mánadagur 15. juli 2013síða 13

13 Mánadagur 15. juli 2013 · Nr. 80 Sosialurin Hugskot og viðmerkingar – send sms til 225000 ítróttur Heri Simonsen Sjálvt um talan var um steikjandi hita á stranda­flog­ bólts­vøllinum, so gjørdist talan um eitt satt ódnarveður, tá Lena í Buð og Guðrið Syderbø spældu sín fyrsta landsdyst fyri tað føroyska stranda-flogbóltslandsliðið ímóti Cayman-oyggjunum. Fyrsta settið endaði 21-3 til Cayman-oyggjarnar, og tað sá satt at siga ikki gott út hjá Lenu og Guðrið, men tær vístu góðar taktir í tí seinna settinum. Í strandaflogbólti verður spælt best av trim­ um, og tað var ikki frítt, at Lena og Guðrið skaptu ein ávísan spenning í tí seinna dystinum, har liðini fylgd­ ust ta fyrstu løtuna, men ímóti dystarenda fóru caymansku kvinnurnar frá Lenu og Guðrið aftur, og end­aði seinna settið 21-15 til Cayman-oyggjarnar, og harvið tryggjaðu tær sær ein 2-0 sigur. Fegnaðist um seinna settið Guðrið Syderbø ásannaði aftaná dystin, at talan var um eina katastrofala byrjan. – Tað byrjaði øðiliga illa. Vit royndu at spæla, sum eg og Lena hava vant heima í Føroyum. Vit spældu, sum ein ger í vanligum innandura flogbólti, har ein spælir tríggjar ferðir, móttekur og hevar. Men hetta rakk ikki ímóti Cayman-oyggjunum. Í øðrum setti gjørdu vit meira tað, sum tær frá Cayman- oyggjunum ikki væntaðu vit fóru at gera. Vit sendu bóltin hinumegin netið, uttan at spæla hann tríggjar ferðir. Vit koyrdu eisini servu­móttøkuna yvirum beinavegin, og hetta gjørdi, at vit fingu væl fleiri stig. Vit kendu eisini, at vit høvdu betri stýr á tí í øðrum setti. Hetta er tann fyrsti dysturin hjá okkum, og vit máttu eisini venja okkum við hvussu tað er at spæla her. So nú er bert at vóna, at vit gerast betur til tann næsta dystin, segði Guðrið Syderbø, aftaná dystin. Tíðliga mánamorgun skuldu Guðrið og Lena royna seg ímóti Gotlandi, og seinna­ partin mánadagin ímóti Ber­ muda, sum hevur tvey lið í kappingini. Kappingin í stranda­flogbólti fer – løgið nokk – ikki fram á einari strond, men í nøkrum, sum minnir um ein sandkassa á ítróttarøkinum. heris@sosialurin.fo beachvolley Lena og Guðrið harða byrjan Kvinnulandsliðið í strandaflogbólti fekk eina harða byrjan í tí fyrsta settinum, men tær vunnu seg sterkt aftur í øðrum setti Eydbii Myndir