hósdagur 6. juni 2013síða 13

13 Fríggjadagur 7. juni 2013 · Nr. 64 Sosialurin Hugskot og viðmerkingar – send sms til 225000 ELDRARØKT Í ÓRØKT Hensia Einarson, leiðari á Tjarnargarði, sigur í eini stutt­ari viðmerking, at hon held­ur ikki, at støðan er ófor­svar­lig. - Vit settu sparingar í verk í januar og vit hava sett enn fleiri sparingar í verk beint nú, sigur hon. - Ein sparing, sum er sett í verk, er, at fleiri vaktir eru stytt­ar, so nú eru tær flestur vakt­ir­nar sjey tímar. - Tað merkir, at starvsfólk arbeiða styttri um dagin og so­statt missir Tjarnargarður fleiri arbeiðstímar hvønn dag. Annars var ætlanin at spara náttarvaktir burtur, men tann ætlanin er slept og ístaðin eru dagvaktirnar skerd­ar. Annars hava tey tríggjar náttar­vaktir til 34 fólk og hon heldur ikki, at tað er ófor­sva­r­ligt. Annars var ætlanin at skerja eina náttarvakt burt­ur, men tann ætlanin er slept. Samanumtikið heldur Hens­ia Einarson, at støðan á Tjarnargarði er nøktandi, men sparingarnar rakar starvs­fólk­ini, tí tey fáa meiri at gera fyri at røktin ikki skal fella. Hon vísir eisini aftur, at fólk ikki sleppa í song ella upp, tá ið tey vilja. Køkurin og reingerð Á Eysturoyar Røktar- og Elli­s­heimi sigur Kristbjørg Peter­sen, virkandi leið­ar­in, at boðini frá myndug­leik­ unum vóru, at sparingarnar skuldu ikki raka røktina og tað hava tey hildið seg til. Og tað hóvar teimum væl, tí tey hava framt so stór­ar sparingar framman­ undan. Tískil hava tey gjørt aðr­ar tillagingar, eitt nú er reingerðin skerd og nú verð­ur ikki gjørt reint um viku­skift­ini. Samstundis er køkurin skerd­ur, men ikki køkurin til búfólkini – og tey fáa fram­vegis føroyskan mat, sum tað eitt skifti var talan um at halda uppat við fyri at spara. - Men vit hava eina kan­tinu til avvarðandi og onnur uttan­eftir og hon er skerd. Kristbjørg Petersen sig­ ur, at sparingarnar fara at vera eftirmettar javnan at vita, hvussu játtanin heldur, hvus­su tær eydnast og um tær eru forsvarligar. Á Eysturoyar Røktar- og Ellis­heimið hava tey tríggar náttar­vaktir til 70 búfólk og tað hava tey havt í fleiri ár. - Tað haldi eg, er nøktandi, sigur hon. Eins og leiðarin á Boða­ nes­heimi­num, stað­festir Krist­bjørg Peter­s­en á heimi­num í Eyst­uroy, at har geva tey ikki bú­fólk­unum óneyðug­an svøvn­heil­i­vág fyri at avlasta náttar­vakt­ ir­nar. - Vit gera so lítið av svøvn­heilivági, sum gjør­ ligt, so tað verður ikki tal­an um at geva teimum heili­ vág, bara fyri at binda frið, sigur hon. Áki Bertholdsen Nú skal eitt felag stovnast, sum hevur til endamáls at røkja áhugamálini hjá teim­ um, sum ikki klára tað sjálvi. Stovnandi aðalfundur verð­ur klokkan 18 týskvøldið, men enn er ikki heilt greitt, hvar hann verður. Tað eru avvarðandi at fólki, sum liggja á ellis- og røktarheimum, og av­varð­ andi at fólki, sum fáa heima­ røkt, sum nú taka stig til at stovna felagið. Í fyrrakvøldið varð ein ar­beiðs­bólkur settur, sum skal fyrireika felagið og hes­ar dagarnar til týsdagin skulu tey leggja til rættis, hvussu felagið skal skipast og akkurát, hvørjum bólki, tey skulu vera málgagn hjá. Alt ov einsamøll Enn er ikki greitt, hvussu um­fatandi felagið verður, um tað verður fyri tey eldru, sum fáa heima­hjálp ella um tað eisini skal umfata tey, sum búgva á ellis- og røktar­ heimum og bú­stovn­um ann­ ars. Ein annar møguleiki er, at felag­ið skal umfata øll, sum hava almennar tænastur fyri neyðini á hesum øki, altso eisini yngri fólk, sum ikki klára seg sjálvi. Rúna Sivertsen, sum er stig­takari, sigur, at helst fer felag­ið bara at umfata tey eld­ru, annars verður tað alt ov umfatandi. Í hesum sambandi kann talan verða um eitt felag ið líkist tí danska felagnum ”Ældre­sagen”, sum røkir áhuga­málini hjá teimum eldru á øllum økjum, eisini í fíggar­lig­um og sosialum spurn­ing­um. - Vit stovna felagið tí at vit halda, at tað er neyðugt, at tey, sum ikki megna at tala fyri seg sjálvi, fáa eina rødd, eitt málgagn, sum kann tala teirra søk, sigur Rúna Sivert­sen. Onkur hevur longu skot­ ið upp at kalla felagið Eldr­a­ málið. - Eg meti, at tørvur er á einum málgagni, sum kann ávirka politisku skipanina og teir stovnar, ið fáast við eldra­økið, leggur hon afturat. Hon er sannførd um, at vána­liga støðan á eldra­øki­num i dag, hevur ikki so nógv við sparingar og pengar at gera. - Tað snýr seg nógv meiri um stýring og um, hvussu peng­ar­nir verða brúktir, sigur hon. Men samstundis heldur hon, at bæði tey, sum hava brúk fyri Almannaverkinum, og teirra avvarðandi, standa alt ov einsamøll, tá ið trupul­leik­ar og ivamál stinga seg upp. - Tey, sum hava brúk fyri heima­hjálp, eru ofta gomul og veik og eru frá eini tíð, har man ikki talaði at ella setti spurningar, men tekur við tí, man fær. - Og mangan eru tað tey av­varð­andi, sum mugu taka sær av tí partinum, har heima­hjálp­in ikki røkkur, sigur Rúna Sivertsen. Tað er í hesum sambandi, at hon heldur, at tað er brúk fyri einum felag, ið kann taka trupulleikarnar upp, sum koma dag um dag, so­ leið­is at brúkararnir ella tey avvarðandi ikki skulu ring­ja á skrivstovuna hjá heima­ hjálp­unum við hesum og has­um. Støðan er nøktandi Avvarðandi noyðast at verja tey óhjálpnu Avvarðandi føla seg nú noydd til at stovna eitt felag at røkja áhugamálini hjá teimum, sum fáa heimarøkt og liggja á ellis og røktarheimum Eldramálið Hetta er arbeiðsbólkurin, sum er settur at fyrireika stovnandi aðalfundin týskvøldið. Frá vinstru eru tey Kirstin Simonsen, Mary Antonsdóttir, Tóra Tórgarð, Rúna Sivertsen og møðgurnar, Betzy og Anne-Dot Ludvig