týsdagur 4. mai 2004síða 14

Nr. 84 - 4. mai 2004 27 27 26 Nr. 84 - 4. mai 2004 Uppflytararnir úr Fuglafirði vunnu sunnudagin 4-2 á oyggjarfeløgunum úr Runavík. Avgerðin fall stutt fyri hálvleik, tá ið stóri spælarin í dystinum, Magni á Lakjuni, legði ÍF á odda 2-1 við brots- sparki, stutt eftir at runavíkingar mis- nýttu eitt brotsspark 1. DEILD Terji Nielsen terji@sosialurin.fo Teir mongu áskoðararnir, ið høvdu leitað sær til dyst í Fuglafirði millum ÍF og NSÍ sunnudagin fingu valuta fyri pengarnar. Dyst- urin var undirhaldandi og málríkur, og serliga fugl- firðingar borðreiddu til tíð- ir við stak góðum og skjót- um fótbóltsspæli. Avgerandi løtan Fuglfirðingar komu á odda tíðliga í dystinum, tá ið runavíkingar gjørdu sjálv- mál. Jens Martin gleið, tá ið hann skuldi taka ímóti eini afturlegging, og bólt- urin trillaði í tóma málið. Nakað eftir hetta eydnaðist tað gestunum úr Runavík at javna, tá ið Helgi L. Peter- sen stútaði eitt innlegg undir Karstin Joensen í málinum hjá ÍF til 1-1. Hetta málið noyðist Karstin helst at taka á sínar herðar. Tá ið okkurt um ein hálv- ur tími var farin av dystin- um, kom avgerðandi løtan. Fyrst fóru runavíkingar í álop, og Jónstein Petersen smeyg sær inn í brotsteigin hjá ÍF, har hann bleiv feldur, og dómarin ivaðist ikki, men dømdi brots- spark. Sjúrður Jacobsen var settur at skjóta, men Karstin hevði lúrt hann av og bjargaði væl. Bert fáar minuttir seinni var vandi á ferð í hinum endanum av vøllinum. Bartal Eliasen, ið nú er blivin álopsleikari, var um at gerast leysur í brotsteiginum hjá NSÍ, men har var hann forðaður ólóg- liga av Óla Hansen, og so vóru tað fuglfirðingar, ið fingu brotsspark. Besti maður á vøllinum, Magni á Lakjuni, skoraði hegnis- liga, og heimaliðið var á odda 2-1. Magni var fram- úrskarandi sunnudagin, og hvørja ferð hann hevði bóltin, var vandi á ferð. Við sínum frálíka teknikki hevur hann lætt við at snýta mótstøðumenninar, og tí- skil hevði NSÍ ofta tveir verjuleikarar á honum, og tað gav sjálvsagt størri rásarúm hjá viðleikum hansara. Fuglfirðingar við yvirlutan eftir steðgin Hóast tað Ian Højgaard javnaði fyri NSÍ stutt eftir steðgin við einum frálíkum langskoti, ið tók í stongina heilt uppi við samankom- ingina, so tóktist tað sum um, at tey bæði brotsspørk- ini í fyrra hálvleiki gav ÍF avgerðandi yvirvágina á vøllinum. Í fyrra hálvleiki hevði spælið verið rættuliga javnt, men eftir steðgin var ÍF greitt tað betra liðið. Gamaní høvdu runavíking- ar bóltin eins nógv og vert- irnir, men tað gekk ógvu- liga striltið hjá teimum at skapa nakað fram eftir vøll- inum. Fuglfirðingar vóru hinvegin rættuliga vanda- miklir framman fyri málin- um hjá Jens Martin Knud- sen, og tað gav eisini úrslit. Um miðjan seinna hálv- leik fekk ÍF fríspark úti í øðrum borðinum. Verjan hjá NSÍ brúkti nógva orku upp á at ansa eftir Bartali, og tað gav rúmd fyri øðrum leikarum hjá