leygardagur 1. mai 2004síða 7

12 Nr. 83 - 1. mai 2004 Nr. 83 - 1. mai 2004 13 Frode Jensen kom av Bornholm til Føroya sum sersjantur tann 3. mai í 1964. Hann skuldi vera her í tvey ár. Men hann fann konu sína her og fekk familju. Mánadagin 3. mai flyta tey til Danmarkar at búgva – júst 40 ár seinni SAMRØÐA Solby A. Eliasen solby@sosialurin.fo Frode Jensen var 20 ára gamal, tá hann kom til Føroya við Tjaldrinum í 1964. Hann skuldi arbeiða í Mjørkadali í tvey ár, og so var ætlanin at fara aftur til Danmarkar. Men lagnan vildi tað øðr- vísi. Frode hitti eina gentu, tey gjørdust góð og seinni giftust tey. Hann setti búgv í Havn og saman fingu tey trý børn, sum øll eru vaksin í dag. Frode og konan hava onkuntíð tosað um at flyta til Danmarkar, men tað er ikki blivið til nakað fyrr enn nú. Og púra tilvildarliga vildi tað soleiðis til, at tey flúgva úr Føroyum 3. mai. Júst 40 ár eftir, at Frode kom til landið sum blaðungur sersj- antur. Øll familjan flytur Børnini hjá Frode og Gun- vør eru øll vaksin. Hóast tað so flyta øll niður. – Tað er faktiskt børnini, sum gera, at vit eisini fara. Eldri sonurin býr niðri, dóttirin við familju flytur, og tann yngsti skal niður í lestrarørindum, so vit fara aftaná, kann sigast sigur Frode við einum smíli. Vit eru stødd upp á hotel Føroyum til ein kaffimunn og prát. Frode hyggur út gjøgnum vindeygað og nýt- ur útsýnið yvir Havnina. Helst fyri seinastu ferð frá hotellinum, meðan hann er búsitandi í Føroyum. Tey gleða seg nógv at koma upp á pláss í Dan- mark. Tey hava keypt eini hús í Bording, sum liggur í millum Ikast og Silkeborg. Um 6.000 íbúgvar búgva í Bording, so Frode og konan flyta í ein minni bý saman- borið við Havnina. Men tað stúrir hann ikki fyri. Bor- ding hevur alt, sum tey halda seg hava tørv á. Og um okkurt annað skuldi verðið átrokandi, so er ein- ans eitt korter til Silkeborg. Kokkur Eftir at hava arbeitt í Mjør- kadal í nøkur ár, fór Frode út at sigla. Hann slapp við einum rækjutrolara, og tá varð hann spurdur, um hann vildi verða kokkur. Og honum dámdi so mikið væl sjómanslívið, at hann helt á í meira enn 20 ár. Í 1980 fór hann umborð á Smyril at arbeiða eisini sum kokkur. Har var hann í trý ár. Og seinni var hann ikki minni enn 18 ár umborð á Bliki og Lómi sum hovmeistari. Frode fór í land at ar- beiða sum kokkur í 2001, har hann millum annað ar- beiddi í Galluni á Sjómans- heiminum eitt tíðarskeið. Og ta seinastu tíðina ar- beiddi hann í handlinum hjá Jóhannes Andreasen á Grønlandsvegnum, har hann takkaði fyri seg fyri nøkrum døgum síðani. Frode sigur, at hann hevur fingið avtalur niðri til samrøður, har hann hevur søkt arbeiði sum kokkur. – Onki liggur fast enn, men eg vænti ikki, at tað verður so torført at fáa arbeiði, sigur hann. Nógv broytt Frode tosar um, hvussu nógv Føroyar eru broyttar, síðani hann kom higar fyri 40 árum síðani. – Tað er ótrúligt, hvussu stór Havnin er blivin, sigur hann og yppir øksl. Hjúnini síggja tað sum eina stóra avbjóðing at flyta til