týsdagur 30. juli 2013síða 23

23 Mikudagur 31. juli 2013 · Nr. 86 Sosialurin Hugskot og viðmerkingar – send sms til 225000 tøkni Tað er tú, sum tekur endaliga avgerð um tína útbúgving, men nú kanst tú fáa svar upp á spurningar um lestur her í Sosialinum. Holger Arnbjerg, sum starvast á Altjóða Skrivstovuni við Fróðskaparsetur Føroya, og Bjørg Róin, lærari á Føroya Studentaskúla í Hoydølum, vegleiða teg um tínar møguleikar innan útbúgving og um tey fíggjarligu viðurskiftini. Holger og Bjørg arbeiða dagliga við at vegleiða fólki, sum ætla sær undir útbúgving í Føroyum ella uttanlands, antin tað er styttri ella longri útbúgving, verklig ella ástøðilig. Tú kanst senda spurningar um útbúgvingar til post@sosialurin.fo, og so svara Holger og Bjørg tær her í Sosialinum. Lestrarvegleiðing er • at vera tøk/ur hjá næminginum/ studentinum til persónliga vegleiðing um skúlagongdina/ lesturin og búskaparligar, sosialar og persónligar trupulleikar • at ávísa fólki við breki til serundirvísing • at kunna um rættindi og skyldur í samband við skúlagongdina/ lesturin • at undirvísa í grundleggjandi lestrartøkni, notattøkni, innlæringarhættum og arbeiðsvanum • at kunna um reglur og møguleikar at fáa búskaparligan stuðul og eitt stað at búgva • at kunna um lestrarleið, valfak og víðari lestur Lestrarvegleiðingin kann millum annað hjálpa tær um • tú ynskir hjálp við at leggja skúlagongdina/lesturin til rættis • tú fegin vilt í starvsvenjing ella eitt skifti uttanlands • tú ikki stendur eina próvtøku ella verður sjúk/ur í samband við eina próvtøku • tú skalt í barnsburðarfarloyvi • tú umhugsar at fara í farloyvi • tú stendur í stað við einum størri skrivligum arbeiði Hvørjum hjálpir lestrar­ vegleiðarin tær so við? • kunning um allar útbúgvingar • almennari upplýsing um bygnaðin av útbúgvingum • at fáa skil á teimum reglum og mannagongdum, sum eru galdandi á tíni útbúgving • at leggja lesturin til rættis og yvirliti yvir lestrargongdina • framtíðarætlanum/starvsynskjum: Hvat vilt tú við tíni útbúgving? • at finna eina loysn í samband við eina falna próvtøku • próvtøkuangist – eg missi takið á støðuni í samband við próvtøku. Hvat skal eg gera? • einum práti, um alt ikki gongur sum tað skal ella um okkurt er, sum tú ivast í • avriksflutningi av fakum • umsóknum um ymisk undantaksloyvi Tú kanst søkja vegleiðing av persónligum áðum. Tað kennist kanska eins og tú ert við at steðga upp í útbúgvingini, tú kanst hava mist motivatiónina ella hava avriksótta. Her er relevant at nevna, at lestrarvegleiðararnir hava tagnarskyldu við undantaki av próvtøkusviki. Hvussu fer ein vegleiðarasamrøða fram? • Tú hittir lestrarvegleiðaran í einum opnum vegleiðingarrúmi • Tú kanst vænta eina samrøðu, ið tekur nakrar fáa minuttir og upp til ein tíma ella meira • Tú kanst fáa nýggj innspørk, soleiðis at tú sjálv/ur kanst arbeiða við tínum lestrarvali • Tú fært hættir og reiðsskap til at velja – men vegleiðarin velur ikki fyri teg • Tú kemur eitt stig á leiðini – tú ert altíð vælkomin aftur til vegleiðingina Hvat er lestrar- og starvsvegleiðing? Spurnarsíðan Spyr og fá svar um útbúgvingar. Allar. Allastaðni. Spurningur 1: Er eri farin at hugsa um, at eg ætli mær undir eina víðari útbúgving nú. Er møguligt at sleppa inn á eina útbúgving aftaná summarfrítíðina í ár? ”Seinur” Svar til ”Seinur” Ja, flestu útbúgvingarnar í Norðurlondum og UK, sum vit hava kunnleika til, geva ungfólki møguleika at søkja at sleppa inn til leysu plássini, um tað framvegis eru nøkur leys, tá uppgerðin yvir tey, sum hava søkt inn ”rættstundis”, er úti nu umleið 1. august. Síðani ber til at søkja leysu plássini, sum eru eftir, áðrenn lesturin byrjar. Hesi kan finnast t.d. á hesum støðum: Í Føroyum: www.setur.fo Í Danmark: www.kot.dk - ella á heimasíðuni hjá teimum ymsu universitetunum. Í Noreg: www.samaodnaopptak.no Í Svøríki: www.antagning.se Í UK: www.ucas.com/clearing Spurningur 2: Eg eri júst sloppin inn á eina útbúgving uttanlands. Hvar kann eg fáa hjálp til tað praktiska? ”Upptikin” Svar til “Upptikin” Á hvørjum ári fara hundraðtals føroyskar pisur undir víðari lestur, bæði í Føroyum og uttanlands. MFS, ASK og Eik skipa aftur í ár fyri væl umtóktu Pisudøgunum. Tiltakið er ætlað tær, ið fer undir víðari lestur uttanlands, og endamálið er at geva tær høvi at seta spurningar, fáa góð ráð og tosa við onnur, ið eru í somu støðu sum tú, soleiðis, at tú kemur so væl frá byrjan sum gjørligt. Eisini vera umboð fyri føroysku Ráðgevingina í Danmark og Leinkjan.fo við í ár. Hetta er ein sera spennandi tíð, ið krevur nógva fyrireiking, og sum eisini hevur nógvar spurningar við sær. Tí skipa EIK, MFS (Meginfelag Føroyskra Studenta) og ASK (Altjóða Skrivstovan) fyri Pisudøgum á hvørjum ári. Skráin er hendan: Hóskvøldið 1. august kl. 19.30 á deildini hjá Eik í Saltangará Fríggjakvøldið 2. august kl. 18.30 á Miðnámsskúlanum í Suðuroy Mánakvøldið 5. august kl. 19.30 á Ungdómsdeildini hjá Eik í miðbýnum í Havn. Les meira: www.18-25.fo V.h. Bjørg og Holger Spurningar