ÍF, og ein teirra, Rúni Elttør, kastaði seg fram við nærmastu stong og møtti frísparkin- um við einum flúgvandi headara, sum streyk í mál- ið, og so var ÍF á odda 3-2. Eina løtu seinni øktu fugl- firðingar um leiðsluna við einum væl gjøgnum spæld- um álopi. Hanus Eliasen spældi Bartal Eliasen leysan í vinstra borði, og Bartal gjørdi skjótt av og spældi beinan vegin inn fyri til Eyðolv Petersen, ið kom tuskandi, og hann beindi bóltin í netið, og so var dysturin avgjørdur. Hetta seinasta málið var sera skjótt og væl spælt, og spælararnir hjá ÍF rørdu bóltin bert eina ferð, áðrenn hann bleiv spældur víðari, og tað gjørdi, at verjan hjá NSÍ ongantíð kom upp á pláss, áðrenn bólturin lá í málinum. Seinastu løtuna av dyst- inum var spælið heldur til- vildarligt, men tað var nærri 5-2 til ÍF, enn tað var, at NSÍ fekk pyntað um úrslitið. ÍF-NSÍ 4-2 (2-1) 1-0 Sjálvmál 1-1 Helgi L. Petersen 2-1 Magni á Lakjuni brts. 2-2 Ian Højgaard 3-2 Rúni Elttør 4-2 Eyðolvur Petersen Hvalbingar gjørdu bart, tá ið teir leygardagin fingu vitjan av leirvíkingum. Uppflytararnir úr Royn vundu burtur úr LÍF, sum ongantíð fingu fótin fyri seg í dystinum. Tað gekk ikki long tíð, áðrenn stóri spælarin í dystinum, Gisli Sveinbjørnson, legði heimaliðið á odda 1-0, og sami maður økti seinni í fyrra hálvleiki til 2-0. Áðrenn leirvíkingar fingu høvi til at koma í skifting- arrúmið í hálvleikssteðgin at tosa um, hvussu teir skuldu steðga hvalbingum, eydnaðist tað Royn at punktera LÍF, tá ið Sasha økti um leiðsluna til 3-0 til Royn, sum eisini var hálv- leiksstøðan. Spenningurin var nú full- komiliga farin úr dystinum, men hetta merkti tó ikki, at vertirnir tóku sær av løtt- um, tí teir hildu fram við sínum ágangandi spæli, og Gisli Sveinbjørnson økti til 4-0 við sínum triðja máli í dystinum. Sasha smæddist heldur ikki burtur, og hann skoraði til 5-0, áðrenn Rúni Thomsen setti punktum, tá ið hann skoraði til endaligu støðuna 6-0 til Royn. Við sigrinum hevur Royn nú tryggjað sær síni fyrstu stig í landskappingini, meðan LÍF enn einki stig hevur. tn Royn-LÍF 6-0 (3-0) 1-0 Gisli Sveinbjørnson 2-0 Gisli Sveinbjørnson 3-0 Sasha 4-0 Gisli Sveinbjørnson 5-0 Sasha 6-0 Rúni Thomsen Hanus Eliasen, ÍF: – Vit vóru vanda- miklari Ungi og evnaríki mið- vallaleikarin hjá ÍF, Hanus Eliasen, helt eftir dystin, at tað var fult uppiborið, at ÍF vann á NSÍ. Hanus helt dystin verða javnan, men at ÍF hevði verið nógv tað vandamiklara liðið. Eisini helt Han- us, at brenda brots- sparkið hjá NSÍ lyfti heimaliðið, meðan søgan kanska hevði verið ein heilt onnur, um NSÍ hevði skorað. Hanus Eliasen var væl nøgdur við avrikið hjá fuglfirðingum sunnudagin, og hann helt, at allir mans hjá ÍF kempaðu væl og høvdu trúnna upp á, at teir fóru at vinna dyst- in. Hanus segði eftir dystin, at hann helt álopsspælið hjá ÍF koyra sera væl í dyst- inum, og tað tóktist sum um runavíkingar ongantíð av álvara