hósdagur 6. juni 2013síða 14

Fríggjadagur 7. juni 2013 · Nr. 64 14 Sosialurin Hugskot og viðmerkingar – send sms til 225000 Vit føroyingar elska Føroyar - sjálvandi gera vit tað. Hetta er jú besta stað á jørð. Vit hava vakrastu náttúru, reinasta sjógv, besta fisk. Ja, ein kundi blivið við at reksa upp lýsingarorð, ið lýsa okkara fram­ úr góða land. Okkara elskaða Føroyar er enntá so fan­tast­iskt, at tað er bert nøkrum fáum útvaldum út­l­endingum, sum vit unna atgongd til hetta sanna para­dís á jørð. Fyri nøkrum døgum síðani hevði kjak hug at stinga seg upp, hvørt vit skulu loyva fløttum atgongd til Føroyar ella ikki. Sum vanligt, varð kjakið skotið til jarðar, og kjakið fór av sporinum, næstan áðrenn tað var byrjað. Nógv vóru sjálvandi fyri at lova fløttum til Føroyar, men helst eins nógv vóru ímóti, tí Føroyar er jú eitt lítið land, sum er so serligt, at slíkt bert kundi verða óheppið. Í mínari lestrartíð uttanlands gekk eg í flokki við einum úr miðeystri, ið upprunaliga var fløtti. Og tað var ikki til stuttleika, at hann var fløtti. Sum smá­ drongur varð hann noyddur at fara við byrsu í hond at berjast móti landsmonnum, sum hann av øðrum monnum fekk at vita vóru hansara fíggindar. Sum smá­drongur var hann lættur at indoktrinera. Fleiri av hansara vinmonnum lótu lív, og tað var um reppið, at hetta eisini gjørdist hansara lagna. Lukkutíð eydn­ aðist honum at flýggja, og eftir sorgarleikin í heim­ landinum kundi hann, nú hann varð eldur og hevði fing­ið miðnámsútbúgving, fara undir hægri lestur. So­leiðis kundi hann gerast fongur fyri sítt nýggja heim­land. Hann kundi bera nakað aftur. Skapa, fram­ leiða og virka. Í Føroyum hava vit ein trupuleika við lækkandi fólka­ tali. Trupuleikin er ikki, at tað eru føroyingar, ið vanta. Trupulleikin er hinvegin, at vit vanta fólk, ið kunnu framleiða, skapa virðir og tryggja, at burðartíttleikin ikki lækkar enn meira. Tá føroyingar ikki sjálvir kunnu tryggja hetta, mugu onnur gera tað. Annars fer væl­ferðarsamfelagið, sum vit kenna tað, fyri bakka. Hví síggja vit bert fløttar sum sjálvmorðsbumbufólk, sum samfelagsnassarar og fólk, sum eru so óheppin ikki at hava sama huðarlit sum vit? Sjálvandi er hetta ikki veruleikin. Fløttar eru eins og vit. Tey eru fólk, ið ynskja ein friðarligan dagligdag - fólk, ið ynskja at fara til arbeiðis - fólk, ið ynskja at skapa virðir til tað samfelagið, ið tey liva í. Sjálvandi eru undantøk, men tey finnast so sanniliga eisini millum føroyingar. Ella er tað tí, at vit halda at vit eru kristnasta tjóðin í heiminum, og tí ikki hevur rúm fyri øðrum religi­ ónum? Er slíkur hugsunarháttur kristin? At lata land okkara upp fyri fløttum verður sjálvandi undir skipaðum viðurskiftum. Men hevði tað ikki ført við sær eitt frálíkt økt fjølbroytni í okkara býar- og bygdamynd. Hevði Føroyar ikki verið litríkari? Hevði hetta kanska kunnað fingið føroyingar í útlegd at flutt heimaftur eisini? Tann stóri spurningurin, ið vit føroyingar eiga at seta okkum sjálvum, er, um vit eru so serlig, og um okkara land er so serligt, at vit bert kunnu vera partur av altjóða heiminum, tá tað hóskar okkum og tá hetta einki kostar okkum - hvørki peningaliga ella á annan hátt. Hava vit yvirhøvur rætt til, at sera spurnartekin við, um fløttar í svárari neyð skulu fáa atgongd til okkara land? Er tað ikki okkara skylda at taka tøk á hesum økinum eisini? Jan Otto S. Holm óheftur fíggjarráðgevi EYGA MÁLIÐ Føroyar eru ov serligar... kjak kjak MÁLPOLITIKKUR: Hava vit ein málpolitikk í Føroyum? Kunnu øll útvarps-, sjón­ varps- og blaðfólk siga/skriva “ær­bussur” ella “airbussur”, uttan at onkur málnevnd legg­ur teimum lag á? Eru miðla­fólk í Føroyum slept upp á fjall málsliga, ella fáa tey ráðgeving/vegleiðing? FLOGBUSSUR: Eg giti, flog­farið eitur soleiðis á før­ oyskum. ATLANTIC AIRWAYS: Ja, kanska í samskifti við um­ heimin; men føroy­ing­ar í Føroyum siga sjálv­andi tað stutta, snøgga ATLANTS­ FLOG! F L O GT E R NA / F L O G ­ SVEINUR: Kvinnan er “terna” (úttalast ikki tedna), maðurin man vera “sveinur”. AIRPORT SHUTTLE SER­ VICE: Hvat er tað fyri nakað? Eg skilji tað nóg illa. Er einki snøgt, føroyskt orð um hatta fyribrigdið? “Flogleið”, “flogruta” ella ---? E:S: BÍLIGARI FLOGFERÐA­ SEÐLAR: Nú vil onkur vera við, at fleiri fólk flúgva, tá ferðaseðlarnir eru bíligari. Eg meini tað! Hvussu nógv bíligari verða ferðaseðlarnir annars, um vit sjálv gjalda fyri tostadrykkin? SIGARETTVERJAR: Skelk­ andi at hoyra hasi bæði fólk­ ini í Sjónvarpinum verja toll­ fríu sigarettirnar í sam­bandi við flogferðslu? Er slík­ur hug­burður veru­liga til í 2013, nú vit næstan eru tey einastu við slík­um ótespi­ligum toll­ regl­um? Annars sakn­aði eg javn­vág í hasi sigarett­verju­ sjónvarps­send­ing­ini. E.E.S.: TIL LUKKU: Hjartaliga til lukku við “flogbussunum” og flogvøllinum og farstøðini, “Atlantsflog”, og blíðan byr á flogleiðini! E.E.E.S.: MÁLTEIGURIN Í SOSIALINUM: Takk, Marjun, fyri ein frálíkan málteig (Mál­ ráð frá Orðafragd)! Munur á hasum málteiginum og hin­um dulnevnda, sum var fyrr! Við mál- og flogkvøðu á Borg á Argjum í gýtusól 2013 Ærbussur/erbussur og Atlantic Airways? Flogbussur og Atlantsflog! Til Jegvan Elis Danielsen Fyrst í mai mánaði sendi tú mær bræv viðvíkjandi málinum, sum tú skrivar um í vikuskiftissosialinum 31. mai 2013, brøv, sum tú fær retur frá umrødda bústaði í Havn. Tað brævið fekk tú svar uppá frá kundatænastu okkara, Ellu Reinert, sum umrøddi viðurskiftini á hesum bústaði soleiðis, at hesi viðurskifti nú okkum kunnugt eru komin í rættlag. Fyri at tryggja at postur kemur rætt fram, skal full­ fíggjað navn og bústaður vera á brævinum. Somuleiðis skulu viðurskiftini á bú­stað­ num vera í lagi við navni á postk­assanum. Fyri brøv av serligum týdningi mælir Posta til at brúka tænastuna “Innskrivað bræv”. Innskrivað bræv fær eina strikukotu, sum tú kann fylgja, og verður handað per­ sónligt og móttakarin váttar fyri at hava fingið brævið. ∆ Viðmerkingar og lesarabrøv til Sosialin skulu sendast til teldupostadressuna: post@sosialurin.fo Eyðun á Borg Joel undir Leitinum stjóri á Posta Súkklumøguleikar? Til kommunuval, verður tikið fram, at súkklubreytir eiga at gerast her og har, at tryggari verður at súkkla í Havn. Men hvør er hugsanin, tá ið ynski er at taka súkkluna út um Havn­ina? Er hugur at betra súkklu- umstøðurnar í Føroyum, hugsi eg, at vit sum skjótast eiga at loyva súkklum ókeyp­ is við ferjunum. Tað kann væl vera at tað leingi hevur verið ásett, at rindast skulu 20 krónur, fyri at taka súkklu við ferju - men sannroynd er, at tað hevur vanliga ikki verið kravt eftir hesum peng­ um. Nú er onkur broyting far­ in fram og dømi er um, at ferð­andi skulu gjalda fyri at fáa súkkluna við sær til Nóls­ oyar. At gjalda kr. 20,- fyri at taka súkkluna við Ternuni til Nólsoyar haldi eg ikki líkist nøkrum. Vit tosa um Nóls­ oy sum "Grøn oyggj" og vit hoyra javnan um vánaligu parkeringsviðurskiftini í Havn. Ein lætti er tað tá, at fara á súkklu og sjálvsagt er tað eisini fyri at "...hugsa um umhvørvið". Eg havi í huga tríggjar ymsar vinklar til evnið: Um ein, ið býr í Nólsoy og starvast í Havn, ynskir at nýta súkklu til arbeiðis, verð­ur talan um eyka ferða-út­reiðslur á kr. 400 um mán­aðin! Eg havi áður gjørt mær eitt rend til Havnar við næm­ingum, at tey kunnu læra seg at ferðast trygt í býar-ferðsluni. Hetta kann eg illa fyriskipað aftur, um for­eldrini skulu gjalda. Í skrivandi stund, veit eg ikki at siga, um súkklugjald verður kraft við Teistanum. Um so er, verður kostnaðurin kr. 240,- fyri at fáa súkklurnar við til Nólsoyar aftur, um eg geri ein familjutúr. Tað haldi eg er í stórari andsøgn til "grøna-hugtakið". Góðu tit á SSL! Eg hugsi ikki at súkklugjald hevur stórvegis ávirkan á "stóra pott", men 20 krónur er stórt irritatiónsmoment fyri børn og vaksin, ið njóta veður og ferðslu, á súkklu. Jákup av Skarði