Danmarkar, men tey gleða seg avbera nógv. Frode ásannar, at tað verður løgið at koma aftur til Danmarkar at búgva. Hann hevur systkin niðri, sum hann hevur havt nógv samband við. Foreldrini misti hann sum barn, og tað var eisini tað, sum gjørdi, at hann vildi royna at arbeiða í Føroyum í eina tíð. – Eg var so ungur, og eg bleiv biðin at verða sersj- antur. Tað kann man ikki nokta, so eg helt, at eg kundi tað sama uppliva nakað. Og tað vísti seg so at verða ein týdningarmikil avgerð, sum eg tók tá, greiðir hann frá. Gomul í Danmark Kaffikoppurin er við at tømast nú, og Frode ressast í stólinum. Hann má heim at pakka víðari. Bingjan í túninum skal fyllast, og hóast mest sum alt er fylt í flytikassar, so er framvegis nógv eftir at tøma í húsin- um. Gunvør helt fyri, at ein sær ikki, hvussu nógv ein eigur fyrr enn ein skal flyta. Tey hava búð í húsinum á Fjalsgøtu í 19 ár, men mánadagin 3. mai gongur leiðin til Danmarkar, har tey skulu búgva framyvir. 38 ár seinni enn Frode sum 20 ára gamal hevði hugsað sær. Spurdur um tey koma aftur, sigur Frode, ja, púra avgjørdur. – Men bara at ferðast, vit koma neyvan aftur at búgva í Føroyum, er eitt tað sein- asta hann sigur, áðrenn hann fer út úr hotellinum. Tvey ár gjørdust til fýrati Mánadagin flytur Frode Jensen av landinum til Danmarkar eftir at hava búð her í 40 ár. Hann skuldi upprunaliga bara vera í Føroyum í tvey ár Frode Jensen sigur, at av øllum tí góða, sum er í Føroyum, verður tað náttúruna, hann mest fer at sakna. Hinvegin sigur hann flennandi, at hann ikki fer at sakna veðurlagið Mynd: Álvur Haraldsen Týsdagin 30. apríl 1974 kom eitt Boeing 737 ferða- mannaflogfar frá enska flogfelagnum Britannia Airways til Føroya. Ferðin úr Kastrup til Vágar tók tveir tímar, og við flogfarinum vóru um- leið 30 starvsfólk og tek- nikarar hjá SAS, Mærsk Air, Danair og ferðslu- myndugleikunum. Flogfarið var tað størsta, ið nakaratíð hevði lent í Vágum. Tað hevði tveir jet- motorar og kundi taka 130 ferðafólk. Endamálið við ferðini var at gera eina royndarflúgv- ing og vita, hvussu væl hetta flogfar klárar lending og start á flogvøllinum í Vágum, og um tað møgu- liga kundi nýtast til fram- tíðar flúgving upp á Føroy- ar. Áðrenn flogfarið fór avstað aftur, vóru tríggjar royndir gjørdar viðvíkjandi fráfaring og lending undir ymsum umstøðum. Roynd- irnar eydnaðust sera væl. NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. 80 ár Mánadagin 3. mai verður Jona Johansen, Tvøroyri, 80 ár. Hon er burturstødd. Brúdleyp Í dag, 1. mai, kl. 15.00 giftast í Havnar kirkju Brynhild D. Hellisdal og Heri Ellendersen. Veitslan verður fyri innbodnum í kan- tinuni í Hoydølum. Dagurin Mai, Nevndur eftir rómversku gudinnuni Maju, sum var gudinna fyri gróðri og grøði. Summir halda, at navnið kemur av latínska orðinum majores, teir gomlu, ið var navnið á gamla senatinum í Róm. 1. mai. Valborgarmessa. Hildin til minnis um enska kongsdóttur og nunnu, sum seinni gjørdist abbadissa í kleystrinum Hildesheim í Týsklandi. Hon doyði í 779. Valborgarnátt varð hildin mikil várveitsla í Norðurlondum, og tað er ta náttina, at trøllkonur ríða at Bloksbjørgum. Germanskt navn, ið merkir vald og vernd. 