fingu spælið hjá sær at hanga saman. tn Jónstein Petersen, NSÍ: - Vit fáa ikki glið á spælið Tað var ein ógvuliga vónbrotin Jónstein Petersen, ið vit fingu orðið á eftir dystin móti fuglfirðingum. Jónstein var als ikki nøgdur við avrikið hjá NSÍ, og hann segði, at NSÍ als ikki fær glið á spælið hjá sær. Vit hava alt ov nógvar feil- avleveringar, segði Jónstein og legði aft- urat, at tað ongantíð eydnaðist hjá teimum at koma upp í gear. Hetta sást eisini aftur, helt Jónstein, tí NSÍ hevði alt ov trupult við at skapa nakrar mál- møguleikar. Jónstein Petersen heldur, at um NSÍ skal hava nakran møgu- leika at gera nakað við GÍ, nú liðini hittast í fjórðingsfinaluni í kappingini um Løg- manssteypið komandi vikuskifti, so noyðist NSÍ at sýna størri stríðsvilja og fáa glið á spælið hjá sær. tn ÍF-NSÍ 4-2 (2-1) Brotsspørk vóru avgerandi Royn-LÍF 6-0 (3-0) Stórsigur til uppflytararnar Verjuleikarin hjá ÍF, Rúni Elttør, skoraði annað vikuskiftið á rað savnsmynd C M Y K 26 Á nýggja undirlag- num á Svangaskarði brúktu teir fyrra um- farið at skjóta tvey mál, og so bíðaðu teir eftir heimaliðnum, sum vildi men ikki megnaði at koma afturíaftur B68–GÍ Jóannes Hansen GÍ er á aldukambinum. Eft- ir fult stigatal í steypakapp- ingini hava teir í lands- kappingini hildið fram við somu ferð. Tveir dystir og tveir sigrar og teir eru einsamallir á odda. Hjá B68 liggur illa fyri. Teir eru foknir úr steypa- kappingini, og í landskapp- ingini eru teir eftir tvey tey fyrstu umførini sørir – einki stig og einki mál. Tí var einki at siga til, at tað var munur á, eftir at hornorkestrið hevði blást og borgarstjórin hevði hild- ið røðu. Gøtumenn eru væl skip- aðir. Málverjin er tryggur. Í miðverjuni hevur Poul Enn- garð fingið nýggjan makk- ara. Hann og Atli Greger- sen tykjast longu vera væl samanspældir, vongverjar- nir gera sítt, og á miðvølli- num kenna allir sín setning. Eftir fimm minuttir var neyðugt at skifta út, tí Han- us Jacobsen hevði beklað. Beiggi hansara, Poul Henn- ing Jacobsen, flutti aftur á vongverjan, og Símun Louis Jacobsen varð settur inn á miðvøllin. Tað gekk upp á stás og seks minuttir eftir útskiftingina hevði GÍ lagt seg framum. Hjá B68 er tað tungt. Tá ið man á heimavølli ikki hevur fleiri enn ein spælara heilt har frammi, so ber tað sjálvandi boð um, at tað fyrst og fremst um at binda fyri í verjupartinum. Eftir at GÍ stutt undan hvíldini hevði økt um leiðsluna, vóru fyritreytirnar heilt broyttar fyri seinna umfari- num. Tá royndi B68 at flyta spælið fram og trýsta, men teir vóru ikki nøkur serlig hóttan fyri oddaliðið. Undan steðginum rakti Mikkjal Thomassen ikki nóg væl eftir innlegg, og Øssur Jacobsen megnaði ikki við høvdinum at stýra nóg væl eftir eitt annað inn- legg. Í 2. hálvleiki sendi Øssur Hansen fríspark á træverkið, og Mortan Han- sen, sum síðsta korterið loysti Súna Fríða av, hevði gott skot, sum Hallur Han- sen