mánadagur 1. juli 2013síða 10

Mánadagur 1. juli 2013 · Nr. 74 10 Sosialurin Hugskot og viðmerkingar – send sms til 225000 nøvn Mildur og lukkuligur yvir fólki sínum Í dag 28/6 var seinasti arb­ eiðsdagur hjá Bo Jørgensen, sum hevur verið lærari á Studentaskúlanum og HF- skeiðnum í Eysturoy og á Klaksvíkar HF-skeiði frá 1983 til 2013. Bo er føddur í Keyp­ mannahavn 29. apríl í 1945 – 1 viku áðrenn 2. heimsbardagi endaði, er útbúgvin Cand. Mag. í søgu, religión og fornaldarfrøði og hevur hann undirvíst í øllum hes­ um lærugreinum við Gøtu­ gjógv, í Klaksvík og á Kambs­ dali. Hann hevur sostatt tænt føroyska undirvísingar­ verkinum í 30 ár við síni breiðu vitan, síni servitan og sínum nærlagni, og nú hann leggur frá sær, eru fleiri av hansara fyrrverandi næm­ ingum starvsfelagar hansara her á Studentaskúlanum og HF-skeiðnum í Eysturoy eins og á Klaksvíkar HF-skeiði og núverandi rektari byrjaði sum næmingur sama ár, sum Bo byrjaði sum lærari. Sum starvsfelagi er Bo vitandi, fyrikomandi og um­ boðar eina mentan í dýpt og breidd sum fáur og sum vit fara at sakna. Í fríkorterum og til fundir hevur hann oyst av sínum mongu keldum – bæði til skemt og álvara – og mong eru tey áhugamál, sum hann hevur lutað saman við okkum her t.d. innan mál, heimsbókmentir og films­ søgu. Bo hevur verið virkin í Lærararáðnum, so at siga øll árini hann hevur starvast á staðnum – seinastu árini sum kassameistari – og annars tikið mangt takið, tá á stóð og er altíð góður í ráðum. M.a. var hann leiðari á Klaksvíkar HF-skeiði eitt 10-ára skeið frá 1984. Bo er giftur við Margit Dahl Nielsen, sum er ættað úr Åbenrå, sum hevur før­ oyskar røtur í moðurætt, og sum eisini hevur verið lærari á skúlunum síðani 1983. Hon undirvísir í søgu og týskum. Tey eiga sonin Hans Jacob, sum er útbúgvin sivil­verk­ frøðingur og arbeiðir hjá Mærsk á Esplanaden í Keyp­ mannahavn. Hans Jacob tók studentsprógv á Kambsdali Í 1998. Familjan hevur búð í Klaksvík øll árini og Margit og Bo eru partur av tí lærara­ hópi, sum hevur verið kjarni á skúlunum øll árini. Vit heilsa Bo við sitati­ num, sum Dánjal Petur Højgaard tók fram í røðu síni í morgun úr “Homerisku kvæðini, Odysseus” í endur­ søgn eftir Jeffrei Henriksen: “Zeus var eisini troyttur av kríggi og blóði, og hann læt Athenu leggja uppí at fáa frið í lag. Hon skipaði fyri semju partanna millum, og Odysseus sat í mong ár sum ein mildur og lukkuligur kongur yvir fólki sínum á Itaka.” Soleiðis ímynda vit okkum teg í vælsignaðum og eydnusomum ævikvøldi. Við takksemi og góð­ ynskjum Starvsfelagarnir Bo Jørgensen og Margit Nielsen eftir ársroyndina, har tey fyrstu ferð í 28 ár høvdu innanhýsis roynd saman í søgu. Munnlig roynd í søgu. Hjúnini Bo Jørgensen og Margit Nielsen eru bæði søgulærarar. Fyrsta starvsárið var Bo Jørgensen lærari hjá Nikolinu Olsen, sum nú er lærari á skúlunum og seinasta starvsár hevur Bo verið lærari hjá soni Nikolinu, Høgna Olsen. Hetta er eitt gott dømi um, at Bo í mongum førum hevur verið lærari hjá fleiri ættarliðum. Rektari, Helga Foldbo, takkar Bo Jørgensen fyri trúgva tænastu. Bo nevndi í síni takkarrøðu, at hann hevur havt Helgu til næming, síðani starvsfelaga og nú rektara.