týsdagur 27. apríl 2004síða 12

Nr. 79 - 27. apríl 2004 23 Hendrik Rubeksen var stóri maðurin, men yvirhøvur tóktist alt HB-liðið reisa seg, tá teir leygardagin gjørd- ust fyrsta føroyska lið- ið at vinna Atlantic Cup FÓTBÓLTUR Jákup Mørk jakup@sosialurin.fo HB skuldi reisa seg. Tað vóru fremstu boðini í norð- ara partinum av Gundadali, tá árligi Atlantic Cup dyst- urin var á skránni leygar- dagin. Hetta er dysturin millum føroysku og íslendsku meistararnar, og undan hes- um hevði tað ongantíð eydnast føroyskum liði at vinna dystin. Og so kundi kanska verði lagt afturat, at eftir ivasama avrikið á Skála fyrr í vikuni, mundu tað vera fleiri av HB-við- haldsfólkunum, sum ikki høvdu serliga góðar vónir undan hesi uppgávuni. Hamskiftir havnar- menn Men tey fingu tó skjótt at síggja, at tað var eitt ham- skift HB-lið, sum nú var á vøllinum. Tvær broytingar vóru í mun til dystin á Skála, og báðar skuldu tær eisini vísa seg at vera týdningarmiklar. Hin fyrra var, at Símun Eliasen nú aftur var í mið- verjuni. Her hann ikki triv- ist serliga væl higartil í ár, men í mun til dystirnar í steypakappingini, so tóktist hann leygardagin at vera nakað væl nærri forminum, sum í fjør gjørdi hann til upplagt landsliðsevni, uttan at hetta tó gjørdist til nak- að. Kanska restar enn nak- að í, áðrenn hann aftur hev- ur funnið sama støði, men fyri sjálvsálit hansara – og FM-vónirnar hjá HB – kann tað fáa altavgerandi týdning, at pílurin nú tykist peiggja rætta vegin. Hin broytingin var, at Heine Fernandez hevði sett seg sjálvan á beinkin hesa- ferð, soleiðis at Hendrik Ru- beksen fekk møguleika at prógva sítt virði. Ikki tí at venjarin hevur spælt so illa, og bara við at hyggja at mál- skjúttunum í steypakapp- ingini stendur greitt, at hann sum so hevur gjørt sína skyldu. Men avrikið hjá Hendriki leygardagin mun- du fáa mong at gloyma An- drew av Fløtum fyri eina tíð. Dagsins maður Ungi framherjin var nevn- liga í øllum trimum førun- um maðurin aftan fyri HB- málini. Fyrst fekk hann tacklað bóltin yvir til Rúna Nolsøe, sum av brotsteigar- markinum smekkaði flatt í netið. Síðani fekk hann tiltusk- að sær eitt (heldur ivasamt) brotsspark, sum Vagnur M. Mortensen sendi trygt í meskarnar, og at enda var hann sjálvur rætti maðurin á rætta staðnum, tá hann fekk bent eitt vandamikið innlegg frá Janusi M. Joen- sen í kassan. Soleiðis tekur mann av einum møguleika, tá mann fær hann handað- an, og í øllum førum prógv- aði unglingin, at hann væl kann gerast ein av trumfun- um, sum HB noyðiast at smekka á borðið í drúgva FM-stríðnum. Tiltrongt lyft Men tað var tó ikki bert avrikið frá Hendriki, sum HB-viðhaldsfólkini kundu fegnast um leygardagin. Tí sum heild virkaði liðið nak- að nógv betri, enn tað gjørdi á Skála mikukvøldið. Tó at miðvøllurin ikki var umskipaður, so dugdu leikararnir hesaferð í nógv størri mun at halda taktisku avtalurnar. Bæði breidd og djúpd var alofast til staðar, og eitt nú riggaði tað sera væl, at Heðin á Lakjuni datt út móti vinstru, tær ferðir- nar Rógvi leitaði sær niðan eftir miðáisini. Tað skal so eisini takast við, at góða avrikið kanska eisini var upp á eina bíliga