bjargaði væl. Málini GÍ gjørdi ikki mistøk, og teir dugdu væl at sekta mis- tøkini hjá mótstøðumonn- unum. Popczynski reikaði nógv og var ofta afturi á miðvøllinum, har hann var við sínum góða bóltførleika og vísa eyga fyri spælinum var við til at seta ferð á. Vit- us Kofoed er stórur og sterkur, og hann tykist megna væl at halda upp á bóltin, meðan tað verður bíðað eftir, at viðspælarar- nir skulu koma fram. Hans Pauli Petersen bjóðaði seg til í høgra borði, og Mag- nus Skoralíð tykist tora alt meiri í vinstru. B68 verjan gjørdi fleiri fríspørk. Tað var eftir eitt fríspark, sum teir kendu seg noyddar at gera eftir bólttap aftarlaga, at GÍ fekk hol á. Úr høgru sendi Magnus Skoralíð til handara stólp- an, har Vitus Kofoed í fimm metra fjarstøðu var púra blankur, tá ið hann í bleytum boga stútaði upp um B68 málverjan. Tveir minuttir undan steðginum var aftur heilt galið hjá heimaliðnum. Teir mistu í uppspælinum, verj- an var komin fram á vøllin, og tá ið Súni Olsen hevði stungið bóltin fram ímill- um, hevði Símun Louis Jacobsen nógv pláss og góða tíð at seta framvið B68 málverjanum. Eftir steðgin var GÍ meiri varðið. Teir bíðaðu, meðan B68 royndi, uttan at teir gjøgdust heilt vandamiklir. Fleiri ferðir var GÍ um reppið at fáa mál, eitt nú tá ið Atli Gregersen eftir horna og úr góðari støðu smekkaði upp um málið. Tað kundu teir gulu og bláu væl liva við. GÍ er á aldukambinum, og tað er hugaligt hjá teim- um – bæði í landskapping- ini og steypakappingini. Á Toftum kennist tað í løtuni ikki so hugaligt. Teir eru leysir av steypakappingini, og teir bíða framvegis eftir fyrsta stiginum og fyrsta málinum. B68–GÍ 0–2 (0–2) 0–1: Vitus Kofoed 11. 0–2: Símun Louis Jacobsen 43. Dómari: Lassin Isaksen B68: Albert Sævarsson – Oleif Joensen, Herbert í Lon Jacobsen, Kári Sig- vardsen, Jákup Eli Olsen – Jóhan Petur Poulsen, Mikkjal Thomassen (Eyð- stein Skipanes, 65.), Bogi Petersen, Øssur Hansen, Øssur Jacobsen (Kristian Anton Andreasen, 65.) – Súni Fríði Barbá (Mortan Hansen, 75.) Gult kort: Øssur Jacobsen, Herbert í Lon Jacobsen GÍ: Hallur Hansen – Leiv- ur Hansen, Poul Ennigarð (Jónreid Dalheim, 70.), Atli Gregersen, Hanus Jacobsen (Símun Louis Jacobsen, 5.) – Hans Pauli Petersen, Súni Olsen, Poul Henning Jacobsen, Magnus Skoralíð – Krzyzstof Popczynski, Vitus Kofoed (Poul Arne Jacobsen, 63. Gult kort: einki B68–GÍ 0–2 (0–2): Gøtumenn halda stílin B71-Sumba 2-1 (2-1): Sandoyingar á stigatalvuna Sandoyingar reistu seg, eftir at teir seinasta vikuskifti vóru fyri lemjandi ósigri á Sevmýri. Leygardagin hevði B71 vitjan av sumbingum, sum eisini høvdu tapt sín fyrsta dyst, og á heimavølli eydnaðist tað B71 at vinna ein týðandi 2-1 sigur á Sumba. Øll málini í dystinum komu fyri steðgin. Tummas P. Olsen legði tíðliga í dystinum sandoyingar á odda, tá ið hann við høvdinum bendi einum innleggi frá Clay- ton í málið, og tað gekk ikki long