hósdagur 13. juni 2013síða 18

Fríggjadagur 14. juni 2013 · Nr. 67 18 Sosialurin Hugskot og viðmerkingar – send sms til 225000 Eitt fyribrigdi hevur sníkt seg inn í bæði føroyska og danska málnýtslu, og tað er orðið Ríkis­ felagsskapurin/Rigsfælle­sskabet. Hetta gevur onga meining, tí Danmark og Føroyar eru ikki ein ríkiseind, men tvey ymisk lond. Um vit fingu formaliserað eina fullveldisskipan við sama regenti, so kundu vit kanska tala um ein Ríkjafelagskap (á donskum kanska: Rigers Fællesskab). Nú­verandi løgmaður, formaður Sam­bands­flokksins, Kaj Leo Johanne­sen, kom við teirri útsøgn herfyri, at hann sá fyri sær ein Ríkjafelagsskap. Um hann og flokkur hansara stendur inni fyri hesum, so kann helst skjótt komast væl á leið í hesum máli, ti Sambandsflokkurin er væl tann mest afturhaldandi í hesum høpi. Um hesi viðurskifti verða avgreidd, so hvørvur ein partur av stevnuskránni hjá teim ymisku flokkunum, og flokkarnir kunnu so við øðvísi ídni kasta seg yvir vanligan samfelagspolitkk, sum upptekur politiskar flokkar í øðrum londum. Hvussu nógvar flokkar vit so fáa í Føroyum, veit eg ikki, men eg ímyndi mær, at vit koma at fáa nakað sum líkist eini tvíflokkaskipan, sum til dømis í Bretlandi. Eg síggi fyri mær, at tveir av núverandi flokkum vera høvuðsflokkar, og tað eru Javnaðarflokkurin og Fólkaflokkurin. Ein partur av Tjóðveldisflokkinum og eitt sindur av Sambandsflokkinum fer so saman við Javnaðarflokkinum, meðan ein annar partur av Tjóð­ veldisflokkinum og meginparturin av Sambandsflokkinum leggur saman við Fólkaflokkin. Sjálvstýrisflokkurin fer helst helvt um helvt í hvønn partin. Miðflokkurin fer helst ongan veg, meðan Framsókn má roknast við at fara borgarliga vegin. Í eini tíðargrein hevur Jóann­ es Eides­gaard eftirlýst ein­um alternativi til núverandi sam­ gongu. Eg rokni ikki við nøkrum var­andi alternativi undir núver­ andi politisku skipan, men fáa vit fullveldi og fáa loyst suverenitetsspurningin, so kundi tað hent, at Jóannes fekk sítt ynski um tvey alternativ uppfylt. Hann átti at gjørt sína ávirkan galdandi og fingi sjálvstýrismálið loyst. Flokkar og umboðan á tingi Eitt annað mál, sum eg kundi hugsað mær at nevnt í hesi grein, er, hvussu umboðanin á tingi er skipað. Eg byrjaði greinina við at taka fram sum dømi útbyggingina av samferðslukervinum í norðara parti av landinum.Hetta er úrslit av framburðshugaðum arbeiði, men eisini av virksemi hjá valdum tingumboðum. Frá fyrndartíð møtt­ust menn úr øllum landinum á tingi. Harvið fekst ein fjølbroytt umboðan. Seinri fingu vit polit­ iskar flokkar, hvørs umboð vóru vald í ymiskum valdømum. Fjøl­ broytni gjørdist uppaftur størri, tí skipanin tryggjaði bæði, at politisku ákoðanir og áhugamálini hjá ymisku landspørtunum fingu høvi at gera sína ávirkan galdandi. Skipanin hevði eisini við sær, at flokkarnir hvør sær beinleiðis sóu tað neyðuga í at virka politiskt í teim ymisku valdømunum. Tíverri er hetta ikki longur heilt tað sama. Fyri nøkrum árum síðani varð landið umskipað til eitt felags valdømi. So vítt eg havi skilt, hevði táverandi tingformaðurin ein ávísan egináhuga í hesi um­ skipan. Hann fekk meiriluta fyri hesum í táverandi tingi, og broytingin varð framd, uttan at val hevði verið ímillum. Um hetta ikki verður broytt aftur, verður langtíðarávirkanin helst tann, at politisku flokkarnir, og verulig politisk sjónarmið í heila tikið, verða nógv veikari úti í valdømunum, og harvið eisini sum frá líður, í landinum sum heild. Eg havi nevnt frammanfyri í hesi grein, at eg ímyndaði mær meiri at sær komnar politiskar flokkar í einum sjálvstøðugum Føroyum. Men um skipanin við einum valdømi verður varveitt, óttist eg fyri, at