týsdagur 4. mai 2004síða 10

18 Nr. 84 - 4. mai 2004 Nr. 84 - 4. mai 2004 19 Føroyska kvinnu- landsliðið tapti finaludystin móti Italia, men samanlagt var talan um ein stóran sigur. Bæði fyri kvinnurnar á liðnum, og fyri før- oyskan kvinnu- hondbólt yvirhøvur CHALLENGE-TROPHY Jákup Mørk jakup@sosialurin.fo Mezzocorona, Italia: Lat tað bara verða sagt alt fyri eitt. Italia varð ein ov stórur gloypibiti hjá okkara hond- bóltskvinnum, sum sunnu- dagin leiktu finaluna í Challenge-Trophy kapp- ingini. Ferðin á mun Fyrstu lítlu løtuna sá annars út til, at tað enn einaferð skuldi gerast fantastiska stuttligt at vera føroyingur. Annika Ljósstein tóktist í øllum førum ætla at geva italska liðnum ein skelk, og tá seks minuttir vóru leikti, stóð 2-1 til okkara á mál- talvuni. Men so var sum so eisini liðugt. Italska liðið leyp upp á 7-2, áðrenn okkara fingu gjørt nakað, og eftir hetta gjørdist talan ongan- tíð um ein spennandi dyst. At føroyska liðið so mátti Italia-Føroyar 30-22 (16-10): Tað eru vit, sum takka Kvinnurnar takkaðu fyri seg eftir tapið fyri Italia, men í veruleikanum eru tað vit, sum takka. Takk fyri! vera skaddu Joan M. Djordjevic fyri uttan, og at Katrin á Neystabø alla tíðina var sjónliga darvað av sínum skaða, merkti eisini, at álopsvápnini hjá okkara fækkaðust í tali. Og so var munurin á lið- num nokk eisini ov stórur. Ikki minst í leikferðini, har italsku vertirnir megnaðu at halda eitt tempo, sum lág fleiri stig omanfyri tað, sum hini liðini hava víst, og eisini høvdu at kalla allar eitt framúr fótskifti, sum hevði við sær, at føroyska verjan ofta varð fangað upp á millumhond. Tað skal tó liggja okkara til stórt rós, at tær ikki í somikið sum hálvt sekund góvu skarvin yvir. Tað mundu orsøkirnar annar vera góðar til, tá Italia fyrstu løtuna eftir steðgin øktu til 19-10, men heldur ikki hetta fekk tær at gev- ast. Tær hildu áhaldandi fram at stríðast, og tá sein- asta bríksli hevði ljóðað, var hetta eisini nakað, sum tær fingu at merkja frá áskoðarunum. Tí tað kundi væl vera, at Italia nú hevði vunnið kappingina framman fyri heimaáskoðarunum, men tað var føroyska liðið, sum fekk størstu klappini, tá tær alt fyri eitt komu út at takka fáu tandrunum av føroying- unum, sum vóru á skiftis- beinkinum. Dramatikkur Hóast spenningurin soleið- is ikki var tann heilt stóri í finaludystinum, so var talan um ein dyst við nøkr- um sera dramatiskum inn- sløgum. Annika Ljósstein mundi helst vera tann føroyski leikarin, sum hevði staðið seg best í dystinum, men fyri hennara viðkomandi fekk dysturin ein bráðan enda. Í eini gjøgnumbrots- roynd varð hon harðliga tikin, og úrslitið gjørdist ein brotin nøs. Tað sá ikki tespiligt út, soleiðis sum blóðið fossaði av henni, og helst gjørdist hetta ov nógv fyri ein av áskoðarunum í høllini. Bussførarin hjá Luksem- burg small brádliga í gólvið av áskoðaraplássunum, so hjálparfólk við børu máttu koma inn eftir honum, og eisini varð ein onnur kona styðja úr høllini. Annika Ljósstein varð eftir dystin koyrd á sjúkra- hús í Mezzocorona, men seinni um kvøldið var hon tó kortini komin