tíð, so økti Jónsvein Thomsen við einum frálíkum heilfluktara um munin til 2-0 til B71. Sumbingar góvu tó ikki skarvin yvir, og stutt fyri hálvleik eydnaðist tað teimum at minka um munin, tá ið Norbert skoraði til 2-1. Sandoyingarnir vóru omaná fyri steðgin, og teir kundu havt størri leiðslu, men vóru ikki nóg neyvir í avgerandi løtunum. Gestirnir royndu at trýsta í seinna hálvleiki, men B71 megnaði at halda tørn, hóast teir seinasta korterið spældu við 10 monnum, eftir at Jónsvein Thomsen hevði fingið sína seinnu ávaring. tn B71-Sumba 2-1 (2-1) 1-0 Tummas P. Olsen 2-0 Jónsvein Thomsen 2-1 Norbert Duttu ov langt aftur Pauli Jarnskor er hjálparvenjari hjá Krzyzstof Pop- czynski. GÍ veteranurin, sum í níti árunum var partur av liðnum, ið vann fýra FM heiti á rað, er sjálvandi væl nøgdur við úrtøkuna higartil. – Vit kunnu ikki annað enn vera nøgdir. Tað verður framvegis arbeitt við at samanspæla spildurnýtt lið, og higartil hevur tað gingið sum eftir ánni. Men nú fara vit at fáa okkum rættuliga royndar. Tað verður strevið í fjórðingsfinaluni í steypakappingini ímóti NSÍ, og í næsta landskappingardystinum, sum verður á heima- vølli ímóti B36, fara vit rættuliga at fáa okkum roynd- ar. Pauli heldur, at teir í 2. hálvleiki á Svangaskarði duttu í so langt aftur. – Vit vóru frammanfyri 2–0. Um vit høvdu megnað at skora eina ferð afturat, so hevði alt verið avgjørt. Tað verður ofta sagt, at tvey mála leiðsla er vandamik- il. Tað kunnu teir í B36 skriva undir uppá, eftir at KÍ kom afturíaftur ímóti teimum. B68 hevði bóltin nógv í 2. hálvleiki, men teir vóru ongantíð rættuliga vanda- miklir. Tað halda vit eisini komst av, at okkara verju- spæl var væl skipað. jh Fjúrtan ár síðani seinast GÍ og B68 eru fast inventar í bestu deildini. GÍ hevur verið har síðani 1980, og B68 hevur verið har síðani 1981. Eftir 24 uppgerðir í landskappingini á Svanga- skarði sær samantalda úrslitið soleiðis út, at GÍ hevur vunnið trettan ferðir, B68 hevur vunnið fýrar ferðir, og sjey ferðir hevur tað verið javnt. Sunnudagin vann GÍ fyri aðru ferð 2–0 á Svanga- skarði. Fyrra ferðin var í 1990. Sunnudagin fór B68 fyri sjeyndu ferð av heimavøllinum, uttan at tað hevði eydnast teimum at skora ímóti GÍ. Størsti GÍ sigurin á Svangaskarði var í 1994, tá ið teir vunnu 7–0! Í 2000 vunnu teir 7–3. Síðani tá hevur verið javnt tvær ferðir – 2–2 og 1–1 – og í fjør vann B68 fyri fyrstu ferð síðani 1989. Í fjør var úrslitið 3–2 til B68, men nú var GÍ enn eina ferð omaná. Um tað er nøkur troyst í tí, so kunnu toftamenn ugga seg við, at teir ofta plaga at standa seg betri í Gøtu, enn teir plaga at gera á heimavølli ímóti GÍ. Í løtuni tykist tað ikki víst at 25. uppgerðin á Svangaskarði millum B68 og GÍ fer at vera næsta ár. Hvussu tað at verða við tí, fer greiða at fáast á fyrst í oktober. jh Gøtumenn liggja nú einsamallir á odda í 1. deild við fullum stigatali. savnsmynd