týsdagur 4. mai 2004síða 9

16 Nr. 84 - 4. mai 2004 Gav seg yvir Maðurin, sum serbisku myndugleikarnir leingi hava lagt undir at hava skipað fyri morðinum á Zoran Djindjic, forsætis- ráðharra í mars í fjør, hevur nú givið seg yvir til løgregluna. Milorad Lukovic, ið er kendur undir navninum Legija, var drukkin, tá hann sunnudagin kom á eina løgreglustøð í Beo- grad. Løgreglan heldur, at hann skipaði fyri morðinum á Djindjic. Tveir aðrir menn sita fongslaðir fyri morðið, og annar teirra, Zvezdan Jovanovic, hevur undir avhoyringum viðgingið, at tað var hann, sum skjeyt forsætisráðharran uttan fyri tinghúsið í Beograd. Í meiri enn eitt ár hev- ur serbiska løgreglan leitað eftir tí 38 ára gamla Milorad Lukovic. Hann var fyrr leiðari hjá einari serdeild hjá serb- isku løgregluni og hevur verið roknaður sum ein av stuðlunum hjá fyrr- verandi forsetanum Slo- bodan Milosevic. Mæla til heilagt kríggj Á einari heimasíðu mæla víðgongdir muslimar í Svøríki sínum trúarfeløg- um til at fara í heilagt kríggj - ikki bara ímóti USA og Bretlandi, men eisini ímóti tí svenska samfelagnum, sum sagt verður í áheitanini. Men tað eru serliga teir hóvligu muslimarnir í Svøríki, sum standa fyri skotum. Á heimasíðuni verður mælt muslimum til at gera seg inn á teir muslimarnar, sum svíkja ta muslimsku trúnna, og sum eru ímóti heilagum kríggi. Eisini verður sagt, at muslimar eiga ikki at hava kristnar og jødiskar vinir. – Tað er skyldan hjá øllum rætttrúgvandi muslimum at fara í hei- lagt kríggj, og vit biðja Allah hjálpa teimum, sum eru vilst av leið. Tað er Allah, sum hevur givið okkum boð um at fara í heilagt kríggj, og tann, sum ikki fylgir boðun- um, svíkir hann. Tey, sum ikki góðtaka ta sonnu trúnna, skulu sektast, verður millum annað sagt í áheitanini á svensku heimasíðuni. Næstformaðurin í mus- limska trúarsamfelag- num í Svøríki, Mahmoud al-Deiba, sigur við TT, at hann fer at boða trygdar- løgregluni frá, fær hann at vita, hvør hevur skriv- að áheitanina. Indiánar gera uppreistur Tann 7. apríl lupu einir hundrað krígsmálaðir indiánar á einar 200 gull- gravarar har norðuri í Brasil. Tá avtornaði, lógu 29 gullgravarar eftirá, skriva brasilsku fjølmiðl- arnir. Løgreglan hevur nú tikið tveir av høvding- unum hjá indiánunum, og teir eru nú skuldsettir fyri at hava havt ábyrgd- ina av drápunum. Men málið er fløkt og kann koma myndugleikunum illa við, tí undir avhoyr- ingunum hevur annar høvdingurin upplýst, at indiánararnir høvdu keypt álopsvápnini frá løgregluovastanum í landspartinum. Tað hevur sambært fjølmiðlunum havt við sær, at fleiri løg- reglumenn eru tiknir og skuldsettir fyri ólógligan vápnahandil. 300.000 indiánar búgva í Brasil, og saman- bresturin við gullgravar- arnar har norðuri í land- inum er tann álvarssam- asti í mong ár. Indiánara- høvdingarnir hava sagt, at teir fara at verja seg og síni øki ímóti gullgravar- um og øðrum, sum ræna teirra ríkidømi. Flogskiparin sovnaði Japanska flogfelagið ANA viðgekk um viku- skiftið, at flogskiparin á einum av flogførunum hjá felagnum sovnaði ikki minni enn tvær ferð- ir á einari ferð í síðsta mánað. Flogfarið var av slag- num Boeing 767-300 og hevði 184 ferðafólk. Tá tað var komið í 12.000 metra hædd, linkaði flog- skiparin, og sambært fe- lagnum svav hann einar tveir ella tríggjar minutt- ir. Tann 50 ára gamli flogskiparin varð alt fyri eitt frítikin fyri at flúgva, og hann er nú til ymsar kanningar fyri at vita, um hann skal sleppa aftur til arbeiðis. At hann bleiv avdúkaður komst av, at júst á hesari ferðini var ein eftirlitsmaður hjá loftferðslumyndugleikun um komin umborð at kanna, at alt var í lagi. Í februar í fjør sovnaði førarin á einum japonsk- um snartoki. Tokið koyrdi við 320 kiilometra ferð, og aftaná bleiv stað- fest, at tað hevði koyrt 26 kilometrar, meðan tok- førarin hevði sovið. 