mánadagur 17. juni 2013síða 59

Fjarðastevnan 2013 Vælkomin á fjarðastevnu Skála bygd, sum nú fer at skipa fyri fjarðastevnu, er partur av Runavíkar kommunu og borgarstjórin, Magnus Rasmussen, bjóðar vegna kommuna øllum hjartaliga vælkomnum til Skálar at halda stevnu Vilmund Jacobsen Eins og borgarstjórin í Runavíkar kommunu, Magnus Rasmussen, her­ fyri bjóðaði vælkomnum á eystan­ stevnu í Runavík, bjóðar hann nú øllum vælkomnum á fjarðastevnu á Skála, ið er vertur fyri stevnuni í ár. Boðskapurin hjá borgarstjóranum er stuttur og greiður: – Øll eru hjartaliga vælkomin til Skálar í vikuskiftinum, 19.-23., tá skálafólk skipa fyri stevnu. Tað er okkara vón, at veðrið verður til vildar, og at nógv fólk leita sær til bygdar, meðan stevnan er. Tað er altíð nakað serstakt, tá FM-róður er, og soleiðis verður á fjarðastevnu á Skála í ár. Borgarstjórin vísir á, at stevnu­ fyrireikararnir hava lagt til rættis eina fjølbroytta og spennandi skrá. – Hyggja vit nærri í skránna, kann av sonnum sigast, at her er nakað fyri øll. Vit hava øll brúk fyri at taka okkum av løttum av og á og njóta fríløtuna. Her eru nógvir møguleikar – og latið okkum gera brúk av teimum. Borgarstjórin vísir á, at tað er ikki lítið, sum liggur aftanfyri fyrireiking­ arnar til eina slíka stevnu og øll tey, sum njóta hesi tiltøk, hava nógv at takka fyrireikarum og stuðlum fyri. - Um sjálvbodna arbeiðið ikki var drívmegin í stevnuni, so var eingin stevna, sigur Magnus Rasmussen, sum bjóðar øllum hjartaliga vælkom­- unum á fjarðastevnu á Skála.