bakgrund. Í øllum førum mundi tað koma óvart á mong, at íslendska avrikið var somikið jánkasligt. Kanska kann tað vera ein umbering, at teir av tvørr- andi veðurlagnum lendu somikið seint, at dysturin mátti flytast tveir tímar, men fyri steðgin høvdu teir lítla mótstøðu at geva før- oyameistarunum. Eftir steðgin gjørdist tað nakað frægari, og teir fingu móti endanum pyntað um við sera vøkrum stútara, men nóg mikið gjørdist tað tó ongantíð. Men hjá HB var talan í øllum førum um fyrsta steypasigurin (sum tó einki steyp gav) á føðingardags- árinum, og ikki minst eitt tiltrongt sálarligt lyft. So fer tíðin at vísa, hvønn mun hetta kann gera. Dysturin í tølum HB-KR 3-1 (3-0) 1-0: Rúni Nolsøe, 13 2-0: Vagnur M. Mortensen (br.), 24 3-0: Hendrik Rubeksen, 40 3-1: Henning Jónasson, 90 HB-liðið: Pál N. Joensen (Danny Rasmussen, 46) – Hallur Danielsen, Vagnur M. Mortensen, Símun Elia- sen, Janus M. Joensen – Kári Nielsen (Rasmus Nolsøe, 85.), Rúni Nolsøe (Eli Thorsteinsson, 85), Martin Christensen, Rógvi Jacobsen (Rókur Jespersen, 50) – Heðin á Lakjuni (Páll M. Joensen, 78), Hendrik Rubeksen Dómari: Niklas á Líðar- enda. Segði við hesum far- væl sum dómari á hægsta føroyska stigi, og kom hann bara væl frá uppgávuni. Ís- lendingarnir vóru ofta ónøgdir, men mundu sum heild hava lítið at hava hetta í. So átti Heðin á Lakjuni størri orsøk at vera ónøgdur, tá hann varð feldur í gjøgn- umbroti, men hóast tað líkt- ist reyðum og brotssparki, so tagdi floytan eisini ta ferðina. Men sum heild, eitt gott farvæl hjá Niklasi. Heðin á Lakjuni og HB hildu høvdið høgt, tá teir í trý korter spældu íslendsku meistararnar av vøllinum Mynd: Álvur Haraldsen HB-KR 3-1 (3-0): Stjørnuskot tryggjaði HB Atlantssteypið 23 22 Nr. 79 - 27. apríl 2004 EB/Streymur gav B36 tvær flaggdagsgávur fyrstu løtuna eftir steðgin, men tað var innskifti Áki Mørk, sum av álvara punkteraði dystin FÓTBÓLTUR Jákup Mørk jakup@sosialurin.fo Hann var ikki stórt meira enn hálvan hálvleik á vøll- inum, men eingin ivi var um, hvør var stóri maðurin í B36-leguni sunnudagin. Við tveimu málum móti EB/Streymi var Áki Mørk í øllum førum maðurin, sum í einum hálvgum vánalig- um fótbóltsdysti beindi all- an iva til viks, og fyribils er úrslitið, at B36 stendur ovast á stigatalvuni, nú fyrsta landskappingarum- farið er farið aftur um bak. Óskipaður diamantur Sum sagt, so var talan ikki um ein serliga góðan dyst í Gundadali sunnudagin. Veðrinum kundu partarnir tó ikki geva skuldina fyri hetta, tí tað man vera sjáld- an, at fyrsta landskapping- arumfarið verður avgreitt í so góðum líkindum, sum tað var hesaferð. Men tað var alla tíðina – og serliga fyrstu trý korter- ini – sum høvdu liðini bæði sera trupult við at finna stevið. Hjá B36 tóktist sera missurin av John Petersen at vera tungur, og dysturin undirstrikaði væl og virði- liga, hvussu stóran týdning mittasti álopsmaðurin hev- ur, um spælt verður við 4- 3-3. Her royndi B36 seg við Jens Eriki Rasmussen, men hann fall í longum løtum aftur á miðvøllin, soleiðis at talan at síggja til gjørdist um ein óskipaðan diamant mitt á. Tað viðførdi so eisini, at einastu royndirnar til veru- ligt álopsspæl