hósdagur 6. juni 2013síða 12

Fríggjadagur 7. juni 2013 · Nr. 64 12 Sosialurin Hugskot og viðmerkingar – send sms til 225000 nøvn Føðingar 23. mai fingu Elin Djurhuus og Mickey Shemesh, Vestmanna, ein son. Hann var 54 cm langur og vigaði 3550 gr. 2. juni fingu Eyð R. & Steffan Frederiksberg, Saltangará, eina dóttur. Hon var 51 cm long og vigaði 3640 gr. 28. mai fingu Siri Sripaboon og Niclas Akraberg Poulsen, Tórshavn, eina gentu, sum var 50 cm long og vigaði 3380 gr. Tøkk Øllum tykkum, sum við sangi, gávum og heilsanum gleddu okkum á 60 ára føðingardøgum okkara, takka vit hjartaliga. Heilsan Katrin og Sjúrður Jákup Lindenskov 80 ár Mánadagin 10. juni fyllir Jákup Lindenskov, fyrr­ver­ andi løg­tings-, landsstýris- og fólka­tingsmaður 80 ár. Jákup Lindenskov varð valdur á ting fyri 55 árum síðani – sum bert 25 ára gamal varð hann valdur á listanum hjá Javnaðarflokkinum í Havn á løgtingsvalinum í 1958. Jákup er úr Havn, son­ ur Edvard Lindenskov (í Rættará) og Biritu, sum var í Leynum, hóast bæði for­ eldur hennara vóru úr Kví­ vík. Jákup tók realprógv í Havn í 1950, og sama árið fór hann í læru hjá Trygg­ingar­ sambandinum Føroyar, sum tá helt til úti í Tinganesi, og hvørs starvsfólk kundu teljast á hondunum. Hann fór seinni til Danmarkar, har hann gekk á handilsskúla og arbeiddi í trygging. Í 1958 stillaði Suður­ streym­oyar Javnaðarfelag hann upp sum nummar eitt til løgtingsvalið – tá varð stillað upp í nummarrøð – og hann varð valdur. Flokkurin hevði eitt sera gott val hetta árið, og Petur Mohr Dam gjørdist løgmaður. Jákup sat á tingi til valið í 1966, tá hann fall–honum tørvaðu bert níggju atkvøður. Tá Petur Mohr Dam doyði í 1968, varð Jákup valdur í landsstýrið, og varð hann aftur valdur á ting í 1970 við hálvtfimthundrað atkvøðum. Hann var lands­ stýrismaður í fýra landsstýris­ samgongum. Í 1979 stillaði Javnaðarflokkurin hann upp til fólkatingið, tá veteranurin Johan Nielsen legði frá sær. Jákup varð valdur og legði landsstýrisstarvið, sum hann hevði røkt í 11 ár, frá sær. Jákup sat á fólkatingi í átta ár, tvey tey síðstu sum varamaður. Jákup gavst sum virkin politikari í 1994, tá hann ikki stillaði uppaftur til løgtingsvalið. Í politikki er Jákup kend­ ur fyri sítt varsemi – ikki minst, tá tað snúði seg um ríkismálini. Honum dámdi lítið, tá menn fóru upp at sveima í loysingarpráti – hann virkaði fyri at tryggja lívsgrundarlagið, og ríkis­ veit­ingina sá hann sum eina neyð­vendigheit til tess. Hann hevur sera drúgvar royndir sum politikari – eitt nú var hann ein teirra, sum í januar í 1959 fór niður at sam­ráðast við H.C. Hansen, for­sætis­ ráðharra um al­manna­lóg­ir­ nar, sum komu í gildi sama árið – tær lógir, sum vit í dag síggja sum eina sjálv­fylgju, fólkapenjónin v. m. Øll árini sum landsstýrismaður umsat hann almannamál, og tey lógu honum øll árini næst á hjarta. Tann fyrsta løgtingsfíggj­ ar­lógin, sum Jákup var við at samtykkja á tingi var upp á 18 milliónir. Tann síðsta, hann var við til at samtykkja – tað var í 1993, var upp á 2.500 milliónir! Hetta lýsir kanska broytingarnar í samfelag okk­ara – og í politikki, tey árini Jákup var virkin politik­ ari. Eitt av málunum, sum Jákup var errin av at loysa á fólkatingi, var lógin um skaðendurgjald til teirra, ið sigldu undir kríg­num. Før­ oy­ingar vórðu upp­runaliga ikki fevndir av lógini, hóast teir áttu at