somikið fyri seg, at hon kundi fáa sær ein bita saman við øll- um hinum hondbóltshøllini á galladøgurðanum, sum fyriskipararnir høvdu lagt í eitt velduga stórt víntappa- rí. Og sum eina eyka troyst, so fekk hon tá eisini eina serstaku medalju, sum varð latin teirra, sum fullu í stríðnum. Sigur hóast alt Og fram um alt, so má sigast, at hóast finalutapið, so var talan um ein veldug- an sigur fyri føroysku kvinnurnar. Fyrst og fremst, so sýndu tær hinum tjóðunum, at vit so væl og virðiliga kunnu spæla hondbólt heima í Føroyum. Sæð burtur frá Italia, so mundi føroyska spælið vera tað vakrasta á at líta, og tó at teknisk mis- tøk eisini vórðu framd, so megnaðu okkara sera væl tekniska partin av spælin- um. At liðið so eisini hevur nakrar einstaklingar av teimum stóru, er einki at ivast í. Eitt nú kundi Katrin á Neystabø helst verið ovarligari enn sítt sætta pláss á máltindinum, um hon hevði tikið lut í øllum fimm dystunum, men hin- vegin skal pausan, sum hon fekk fríggjadagin, vera henni væl unt. Og hini londini máttu eisini yvirgeva seg til lítlu Føroyar. Fleiri høvdu á munni, hvussu fantastiskt tað var, at vit við 45.000 sálum í landinum kundu hava eitt somikið gott lið, og longu undan heimferðini fekk HSF í øllum førum tvær innbjóðingar um at koma at taka lut í kapp- ingum av ymsum slag. Enn er so ikki avgjørt, hvørt tikið verður av hes- um, og fyrst og fremst er tað helst ein fíggjarligur spurningur. Men nú er møguleikin komin, og hann hevði ongantíð verið til staðar, var tað ikki fyri lut- tøkuna í Challenge-Trophy og tey framúr avrik, sum okkara hondbóltskvinnur framdu har. Finalan í tølum Italia-Føroyar 30-22 (16-10) Føroyskir málskjúttar: Simona Hansen 5(1), Gunnleyg Berg 5(2), Annika Ljósstein 5, Katrin á Neystabø 3, Nikolina Eyðbjørnsdóttir 2, Gurið Mortensen 1, Una Olsen 1 Føroysk brotskøst: Gunnleyg Berg 3/2, Simona Hansen 1/1, Katrin á Neystabø 1/ Italiensk brotskøst: 9/5 Føroyskar útvísingar: Gunnleyg Berg 2, Anna Kristina Samson 1, Una Olsen 1, Annika Ljósstein 1, Katrin á Neystabø 1 Ísraelskar útvísingar: 4 Hóast bæði vatt og ísur máttu á nøsina, so vildi Annika upp eftir medaljuni, áðrenn hon fór á sjúkrahúsið Og so er tíð at hyggja at, hvussu steypið sær út. Simona, Anna Maria, Lív og Nikolina síggja tó ikki út til at vera heilt samdar í skoðsmálinum C M Y K 19 18 Televarpið tel 340340 televarp@televarp.fo team85 Einastandandi mai-tilboð frá Televarpinum! Televarpið vísir: Champions League SAS-liguna FA-Cup Seriu A Premier League Bundesliguna Primera División *Tilboðið er treytað av 12 mðr. Televarpshaldi Frá 1. - 31. mai Televarpsmóttakari vanl. prísur 1.695,- spar 700,- 995,-* fyri einans SAS LIGAN CHAMP. LEAGUE BLUFF - hvørt týskvøld á TV3 Einastandandi mai-tilboð frá Televarpinum! Veitst tú at: · tilboðið gevur tær Televarp í mai 2004 · tú fært kortleiguna · tú fært digitalt signal, sum gevur tær · við Televarpinum er tað at stovna og broyta hald ókeypis bíligastu bestu góðskuna lætt 28 fjølbroyttar rásir til alla familjuna m.a. TV3, 3+ og Viasat Sport Hygg inn og fá eitt rás- og prísyvirlit við heim