kom upp ígjøgnum kantarnar, men tað hjálpti tó lítið, tá eingin var at taka ímóti, tá sent varð innfyri. Longu í fyrsta minutti kundi heimaliðið tó lagt seg á odda, tá Ronnie Samuelsen (helst rang- staddur) kom at standa púr- asta blankur, men onkurs- vegna megnaði hann úr fimm metrum at senda fram við málinum. Tvær flaggdagsgávur Øvuta vegin var talan held- ur ikki um nakað serliga skipað fótbóltsspæl, men kortini tóktust gestirnir at hava nakað væl meira av broddi í, tær ferðirnar, teir settu ferð á í kontra-spælin- um. Tvær ferðir var eisini um reppið, at úrslit spurdist burturúr, men fyri tað mesta tóktust teir tó at leggja dentin á at standa rætt í verjupartinum, og um ikki annað, so tóktist hesin parturin av spæliætl- anini at rigga heilt væl. Alt hetta arbeiði fór tó fyri skeyti, teir báðar fyrstu minuttirnar av seinna hálv- leiki. Vandin tóktist annars ikki vera serliga stórur, tá Jens Erik sendi fríspark innfyri, men uttan at vera trýstur yvirhøvur, tór Sorin Anghel í luftdyst við Gunn- ar á Steig, og úrslitið var, at bólturin av høvdinum hjá rumenska álopsmanninum dalaði niður í tóma málið. Og áðrenn gestirnir høvdu fingið eyguni upp- aftur, stóð 2-0 á talvuni. Hesaferð var tað víkamað- urin, Ronnie Samuelsen, sum við kvikum 1-2 spæli fekk stungið bóltin inn um til Bárð Mortansson, og so mundu tey flestu halda, at dysturin var avgjørdur. Áki avgjørdi EB/Streymur royndi tó at svara aftur, og einar tvær ferðir var eisini heilt nær við, at teir fingu minkað um munin, men so líðandi fánaði hetta tó burtur. Við- virkandi var eisini, at B36 nú hevði umskipað liðið nakað, soleiðis at talan var um 4-4-2, har serliga San- tos og Arnbjørn Danielsen tóktust stórtrívast á mið- vøllinum. Og so var tað, at Jóannes Jakobsen kundi senda trumfin hjá sær á vøllin. Áki Mørk hevur fyri tað mesta verið upptikin av hondbólti í vetur, men nú er tann kappingin liðug, og so skuldi hann prógva, at hann eisini dugir at handfara bóltin við fótunum. Jens Erik Rasmussen mátti víkja í álopinum, og skjótt stóð greitt, at hetta var ein klók avgerð. Sjálv- andi serliga tí Áki var mað- urin, sum við tveimum málum sløkti alla vón hjá gestunum hendan dagin, men eisini tí hann í nógvar mátar megnaðí at fylla leik- lutin, sum John Petersen ofta hevur á liðnum. Krops- liga er hann væl fyri, og tekniski førleikin eins og styrki í loftrúminum standa eisini ovarliga á breddan- um, tá tosast skal um dygir- nar. Og so hevur hann eisini máltev. Fyrru ferðina, hann sýndi hetta, var tá hann stútaði innlegg frá Bárði Mortansson í kassan, og nakað seinni var hann aftur maðurin á rætta staðnum, tá eitt illa umhugsað útkast endaði hjá Bárði, sum dróg einaferð, áðrenn hann rull- aði upp á tvørs. 