hósdagur 27. juni 2013síða 50

nr. 73 · 28. juni 2013 10 VIKUSKIFTI Síðani september í fjør hava vit í Vikuskifti havt samrøður við nógv áhugaverd fólk. Her er nakað av tí, sum er sagt í blaðnum hesa tíðina lagt til rættis: Eyðun Klakstein Tað søgdu tey í » Fólk halda kanska, at lívið sum tónleikari er ein dreymur, mann skal útliva, men tað er ein illusión. Tað er hinvegin ofta eitt baks, og tú skalt tíma tað øgiliga væl. Tað nyttar ikki at ganga og plága seg sjálvan, tá ið tað ikki gongur so væl, tí so verður tú klikkaður av tí. Tú mást góðtaka, at tað er ein lívsstílur, sum tú hevur valt. Høgni Lisberg tónleikari » Eg helt í hond hansara í fleiri tímar og græt. Eg hugsaði um, hvussu órættvíst tað var, at hann skuldi taka allan brestin frá minuni, meðan vit aðrir sluppu snikkaleysir undan. Heini Jacobsen fyrrverandi hermaður í Afghanistan » Typiskt fyri allar ørsku líka frá for­ elskilsi til spæliørsku er, at viðkomandi per­sónur missir samband við realitetin. Eyðun Joensen sálarfrøðingur » Tað eru milliardir av fólkum í heiminum, og tay hava allar møguligar gudar. Tú kanst ikki siga, at øll hini eru býtt, bara tí teirra gudsfatan er øðrvísi enn tín egna. Hanus G. Johansen fólkatónleikari » Eg haldi á ongan hátt sjálv, at hetta prýðir Gundadal, men hetta var ein bundin uppgáva. Í roynd og veru eru ljósmastrarnar gjørdar so einfaldar og so lítlar, sum tað yvirhøvur letur seg gera, tá tey ymsu krøvini frá FIFA skulu haldast. Eyð Strøm arkitektlesandi, sum sniðgav ljósmastrarnar við Tórsvøll » Eg vil í øllum førum ikki sita sum ein konservativur, súrur og hástórur borgarstjóri handan læstar dyr. Eg vil vera millum borgararnar har, sum gleði og sorg er. Heðin Mortensen borgastjóri í Tórshavnar kommunu » Tey taka kvinnurnar av ræði, og aloftast nýta tey hóttanir fyri at fáa tær at akta. Tær flestu hava familju, nógvar hava børn, og tær fáa at vita, at akta tær ikki, so gongur tað útyvir tey har heima, sum verða dripin ella forfylgd. Tað er so ræðuligt, tí tær fáa einki annað gjørt enn at yvirgeva seg. Silvia á Bergi Gunnarsson sum ger sjálvboðið arbeiði millum skøkjur í Keypmannahavn » Føroyar eru nógv størri og vakrari, enn vit ofta halda. Árni Jakobsen sum hevur verið á øll 340 fjallatindum í Føroyum