mánadagur 3. juni 2013síða 7

7 Mánadagur 3. juni 2013 · Nr. 62 Sosialurin Hugskot og viðmerkingar – send sms til 225000 Nýggi dagstovnurin Eikilund alment tikin í nýtslu Í Vági var merkisdagur í dag. Barnagarðurin Eikilund Dagfinn Olsen Stovnurin, ið fevnir um barnagarð, vøggustovu og frítíðarskúla, eitur fram­hald­ andi Eikilund, nú flutt er í nýbygning við síðuna av húsunum, ið hava verið karmur um barnagarðin Eikilund í nøkur ár. Tað eru nakrar vikur síðani, at børn og starvsfólk fluttu inn í nýggja bygningin, men í dag var almenna móttøkan. Dennis Holm, borgarstjóri, Sirið Stenberg og Eyðdis Kjærbo hildu røðu vegna Vágs Býráð. Borgarstjórin og býráðslimirnir fegnaðust um, at hetta gamla ynski hjá vágbingum nú er veruleiki, og tey takkaðu samstundis undanfarnum býráðs­politik­ arum, ið hava verið við til at lagt lunnar undir drúgvu verkætlanina. Tey fegnaðust um stásiliga stovnin, ið tey vónanðu og væntaðu fer at skapa góðar karmar fyri komandi ættar­ lið. Anna Maria E. Jacobsen, leiðari, fegnaðist eisini um nýggja stovnin, og fekk handaðan málning eftir Hansinu Iversen, sum Sirið Stenberg handaði vegna Vágs Býráð. Frá Tvøroyrar Kom­ munu fekk stovnurin mynd av dansiringi, ið Dennis Holm tók ímóti. Barnagarðsbørn sungu í góðveðrinum í dag, og eisini tók barnakórið hjá Frelsunar­ herinum lut við sangi og dansiframførslu. Síðani kundi almenn­ing­ urin hyggja seg um á nýggja stovninum, ið bjóðaði kaffi, køkur og frukt. Børnini hug­ naðu sær á nýggja spæli­ økinum, og eisini var hoppi­ borg sett upp í samband við dagin. Starvsfólk málaðu andlitsmáling á børnini og klovnar góvu børnunum ballóndjór. Tórhallur Áslaksson, tek­ niskur leiðari hjá Vágs Kom­ munu, hevur teknað stovnin. Suðursmíð stóð fyri bygg­ ingini. Barnagarðarurin er rokn­ aður til 66 barnagarðsbørn og 24 vøggustovubørn. Barnagarðurin er 530 m2. Kostnaðurin er mettur at vera samanlagt millum 8 og 9 milliónir krónur. Nýggi barnagarðurin kem­ ur afturat verandi dagrøktar­ skipan, sum heldur áfram. Barnaansingin í Vági verður hereftir skipað so­ leiðis, at børn undir 3 ár verða í dagrøktarskipanini og í vøggustovuni í nýggja barna­ garðinum, meðan børn, sum eru 3 ár og eldri koma at ganga í barnagarði og í frí­ tíðarskúla í nýggja barna­ garðinum. dagfinn@sosialurin.fo StarvSlýSing BókhaldSfólk Í samband við broytingar Í starvsfólkahópinum hava vit tørv á bók haldsfólki, sum skal vera við til at røkja okkara skráseting og bókhald. vit kundu hugsað okkum, at tú: Hevur kunnleika til fíggjarvinnuna og royndir frá bókhaldi, umframt royndir at arbeiða við fíggjarstýringsskipanum og rapportering úr hesum. harumframt hevur tú hesar fakligu og persónligu eginleikarnar: • Góðan førleika í Excel rokniarki • Góðan KT førleika og áræði at seta teg inn í og taka ábyrgd í sambandi við nýggjar KT-skipanir • Góð samstarvs – og samskiftisevni • Analytisk evnir • Broytingarsinni • Kann arbeiða sjálvstøðugt • Góð/ur at halda freistir vit kunnu bjóða tær Fjølbroytt og avbjóðandi starv í eini spennandi fyritøku. Eitt starv í eini fyritøku við greiðum málum, virkisfúsum starvsfólkum og góðum arbeiðsumstøðum. Ein fyritøka við ítøkiligum kjarnuvirðum, har vit hava vilja til lønandi vøkstur, virða heildina, eru ágrýtin og nærløgd, hava eina langtíðarhugsjón og eru broytingarsinnað. Til rætta fólkið hava vit eitt gott og avbjóðandi starv við kappingarførari løn, góðum setanartreytum, sjálvstøðugum arbeiðsøki og góðum møguleikum fyri støðugari førleika menning. Viðkomandi, sum settur verður, skal tola tillagingar í uppgávuinnhaldi. lønar-og setanartreytir Starvið verður sett sambært sáttmála millum YTF og Føroya Arbeiðsgevarafelag. Lønin verður ásett í mun til royndir og førleikar. Er hetta nakað fyri teg, ella hevur tú spurningar til starvið, kanst tú seta teg í samband við Heina Joensen, deildarstjóra á tel 34 56 00, far. tel 21 57 09 ella við telduposti til: hjo@trygging.fo. Umsóknarfreistin er 19. juni 2013 kl. 12.00 tf holding, sum m.a. eigur tryggingarfelagið føroyar, betri pensjón og eik banka, lýsir eftir bókhaldsfólki Umsókn við avriti av viðkomandi prógvum skal sendast til: Tryggingarfelagið Føroyar, Starvsfólkadeildin, Postsmoga 329, FO-110 Tórshavn