mánadagur 10. juni 2013síða 20

20 Sosialurin Hugskot og viðmerkingar – send sms til 225000 Mánadagur 10. juni 2013 · Nr. 65 ítróttur Fótbóltur Fótbóltur: Gilli Sørensen fekk liðskiparabandið á U21-landsliðnum og sveik ikki álitið. Hann legði upp til bæði málini í 2-2 javnleikinum móti Rumenia fríggjakvøldið og stríddi manniliga. Gilli spældi við einum “Micoach Speed Cell” teljara og her eru frálíku tølini Tróndur Arge Í samstarv við Thomas Dam ítrótt hevur Sosialurin roynt Adidas teljaran, “Micoach Speed Cell” á Gilla Sørensen, meðan hann spældi U21- landsdyst móti Rumenia. Jónas Edmund Tórálvsson Stenberg, sum arbeiðir hjá Thomas Dam itrótti, er liðskipari hjá AB og spælir við Micoach Speed Cell teljara. Hann hevur greinað tølini, ið teljarin hevur spýt út eftir dystin móti Rumenia. Millum annað vísa tølini, at toppferðin hjá Gilla var 33,86 kilometrar um tíman. Samanlagt rann hann yvir 10 kilometrar. Ikki løgið, at tað var ein troyttan Gilla Sørensen, ið Sosialurin tosaði við eftir dystin. – Sikken ein gýsari, vóru fyrstu orðini úr munninum á nýggja liðskiparanum á U21-landsliðnum. Spurdur um hvat nógv hann helt at hann hevði runnið var hann eitt sindur í iva. – Eg veit ikki. Eg rokni við at eg havi runnið einar 9 kilometrar ella har um. Eg fekk krampa fimm minuttir fyri tíð. Av taktiskum orsøkum, so kom eg ikki so nógv framvið í seinna hálvleiki, sigur Gilli Sørensen, sum pástendur, at hann kann røkka eini toppferð upp á 35 kilometrar um tíman. Sosialurin fylgir málinum. trondur@sosialurin.fo Hvat er Micoach Speed Cell? Tað er ein teljari, sum ikki er størri enn eitt gummibomm og kann máta hvussu nógv tú hevur runnið, og hvussu skjótt tú hevur runnið. Lítli teljarin passar í botnin á nýggju Adidas gaggunum og ger sosatt ikki ónáðir meðan tú spælir. Toppferðin hjá Gilla var yvir 33 kilo­ metrar um tíma Talvan vísur hvussu nógv Gilli hevur runnið við høgum intensiteti. Um vit taka teir fyrstu 15 minuttirnar, so hevur Gilli sprintað áleið 225 metrar. So Gilli hevur lagt hart út vísur talvan. Hann rennur ikki eins nógv í høgnum intensiteti í seinna hálvleiki, sum í fyrra hálvleiki. Hetta kann koma av at hann ikki orkar renna, ella av onkrum taktiskum orsøkum. Gilli rennur nógv í seinna hálvleiki men kemur ikki so ofta uppi í ferð