøe, at hetta er eitt gott høvi hjá leikarunum at vaska avrikið á Skála av sær. - Tað haldi eg gott, at mann kann siga. Sjálvandi er hetta ikki ein dystur, har nakað stig stendur upp á spæl, men fyri okkara við- komandi er talan fyrst og fremst um eina fína styrk- isroynd, eins og vit kunnu brúka dystin til at koma víðari uppá. Hjá okkum ræður snøgt sagt um at fáa nakað positivt burturúr dystinum og ikki minst at fáa spæligleðina aftur. Og so vilja vit fegnir hava eitt gott úrslit eisini. Um talan verður um broytingar í mun til dystin mikukvøldið, dugdi lið- skiparin als ikki at siga, tá vit tosaðu við hann. HB- leikararnir høvdu frí frá venjing hóskvøldið, og tað einasta, sum bar til at stað- festa, var at skaðastøðan er óbroytt. Tað vil siga, at Bárður Johannesen og Hans á Lag framvegis ikki eru tøkir, men at venjarin í aðrar mátar fær blandað kortini soleiðis, sum hon- um lystir. Hava møguleikan Sjálvur var Rúni við á HB liðnum, sum í fjør vitjaði hjá KR í tilsvarandi dystin- um ta árið, og tó at ís- lendsku meistararnir vunnu tann dystin 2-0, so heldur hann ikki, at munurin var tann heilt stóri. Og hann leggur dent á, at hóast talan er um vinardyst, so løgdu báðir partar nógv fyri. - Tað var als ikki soleiðis, at liðini bara hugnaðu sær á vøllinum. Sjálvandi er tað tíðliga upp á árið, men kortini helt eg, at ferðin var rættiliga høg. Og vit høvdu so sanniliga okkara møgu- leikar. Áðrenn teir skora, hava vit einar tveir opnar møguleikar, so heilt uttan møguleika eru vit als ikki. - Nú kenni eg ikki nakað til, hvussu teirra lið sær út, men eg gangi bara út frá, at teir hava roynt at hildið upp á fólkið, nú teir hava verið meistarar tvey ár á rað, so styrkin er helst á leið hin sama, sum seinast. So er spurningurin bara, hvussu vit eru fyri, sigur HB-lið- skiparin at enda. Vinarlag Og íslendsku miðlarnir tykjast ikki geva Rúna stórvegis hjálp í so máta. Einasta, sum er at finna, er á heimasíðuni hjá KR, har sagt verður, at felagið skipar fyri útferð til dystin móti HB, og at pláss er fyri 20 áskoðarum á ferðini. Hvørt tað hevur eydnast at fylt flogfarið, stendur einki um á heimasíðuni. Annars hevur Tórshavnar Býráð eisini átikið sær sín lut í dystinum. Tórshavn og Reykjavík eru vinarbýir, og tí fer Býráðið eftir dystin at hava okkurt ábit fyri leik- arunum hjá bæði HB og KR, og verður hetta í Lista- skálanum. Dystir um vikuskiftið 1. deild menn Dagf. Dystur Dómari 25.04 KÍ-B68 Dagfinn Olsen 25.04 GÍ-ÍF Petur Skarðenni 25.04 NSÍ-VB Lassin Isaksen 25.04 B36-EB/S Páll Augustinussen 2. deild menn 24.04 B36-KÍ Hans F. Hansen 24.04 Sumba-VB Petur Hansen Joensen 24.04 FSV-Royn Rúni Gaardbo 24.04 LÍF-AB Regin Egholm 24.04 TB-B71 Jens Petur Brattalíð 3. deild menn 25.04 SÍ-B68 Suni Johansen 25.04 GÍ-ÍF Magni Hansen 25.04 Skála-HB Edvard Højgaard 25.04 NSÍ-TB Jan Gardar 25.04 Fram-EB/S Ransin N. Djurhuus 1. deild kvinnur 25.04 GÍ/B68-B36 Jan á Líðarenda 25.04 FSV-Sumba Kristian av Kák 25.04 KÍ-EB/S Jákup M. Kjeld Atlantic Cup 24.04 HB-KR Niklas á Líðarenda NSÍ-VB: Ian skal styrkja trilvandi NSÍ HB-KR: Skulu vaska Skálabotnin av sær - Hjá okkum ræður snøgt sagt um at fáa nakað positivt burturúr dystinum og ikki minst at fáa spæligleðina aftur, sigur liðskiparin hjá HB, nú teir fyrireika seg til dystin móti íslendska meistaraliðnum Mynd: Álvur Haraldsen Jón Pauli Olsen hevur vant dúgliga í ár, og væntandi verður hann við á VB-liðnum í Runavík C M Y K 20 Nr. 78 - 24. apríl 2004 21 Fleiri av teimum, sum seinnu árini hava myndað landsliðs- hópin, eru ikki tøkir hjá B36 sunnudagin UPPTAKT Jákup Mørk jakup@sosialurin.fo Í B36 hava tey í vetur gjørt nógv burturúr, at hóast liðið hevur mist onkrar heilt stórar profilar, so er hópurin í ár væl breiðari, enn hann var tað í fjør. Nakað sum skuldi borgað fyri, at liðið í størri mun er ført fyri at standa seg ímóti fráveru av stuðulsleikarum, og longu fyrsta umfarið skal liðið upp til eitt slag av próvtøku í so máta. Landsliðsveteranar úti Fleiri av teimum, sum ann- ars