800 fólk vóru í tokinum. UTTAN ÚR HEIMI Fólk í túsundatali eru myrd, og onnur í hundraðtúsundatali eru rikin frá húsi og heimi í sudanska landspartinum Darf- ur. Men altjóða sam- felagið letur eyguni aftur FÓLKAMORÐ Árni Joensen fartekst@mail.dk – Hetta er tann ringasta vanlukkan av sínum slagi í heiminum júst nú. Tað, sum hendir her, er etnisk út- reinskan eins og tað, sum vit sóu í Rwanda fyri tíggju árum síðani. Tá segði al- tjóða samfelagið, at slíkt mátti ongantíð henda aftur. Soleiðis segði ST-um- boðsmaðurin í Sudan, Mukesh Kapila, fyri einum góðum mánað síðani, men enn hevur heimasamfelagið einki gjørt fyri at steðga áganginum í Darfur. Norski tíðindamaðurin Espen Rasmussen, sum júst hevur vitjað landspartin, skrivar í blaðnum VG, at sambært hjálparfelags- skapum eru 750.000 fólk rikin frá húsi og heimi, og 140.000 teirra eru flýdd til grannalandið Tjad. Søgur- nar eru ræðuligar, sigur hann. – Menn úr Jinjaweed- herinum komu til bygd okkara. Teir drupu brøður mínar og ein skyldmann og neyðtóku kvinnurnar. Síð- ani drupu teir børnini og settu eld á øll húsini, greið- ir tann 73 ára gamli Arbab Adam Abdullah frá. Eftir at hava fjakkað í fimm sam- døgur eydnaðist tað honum at sleppa til eina flótta- fólkalegu í Tjad. Og hann hevur ongar vónir um framtíðina. – Vit fóru frá øllum, sum vit áttu, og her hava vit einki. Eg havi onga framtíð her, og eg veit ikki, hvat fer at henda børnum okkara. Hvussu skal eg fáa teimum mat, og hvussu skal eg hjálpa teimum at sleppa í skúla, spyr hann. Í flóttafólkaleguni, sum Espen rasmussen vitjaði, búgva 7.000 fólk í tjøldum. Hjálparfelagsskapurin Læknar uttan landamark roynir at hjálpa teimum, men kortini er stórur tørvur á ymsum vørum. Heldur ikki í leguni kenna tey seg trygg, tí tað hendir meiri enn so, at hermenn hjá Jinjaweed koma um markið at drepa og stjala. – Okkum tørvar mat. Vit hava einki. Vit svølta, sigur ein av flóttamonnunum við norska tíðindamannin. Ariel Sharon tapti atkvøðugreiðsluna um afturtøku úr Gaza-geiranum, men ætlanin verður fullførd kortini ÍSRAEL Árni Joensen fartekst@mail.dk Floksfelagarnir hjá ísra- elska forsætisráðharranum, Ariel Sharon, tóku ikki undir við ætlan hansara um at taka ísraelska herin úr Gaza-geiranum og at flyta tey jødisku niðursetufólkini haðani. Politiskir eygleiðarar í Jerusalem eru á einum máli um, at úrslitið av atkvøðu- greiðsluni í Likud-flokkin- um var ein lemjandi ósigur fyri Sharon, men fyribils er einki, sum bendir á, at úr- slitið fær nakrar beinleiðis avleiðingar. Á høgravong- inum eru tey sera væl nøgd við úrslitið, meðan vinstra- vongurin við Shimon Peres á odda hevur kravt nýval. Men Ariel Sharon fer ikki frá. Hann vísir á, at atkvøðugreiðslan í Likud- flokkinum var ikki bind- andi fyri stjórnina, og at hann hevur gjørt av at halda fram við afturtøkuætlanini. Ætlanin hjá Sharon ber eisini í sær, at fýra jødiskar niðursetubygdir á Vsetara Áarbakka skulu niðurleggj- ast, og tað hevur elvt til sera hvøss mótmæli frá niðursetufólkunum. Iva- leyst ávirkaði tað eisini valið, at tveir palestinar skutu eina niðursetukvinnu og hennara fýra døtur sunnudagin. Tveir pale- stinskir bólkar átóku sær ábyrgdina av tilburðinum, sum teir søgdu vera hevnd fyri, at Ísrael hevur beint fyri tveimum leiðarum í Hamas. Tað gloymda fólkamorðið Sharon tapti men heldur fram Ein ísraelsk kvinna og hennara fýra døtur doyðu í einum palestinskum álopi sunnudagin Mynd: Reuters Føroyski liðskiparin, sum eisini varð kosin besti strikuspælarin í kappingini, var iva- leys í, at talan hevur verið um eina framúr læruríka ferð í Italia. Eina ferð, sum sam- stundis hevur verið ein risa-uppliving CHALLENGE-TROPHY Jákup Mørk jakup@sosialurin.fo Mezzocorona, Italia: Á seinastu venjingini undan Challenge-Trophy kapp- ingini í Italia høvdu vit eitt stutt prát við Gunnleyg Berg, sum var føroyskur liðskipari á ferðini. Millum annað segði hon ta ferðina, at hon helt