1. mai er arbeiðaradagurin, sum varð hildin á fyrsta sinni í París í 1889. 2. mai. Atanasius, deyður í 373. Patriarkur í Aleksandria. Var kendur kirkjulærari, og hevur sett saman eina trúarjáttan, sum varð samtykt í Nikæa í 323, og sum ber navn hansara. 3. mai. Krossmessa. Var hildin til minnis um, at keisarinnan Helena, mamma Konstantin keisara, fann kristi kross. Hon doyði í 329. Krossmessusnertur er knappligt illveður, sum kann bresta á um hetta mundið. Í 1943 var eitt fólkatingsval í Føroyum, sum varð rópt krossmessuvalið. Símun av Skarði var føddur hendandaginí 1872. Fríggjadagin 30. apríl læt ein listaframsýning upp í Smiðjuni í Lítluvík. Talan er um málningar, vatnlits- myndir, keramik og collage. Tað er Arngerð Joensen í Hoyvík sum stendur fyri framsýningini. Tey sum sýna fram eru umframt Arngerð eisini næmingar í Hoyvíkar Listaskúla, tey eru: Hervør Hergudóttir, Inga Samuelsen, Vilhelm Andreasen, Ólavur Reinert, Ankey Joensen og Susanne Nielsen Arngerð hevur arbeitt við list í umleið 40 ár. Hon er útbúgvin innandura arki- tektur og lærari og hevur privata undirvísing í list ymsastaðni í Føroyum. Í eini 20 ár hevur búði hon í Danmark. Hon hevur spesialiserað seg í inn- rætting av køkum og hevur arbeitt innan hetta øki bæði í Danmark og í Føroyum. Framsýningin er bert opin í vikuskiftinum, fríggjadag, leygardag og sunnudag, allar dagarnar frá kl. 14-20 Listaframsýning í Smiðjuni í vikuskiftinum 1. mai 2004 hevur Sonja Dalsgaard í Skálavík 25 ára starvsdag á Eirargarði B 16 í Havn. Sonja, f. Hansen, er úr Havn og vaks upp í Sandavági. Sum 15 ára gomul fór hon til Skopunar at tæna hjá Andreasi Johannesen (Andreasi í Hvannasundi). Hon giftist við Tønner Dalsgaard úr Skálavík og búsettist har. Tey eiga trý børn: Axel, sum býr í Hirtshals, Erla, sum býr á Ny- købing Falster, og Terji, sum býr á Sandi. Sonja arbeiddi á flakavirkinum Sólarris í Skopun, áðrenn hon 1. mai 1979 fekk starv á Eirargarði. Sonju verður ynskt hjartaliga tillukku við starvsdegnum. Børnini Nøkur av listafólkunum sum sýna fram í Smiðjuni: f.v.Vilhelm Andreasen, Susanne Nielsen, Ólavur Reinert, Arngerð Joensen, Durita Hansen og Ankey Joensen Mynd: Jens Kristian Vang Sonja Dalsgaard, Skálavík: 25 ára starvsdag á Eirargarði Tøkk Hjartaliga takka vit fyri stóru samkenslu og hjálpsemi, tá ið okkara elskaði maður, pápi, verfaðir, abbi, sonur og bróðir Jacob Wang Andreasen doyði og varð jarðaður. Familjunnar vegna Erla og børnini Fyri 30 árum síðan: Størsta flogfar sum nakrantíð hevði lent í Vágum Propellflogfarið hjá Mærsk Air (v.m.) og Boeing 737 flogfarið hjá Britannia Airways, ið var størsta flogfar, sum nakrantíð hevði lent í Føroyum í 1974. Fremst á myndini síggjast tveir bilar, ein Wolseley og ein Toyota Crown. Kelda: Myndaárbókin –árið ið fór 1974 C M Y K 13 12