mugu roknast millum álitini á liðnum, eru nevn- liga burturi frá við skaða í løtuni. Nøvn sum Jens Kristian Hansen, Jóhannis Joensen, Allan Mørkøre og John Petersen eru avgjørt leikarar, sum høvdu verið fastir fúsir á flestu liðum í landinum, men eingin teirra verður so við sunnu- dagin. Fram til hóskvøldið var annars ein vón um, at John Petersen kundi verða tøkur, men í samráð við fysio- terapeturnar varð avrátt, at tað ráðiligasta var at bíða enn eina viku. Tað merkir so við øðrum orðum, at B36 má royna seg við eitt sindur yngri kreftum, og í steypakapp- ingini hevur hetta so ikki verið tann heilt stóri trupul- leikin. Serstakliga tí liðið í verjupartinum tykist hava hópin av leikarum at seta inn. Og at verjan – hóast omanfyristandandi fráveru – helst fer at telja Egil á Bø, Pól Thorsteinsson, Arn- bjørn Danielsen og Kenn- eth Jacobsen borgar frá eini góðari breidd. Hvussu liðið so mannar álopspartin uttan John Petersen, er eitt annað mál, og her kundi tað bent á, at talan verður um eina uppstilling við Bárði Mort- ansson og dos Santos í álopinum. Strævin dystarskrá Í EB/Streymi mundu tey puffa nakað, tá tað stóð greitt, hvussu landskapp- ingin varð løgd til rættis. B36 úti, HB heima og KÍ úti eru í øllum førum dystir, sum kunnu skapa ótta fyri eini strævnari byrjan, og tá ein útidystir móti HB í steypakappingini so eisini stendur á skránni, tykist byrðan á ongan hátt at gerast lættari. Hinvegin, so kann eisini hugsast, at hetta kann virka til at geva samansetta lið- num eina frálíka byrjan. Í fjør vunnu teir báðar lands- kappingardystirnar móti B36. Teir hava vanliga sera góð úrslit á heimavølli móti HB, og tó at teir í fjør taptu greitt fyri KÍ, so hava klaksvíkingar eisini nøkur ring minni um EB/Streym. Tí er als eingin orsøk hjá leikarunum at fella í fátt longu undan dystinum, og tað munnu teir sum so heldur ikki gera. Einasta ivamálið undan vikuskift- inum hevur Verið Jákup Martin Joensen, men tá vit frættu, varð tó roknað fyri víst, at hann fór at verða tøkur. Og so er spurningurin bara, hvørt EB/Streymur aftur í ár skal skelka høgt miðandi árstalsfelagið, ella um talan hesaferð verður um sigur til liðið, sum á pappírinum tykist vera tað sterkara. Hjalgrím skoraði á 2. liði Hjalgrím Elttør skoraði í mikukvøldið mál fyri Fremad Amager. Men tað var ikki á besta liðnum í felagnum, at hann spældi. Hann var við á 2. liði hjá Fremad Amager, sum spælir í Keyp- mannahavnarseriuni. Fremad Amager spældi ímóti Rødovre og vann 3- 2. Stutt eftir hálvleiks- steðgin skoraði Hjalgrím Elttør til 2-1 til Fremad Amager. Liðið liggur sum nummar 6 í tí, sum verður rópt Keypmanna- havnarseriuni, og venjari hjá liðnum er fyrrverandi B68- og HB-venjarin, Frank Skytte. Hjalgrím Elttør hevur ikki verið við á besta lið- num hjá Fremad Amager seinastu tvær ferðirnar, tí hann hevur havt ein skaða at dragast við. -ek FCK-málverji misnøgdur Ungarski málverjin í FC Keypmannahavn, Balázs Rabóczki, vil sleppa at spæla fyri eitt annað felag sum skjótast. Hann hevur seinastu tíðina ver- ið eykamálverji í FCK, og tað er hann troyttur av. – Eg tími hetta ikki meira. Eg royni nú at sleppa burtur frá FCK sum skjótast, og eg vóni, at kann fáa loyvi til tað. Eg havi fleiri ár eftir av sáttmálanum enn, men hetta bar ov tyngjandi fyri meg, sigur Rabóczki við Ekstrablaðið. Hann sigur, at venjarin hjá FCK, Hans Backe, í longri tíð hevur ignorera hann. – Hann tosar við allar spælararnar í hópinum uttan meg. Hann hyggur ikki upp á meg, sigur einki, og eg fái onga frágreiðing um, hví eg ikki sleppi at spæla, sigur málverjin. -ek B36-EB/S: Eldra B36-liðið úti Ronnie Samuelsen var í fjør liðskipari hjá EB/Streymi, men nú skal víkamaðurin aftur royna seg í B36, og í fyrsta landskappingar- dystinum eru tað gomlu liðfelagarnir, sum vitja 21 Høng Gymnasium og HF www.hoeng-gymhf.dk tlf.:+45 5885 2636 Á Høng Gymnasium hendur tað eisini naka, tá ið klokkan hevður ringt út Gymnasium og HF – skeið við kostdeild. Ring ella hygg á heimasíðu okkara.