verið tað. Saman við teimum, sum stríddust fyri at vinna hesi rættindi, eydnaðist tað Jákupi at binda danska Javnaðarflokkin til at seta hetta sum treyt fyri at atkvøða fyri fíggjarlógini hjá Poul Schlüther. Meðan Jákup var lands­ stýris­maður vórðu lunnar lagdir undir fleiri batar, eitt nú lógina um dagpengar við sjúku og barnsburð, eins og deildirnar á Eirargarði vórðu bygdar at hýsa teimum menn­ ingartarnaðu, sum fram til ta tíð vórðu send av land­in­um á stovn í Danmark. Tey kundu nú flyta heimaftur av Rød­by­ gaard. ­Í politikki hevur Jákup sum vera man havt nógv álitis­størv, og var hann eitt nú ting­formaður frá 1984-87. Ting­skrivari var hann fleiri av fyrstu árunum, hann sat á tingi, eins og hann eisini var limur í Norðurlandaráðnum. Í sínum borgarliga starvi á Tryggingini var hann við til at seta á stovn Lívs­trygg­ ingina – hetta var árið fyri at hann fór í farloyvi frá Trygg­ ingini fyri at gerast lands­ stýrismaður – og hann var burt­uri frá tryggingini næstu 16 árini. Øll árini hevur Jákup ver­ ið virkin innan fráhalds­rørsl­ una gjøgnum Losjuna í Havn, har rættuliga stórt ung­dóms­ virksemi var í fimmti og seksti­árunum. Soleiðis var hann eisini við til at stovna hond­bólts­felagið Kyndil í 1956. Eis­ini var hann var eitt skifti í seksti­árunum blað­ stjóri á Sosialinum. Jákup var í nógv ár for­ mað­ur í endurbúgvingar­ stovn­in­um ALV, hann hevur ver­ið formaður í Heil­brigd­ in­um á Velbastað síðani tað varð stovnað í 1986, hann hevur í nógv ár verið for­ maður í stýrinum fyri Blinda­ stovnin, og hann var eisini formaður í nevndini fyri Eldra­tilhaldið í gamla Føroya Bankahúsinum í Tórsgøtu í Havn tey nógvu fyrstu árini, so hann hevur havt nógv jørn í eldinum, eftir at hann fór um pensjónsaldur. Jákup Lindenskov giftist í 1961 við Jónu, f. Jacobsen úr Fuglafirði. Hon er dóttir Jóhannus Jacobsen, betur kendur sum »skómakarin«, og Ellifíu hjá Óla á Miðgerði. Jákup og Jóna eiga børnini Elin, sum býr í Havn, Biritu, sum býr í Keypmannahavn og Eirik, sum býr í Havn. Føðingardagurin hjá Ják­ upi verður hildin í Losjuni í Havn, Tinghúsvegur 18, mána­dagin frá klokkan 18.00. Eg tær takki kæra Mamma At tú altíð hjálpti mær Fyri eyga, fyri munnin Fyri allar tíggju tær Góða Mamma tú skal vita At vit altíð hava tíð Tað var tú sum heim meg leiddi Tað var tú sum gav mær lív Góða Mamma vil tær siga Takk alt tú meg hevur lært Alt við gleði hevur givið Alt sum nú er okkum kært Góða Mamma tú skal vita At tú er vár hjarta nær At tú eigur hvønn ein tanka Tá vár barnahjarta slær Takk vár Mamma, alt tú gav mær Fyri gleði, fyri sorg Fyri vón á myrkum degið Fyri heim, vár størsta borg Fyri hvørt eitt tár tú turkar Fyri troystarrík góð orð Góða Mamma vit tær takka Fyri allan mat á borð Góða Mamma ver tú hjá mær Tá ið myrkri draga vil Ver tú hjá mær allar ævir Hóast Harrin ikki vil Tí hann eigur kæru Mammu Sum vit elska yvir alt Góða Mamma ver tú hjá mær Sjálvt um hjarta títt gerst kalt Góði Gud, eg vil tær takka Fyri Mammu tú gav mær Fyri hjarta hennar heita Fyri at hon er os kær Góði Gud eg eymt teg biðji Ansa Mammu míni væl Tá hon heim til tín skal fara Nú tú eiga hana skal Vit sakna teg Sjanna Mamma ★ 23.10.1949 - ✝ 07.06.2009 19. mai fekk Heidi eina lítla systur. Hon var 55 cm long og vigaði 4340 gr. Mamman er Anna Elisabeth Joensen Miðvágur og pápin er Benjámin Lydersen Skálavík.