4-0 til B36, sum sostatt hevur lagt seg á odda í landskappingini, og við enn einum heimadysti í næsta umfarinum er einki at ivast í, at teir ætla sær at halda fast um hesa støðuna. B36-EB/Streymur 4-0 (0-0): Áki punkteraði gestirnar Ofta hevði B36 sera trupult við at fáa breidd í álopsspæl- ið, har Bárður og Santos lógu langt frá hvørjum øðrum Mynd: Álvur Haraldsen Umskipanir hjálptu Tað var sjálvandi ein feg- in Arnbjørn Danielsen, sum vit fingu orðið á eftir dystin í Gundadali. Hóast spælið ikki hevði verið tað heilt stóra at reypa av, so fekk B36 trý stig, og tá talan so eisini gjørdist um ein trivaligan sigur, er einki at siga til, at smílini í skiftisrúm- inum vóru stór. – Eg skal geva tær rætt í, at spælið ikki var tað heilt stóra í fyrra hálv- leiki. Har hekk alt ov lítið saman hjá okkum, men eg haldi tó, at hetta betraðist eftir steðgin. Serliga tí vit við eini 4-4-2 fingu betri breidd í spælið, soleiðis at plássið at spæla á gjørdist betri. Og so fáa tit eisini tvey skjót mál. Tey hjálpa væl eisini til? – Sjálvandi. Tey hjálptu sera væl. Tað gav okkum beinanvegin meira frið á, men eg haldi eisini, at vit orkaðu betri enn teir. Tað kendis í øllum førum, sum fingu vit tað lættari, so hvørt sum dysturin leið, segði Arnbjørn Danielsen at enda. -jm Liðskiparin hjá EB/- Streymi, Jákup Martin Joensen, var sjávlandi alt annað enn nøgdur, tá vit hittu hann í løtunum eftir dystin. Sjálvandi serliga um úrslitið, men heldur ikki tóktist hann halda, at spælið var so gott, sum tað kundi verið. – Eg haldi tó, at vit koma afturí aftur eina løtu, eftir at teir eru komnir á 2-0. Tá skapa vit nakrar kjansir, og høvdu teir givið mál, so kundi dysturin formað seg øðr- vísi. Tað gjørdi hann tó ikki, og sum Arnbjørn Daniel- sen segði, so helt hann, at tað móti endanum tóktist, sum var B36-liðið væl betri fyri kropsliga, so- leiðis at gestirnir tá ong- antíð fingu hótt av álvara. – Tað haldi eg nú ikki. Men tað er klárt, at tá teir so aftur økja, so fer luftin úr okkum. Tað er nokk meira sálarliga enn krops- liga, at tann møðin kemur, helt Jákup Martin at enda. -jm Mistu luftina Tá ungi B36’arin, Johan V. Gunnarsson, varð skift- ur inn í dystinum móti EB/Streymi, var hetta fyrsta ferðin, at hann var á vølli í fyrstudeildarhøpi. Soleiðis fekk hann 12 minuttir og eitt mál í sín- um fyrsta dysti, og so kann nevnast, at hetta neyvan er seinasta ferðin, at ein Gunnarsson er á vølli fyri besta B36-liðið. Johan er nevnliga tví- burur, og hin helmingun- um av parinum, Ásbjørn, er sjálvandi eisini við í besta B36-hópinum, so helst verður tað ikki leingi, áðrenn árstalsfel- agið kann geva debut til enn ein leikara. -jm B36-debut Dysturin í tølum B36-EB/Streymur 4-0 (0-0) 1-0: sjálvmál, 46. 2-0: Bárður Mortansson, 47. 3-0: Áki Mørk, 73. 4-0: Áki Mørk, 85 B36: Tróndur Vatnhamar – Arnbjørn Danielsen, Egil á Bø, Pól Thorsteins- son, Sverrir Kjærbo (Joh- an V. Gunnarsson, 78.) – Niels Joensen, Klæmint Matras (Kenneth Jacob- sen, 46.), Ronnie Samuel- sen – Bárður Mortansson, Jens Erik Rasmussen (Áki Mørk, 66.), Alex dos Santos EB/Streymur: Gunnar á Steig – Gert Hansen, Fróði Clementsen, Andr- zej Pacek, Jóhan á Stong- um (Esmar Eiðisgarð, 46.) – Bárður Olsen (Carl H. Høgnesen, 70.), Knút Vesturtún, Jákup Martin Joensen (Hallur Jacobsen, 70.), Hans Pauli Samuel- sen – Sonni L. Petersen, Sorin Anghel Gult kort B36: Niels Joensen EB/Streymur: Hans Pauli Samuelsen Dómari: Páll Augustin- ussen. Uppgávan var ikki av teimum truplastu, og svartklæddi maðurin gjørdi hana so heldur ikki truplari, enn hon var. C M Y K 22