tað avgjørt vera neyðugt við slíkum avbjóðingum til eitt føroyskt kvinnulandslið, men samstundis legði hon dent á, at hon einki visti um støðið í kappingini, og at hon tí ikki kundi siga so øgiliga nógv um, hvat var í væntu. Akkurát tað Men nú fimm dagar seinni, er einki at ivast í, at talan var um hondbólt á einum støði, ið var sum skapt til føroyska liðið. Liðið fekk ikki færri enn fimm harðar dystir, har endaliga úrtøkan gjørdist silvur, og nógv meira enn tað, ber væl illa til at krevja. Ikki minst tá tær í finaluni hittu eitt italskt lið, sum í roynd og veru var alt ov sterkt til at taka lut í kappingini. – Hetta var akkurát nak- að, sum hóskaði væl til okkum. Sjálvt um tað bara var eitt lið, sum var betri enn vit, so høvdu vit alla tíðina harða mótstøðu, so- leiðis at fingu eina rúgvu burturúr hvørjum einasta dysti. Nógv betri enn t.d. ein HM-dystur móti Svø- ríki, har vit í besta føri kunnu hugsa um at av- marka tapið. – Og samstundis hevur hetta verið ein risa-upp- living fyri okkum. Vit vistu jú einki sum helst um nak- að av londunum, tá vit komu, og so at uppliva dystirnar og koma at práta við hini liðini, var veruliga stuttligt. Trúgvin eftir fyrsta dystin Hóast tað illa bar til at gita nakað um føroysku møgu- leikarnar undan kappingini, so mundi fyrsti dysturin móti Belgia tó geva eina ábending um, hvat var í væntu. Ikki minst tí Belgia fyri tveimum árum síðani endaði á øðrum plássi í kappingini. Talan gjørdist tó um ein tryggan sigur í tí dystinum, og eftir hetta sigur Gunn- leyg, at tær av álvara fóru at trúgva uppá eitt gott úrslit. – Tá vistu vit í øllum før- um, at vit væl kundu vera við, og so var tað bara at koyra á alla tíðina, heldur hon, og roynir samstundis at sníkja seg uttanum spurningin, sum varð sett- ur, um hvussu tað kendist at vera kosin besti striku- spælarin í kappingini. Tilvildin spælir við Gunnleyg hevur hesi seinnu árini leikt hondbólt í Danmark, og tað er einki at ivast í, at hon her hevur gjørt stór framstig. Spurd, um ein slík upp- living sum hendan kann eggja henni til at gera enn meira við hondbóltin, er hon tó eitt sindur ivandi. – Bæði og. Eg ætli mær so í øllum førum at halda fram á tí støðnum, har eg nú spæli. Men spurningurin er, um eg eri før fyri at gera meira. Við venjing fimm ferðir um vikuna er í øllum førum sera trupult at seta meira tíð av til hondbóltin, tí skúlin má jú eisini priori- terast. - Hinvegin skal man ong- antíð siga ongantíð. Kemur onkur óvæntaður møgu- leiki um at gera meira við hondbóltin, so kann væl vera, at eg taki av, men tað er ikki til at siga, um slíkir møguleikar koma. T.d. fekk eg mest sum av tilvild ein einastandandi møguleika fyri nøkrum árum síðani, tá eg spældi eitt ár í Íslandi, so hvør veit, sigur hon at enda. Nr. 84 • týsdagur • 4. mai 2004 • 78. árgangur • www.sosialurin.fo Ein livandi legenda Ofta verður havt á munni, at italskir frá- søgumenn eru nakað heilt fyri seg. Tí skuldi tú ikki hildið, at ein norðbúgvi soleiðis uttan víðari kundi læra teir nakað í so máta, men tað var tó júst tað, sum Hilmar Jan Han- sen gjørdi á ferðini. Eftir hálvfinalusig- urin á Finnlandi fóru tey enntá at tosa um, at skuldi hasin maðurin framhaldandi verða í høllini, so máttu tey byggja eitt glasbúður til hann, soleiðis at hann ikki órógvaði aðrar áskoðarar í høll- ini. Og heima í Føroyum lótu tey, sum tað skilt- ist, eisini væl at. Onk- ur kallaði hann enntá fyri mest partíska frá- søgumannin nakrantíð, men so leingi tað er í okkara parti, man tað fara at vera í lagi. -jm Italienarar eru vanir við eitt sindur av hvørj- um, men ein somikið ídnan frásøgumann høvdu tey ongan tíð í lívinum sæð Betri enn HM Hetta er nógv betri enn t.d. ein HM-dystur móti Svøríki, har vit í besta føri kunnu hugsa um at avmarka tapið, helt Gunnleyg Berg, tá silvurmerkin í Challenge-Trophy kappingini vóru veruleiki C M Y K 17 16