politiska dygdin hvørvir úr flokkunum, bæði hugsjónarliga og persónliga. Í staðin fáa vit, sum frá líður, fleiri oppurtunistar, sum fara at føra seg fram á politiska vígvøllinum. Um hetta hendir – eg vóni tað ikki – so kann Jóannes Eidesgaard, og vit onnur eisini, hyggja langt eftir burðardyggum stjórnaralternativum. tíðargrein Framhald av síðu 17 Dagsskrá 1. Eykaaðalfundurin velur eftir uppskoti frá nevndini ein fundarstjóra 2. Val av nevndarlimi Bílegging av atgongumerkjum og atkvøðuseðlum Atgongumerki og atkvøðuseðlar skulu bíleggjast á telduposti ir@atlantic.fo ella á høvuðsskrivstovu felagsins á telefon 341030. Seinasta freist fyri bílegging av atgongumerki og atkvøðuseðlum er mánadagin 17. juni 2013 kl. 16:00. Um so er, at tygum ikki kunnu luttaka á eykaaðalfundinum, hava tygum møgu- leika til at geva øðrum skrivliga fulltrú til at møta tygara vegna. Á heimasíðu felagsins www.atlantic.fo og á høvuðsskrivstovu felagsins er eitt fulltrúarskjal, sum kann nýtast í hesum sambandi. Fulltrú skal vera felagnum í hendi í sein- asta lagi mánadagin tann 17. juni 2013 kl. 16:00. Fulltrúin kann sendast umvegis teldupost. Við bílegging av atgongumerki og atkvøðuseðlum skal førast prógv fyri, at við- komandi er partaeigari. Fyri partaeigarar, hvørs partabrøv ikki eru skrásett við navni, verða útgivin atgongumerki og atkvøðuseðlar ímóti ávísing av eini í mesta lagi 4 daga gamlari útskrift frá Værdipapircentralen A/S ella frá tí kontoførandi peningastovninum (depotstaðnum), sum skjalprógv fyri partabrævaognini. Við útskriftini skal fylgja skrivlig váttan fyri, at partabrøvini ikki eru ella verða avhendað til onnur, áðrenn eykaaðalfundurin er hildin. Partapeningur, atkvøðurættur og eykaaðalfundurin Partapeningur felagsins er kr. 103.500.000 býttur sundur í 1.035.000 partabrøv á kr. 100,00 og multipla av hesum. Felagið hevur 11.111 egin partabrøv, ið ikki hava atkvøðurætt. Eingi partabrøv hava framíhjárættindi. Partabrøvini skulu vera navnapartabrøv og eru negotiabul. Partaeigarar hava ikki skyldu til at lata partabrøv síni innloysa. Kapitaleigari, sum sambært partabrævabókini kann prógva við skrásettum partabrævi, at hann er partaeigari, hevur atgongd til og atkvøðurætt á eyka- aðalfundinum, um viðkomandi í seinasta lagi 17. juni 2013 hevur biðið um atgongumerki. Kapitaleigarar hava møguleika at atkvøða fyri evnum á dagsskránni við brævi, t.e. at atkvøða skrivliga, áðrenn eykaaðalfundurin verður hildin. Til tað krevst, at tað týðiliga framgongur, hvat atkvøtt verður fyri, og at atkvøður saman við atkvøðumerki verða latin felagnum í seinasta lagi kl. 16 tann 17. juni 2013 í afturlatnum brævbjálva. Eykaaðalfundarstjórin tekur støðu til, um tað fram- gongur nóg týðiliga, hvat atkvøtt verður fyri. Atkvøðurættur kann fremjast við skrivligari fulltrú, ið ikki kann gevast fyri meir enn 12 mánaðir. Harumframt hava fjølmiðlar og umboð fyri virðisbrævamarknaðir atgongd til eykaaðalfundin. Kapitaleigari felagsins hevur eina atkvøðu fyri hvørjar kr. 100, ið hann eigur í partapeningi. Fyri at geva atkvøðurætt krevst, at partabrøvini eru skrásett í partabrævabók felagsins, áðrenn eykaaðalfundurin verður hildin. Allar avgerðir á eykaaðalfundinum verða tiknar við vanligum meiriluta av atkvøðum, um ikki annað er ásett í galdandi partafelagslóg. Eykaaðalfundurin verður hildin á føroyskum og týddur til enskt. Skrivligt tilfar verður á føroyskum og enskum. P/F Atlantic Airways Nevndin Eykaaðalfundur í P/F Atlantic Airways, Faroe Islands Boðað verður við hesum til eykaaðalfundar í P/F Atlantic Airways, Faroe Islands mikudagin 19. juni 2013 kl. 16:30 á 62°N Airport Hotel (Hotel Vágar) Djúpheiðar 2, í Sørvági