týsdagur 16. juli 2013síða 31

31 Mikudagur 17. juli 2013 · Nr. 81 Sosialurin Hugskot og viðmerkingar – send sms til 225000 ítróttur Frælsur ítróttur Vildi ikki fara ov tíðliga Marnar fekk bronsu Taktikkur og tamarhald eyðkendi gullrenningina hjá Valborg Heinesen í gjárkvøldið, og tað viðgongur hon eisini: – Ja, eg hugdi nógv at klokkuni, tí tað ráddi um at fylgja ætlanini, eg hevði lagt mær, segði hon, tá hon var komin á mál fyrst av øllum Hilmar Jan Hansen Tað gjørdist tungt hjá bara 18 ára gamla Marnari Djurhuus at fylgja við teimum báðum fremstu í 10.000 metra renn­ingini hjá monnum í gjárkvøldið, men allíkavæl kýtti hann seg og gav alt, so tað eydnaðist at fáa bronsu. So sperdur var Marnar eftir renningina, at hann mátti leggja seg niður og fáa vætu, og í fyrsta umfarið varð hann borin út á børu og fekk alla neyðuga hjálp á staðnum. Men tá heiðursmerkini skuldu handast, var hann longu klárur aftur. Marnar var alla tíðina mill­um teir fremstu av teim­ um tilsamans átta rennar­ unum, og tá nakað leið út á renningina, vóru teir bara tríggir eftir. Hinir báðir fremru, Kevin Loundes frá Isle of Man og Thomas Fay av Orknoyggjum, fóru tó eitt sindur frá Marnari, sum tá bleiv liggjandi á triðja plássi­ num. Henda flotta bronsan var tó ongantíð í vanda, tí eingin av rennarunum aftanfyri, var í nánd av at hótta Marnar, sum kom á mál við tíðini 33:14.40 minuttir, sum var hálvanannan minutt frá gullinum og góðan hálvan minutt frá silvurinum. hilmarjan@sosialurin.fo Hilmar Jan Hansen Fyrstu ferð, hon yvirhøvur er til einar oyggjaleikir, eydnaðist Valborg Heinesen í gjárkvøldið at vinna gull í 10.000 metra renning – og tað enntá í stórum stíli. Hon var alla tíðina millum tær fremstu, men rann miðvíst og tilvitað, so hon ikki skuldi brúka ov nógva orku, samstundis sum hon alla tíðina skuldi vera við heilt har frammi. – Ja, eg hugdi nógv at klokkuni, tí tað ráddi um at fylgja ætlanini, eg hevði lagt mær fyri renningina í kvøld, sigur Valborg, ið eisini takkar Halluri Holm, Niels Jákupi Jakobsen, polska venjaranum – og ikki minst áskoðarunum, sum alla tíðinda róptu og stuðlaðu henni. – Eg føldi, at eg megin­ +partin av tíðini hevði yvir­ skot, og so bíðaði eg, til eg helt tað vera rættast at fara frá hinum. Eg vildi ikki fara ov tíðliga, tí her vóru nógvir sterkir rennarar og hitin var eisini har. Men eg dugdi væl við vætuni og stoytti alla tíðina á meg og syrgdi fyri at vera hydrerað allan vegin ígjøgnum. Helst favorittur Tær vóru seks, sum byrjaðu renningina, men so við og við fullu kappingarneytarnir frá, og at enda var tað bara Gail Griffiths av Isle of Man, ið megnaði at hanga í, men eisini hana setti Valborg av, so hon at enda var 12-13 sekund aftanfyri, og nummar trý, Ashley Estwanik frá Bermuda, kom á mál eini 46 sekund aftan fyri Valborg. Fríggjadagin skal hon aftur lata seg í renni­skógv­ arnar, tí tá er hálvmaraton á skránni, sum er góðar tvær ferðir so langur teinur sum tann, hon rann í gjárkvøldið. Men Valborg sær fyri sær, at hon fer at brúka umleið sama framferðarhátt: – Eg fylgi altíð væl við og royni at halda meg innan fyri eitt vist, so eg ikki brenni meg út ella haldi meg ov lágt. Klokkan verður sjálvandi brúkt, sigur hon, fyri síðani at svara spurninginum, um hon ikki er bangin fyri nú at vera favorittur í tí kappingini: – Nei, eg eri ikki bangin fyri, at hinar nú kanska halda meg vera ein favoritt. Eg veit, hvat eg kann, og hvat hinar so halda, kann gera tað sama. Eg geri tað, sum eg kann. Óskrivað blað Valborg Heinesen, sum er úr Hoyvík, er millum føroyskar rennarar eitt púra óskrivað blað – ella tað vil siga, at tað var hon... Í samrøðu við Sosialin í mai greiddi hon frá, hvussu hon altíð hevur runnið, men allíkavæl ikki dugdi at síggja seg sum ein rennara. Eftir gullið í gjárkvøldið man sjálvt hon ikki ivast í tí longur! Líka til í januar mánaði hevði hon vant einsamøll uttan nakra renniætlan, men síðani er ein av polsku lands­ liðsvenjarunum sjálvboðin farin at venja hana, og undan oyggjaleikunum á Bermuda hevði Valborg eitt greitt mál, sum var at vinna heiðurs­ merki á oyggjaleikunum. Check! Síðani á heysti í 2007 hevur hon lisið til lækna í Szczecin í Polandi, har hon fekk prógv 29. juni, og tað er í sambandi við renning har, at polski landsliðsvenjarin og hon komu í samband við hvørt annað, og síðani hevur hann hjálpt henni sera væl. At hetta hevur munað, sóu øll, sum í gjárkvøldið vóru vitni til eitt sera sannførandi gullmerki! Mansliðið í fimleiki hevur millum ár og dag vunnið nógv heiðursmerki, men í gjár eydnaðist altso fyrstu ferð nakrantíð at vinna gull í liðkappingini