mánadagur 1. juli 2013síða 13

13 Mánadagur 1. juli 2013 · Nr. 74 Sosialurin Hugskot og viðmerkingar – send sms til 225000 ítróttur fótbóltur Jákup Mikkelsen Royndi málverjin er ikki mest upplagda boðið, tí ÍF hevur hóast alt latið 23 mál inn, men orsøkin til at Jákup er í mál er, at hann hevur ein virknan leiklut í, at til tíðir unga verjan hjá ÍF er komin livandi frá uppgávuni. Verjan hevur verið mann­að við fleiri ungum spælarum og Jákup hevur á bestan hátt stýrt teimum. Teitur Gestsson er eisini eitt gott boð saman við einum tveimum øðrum. Jóhan Troest Davidsen Er leiðarin í bestu verjuni í landinum. Bara 14 mál eru farin í gjøgnum og avrikini hjá Jóhan Troest Davidsen hava verið støðug og góð. So góð, at hann nú aftur er á landsliðnum. Eitt upplagt boð. Heini Vatnsdal Her var sum so ongin ivi. Heini Vatnsdal hevur verið millum bestu spælararnar í føroysku kappingini í ár. Hann er ein sannur motorur á miðvøllinum og millum høvðusorsøkirnar til, at HB liggur nummar eitt. Fróði Benjaminsen: Tað ber heldur ikki til at koma uttan um liðskiparan hjá HB, sum aftur í ár spælir á einum høgum stigi. Hann gongur á odda við málskjótingini hjá odda­ liðnum og er ikki til at steðga. Leif Niclasen: Toppskjútti í føroysku kappingini hevur traðkað til, tá Arnbjørn Hansen gjørdist skaddur. Hann er ein av høvðus­ orsøkunum, saman við eitt nú Egil á Bø, til framgongdina hjá EB/Streymi seinnu umførini. Eitt upplagt val. Súni Olsen Hevur ikki spælt so nógv sum aðrir, men ongin kann pilka við avrikini hjá gøtumanninum. Hann hevur vunnið sær fast pláss á landsliðnum og tað sigur ikki so lítið um avrikini í fyrru hálvu. Óli Johannesen Er høvðusorsøkin til, at TB hevur so stinna verju. Hóast hann sum einstaklingur ikki hevur skarða framúr, so hava evnini hjá honum at leiða og ganga á odda gjørt, at TB bara hevur fingið 20 mál ímóti. Her eru eisini onnur góð boð, men 41 ára gamla Óla Johannesen er altíð eitt trygt val í miðverjuni. Jan Ó. Ellingsgaard Hevur spælt flest minuttir fyri ÍF og hevur verið sannførandi. Tað hevur hann faktist í fleiri ár. Umframt at verða ein partur av ungu verjuni hjá ÍF, so eru framrættaðu evnini hjá honum kom ÍF til góðar fleiri ferðir. Leivur Joensen Hevur burturúr ongum sett seg fast á høgra bakk plássið. Hann hevur avrikað væl í framrættaða spæli­ num og einum sín lut í, at ÍF er á øðrum plássi. Venjari: Albert Ellefsen, ÍF Tók við eftir Flemming Christensen, sum tóktist fáa sum mest burtur úr ÍF liðum í fjør. Eisini misti felagið lyklaspælarar, men Albert hevur megnað at spælt fleiri nýggjar menn inn og liðið liggur á øðrum plássi og hevur í sinni at bjóða HB av. Símun Samuelsen: Landsliðsvongurin hevur verið patur av HB álopið, sum hevur skotið 36 mál. Tað eru seks mál fleiri enn ÍF, EB/ Streymur og KÍ. Avrikini hjá Símuni hava verið støðug í mun til tvey tey farnu árini. Páll A. Klettskarð: Hevur skotið níggju mál í fyrru hálvu og hevur vunnið sær pláss á landsliðnum. Er í harðari kapp­ ing við Clayton, sum hevur skotið átta mál fyri ÍF. Báðir hava til felags, at teir fara hugagóðir til verka – eisini tá tað gongur illa og málini mangla.