mánadagur 12. august 2013síða 8

Mánadagur 12. august 2013 · Nr. 91 8 Sosialurin Hugskot og viðmerkingar – send sms til 225000 Summar festivalurin Besti festivalurin nakrantíð UMRØÐA Ársins útgáva av Summarfestivalinum var helst tann besti, vit higartil hava upplivað. Veðrið spælir sín avgjørda leiklut í heildarupplivingini, men samlaða niðurstøðan av tónlistarligu upplivingunum er ein pílur, sum peikar beint upp í loft Rólant Waag Dam Tað var sum við akvavitti­ num, har jubileumsútgávan er eina tonn betri enn vanliga útgávan. Summarfestivalurin hevur neyvan verið betri enn tað sama, tí tað mesta tóktist at ganga upp í eina hægri eind. Ein avlýsing var, men tað var ikki tí, at Rannvá Jacobsen hevði fingið krím ella sat veðurføst. Havnar­ daman hevði fingið skipsboð. Í Klaksvík er Summar­festi­ valurin meiri umráðandi enn KÍ, Norðoyastevnan og Føroya Bjór, so hatta er ivaleyst einasta avboðsorsøk­ in, sum tey hava fult forstáilsi fyri í fiskivinnuhøvuðsstaði okkara. Við fleiri enn 30 kon­sert­ um umframt øðrum tiltøkum av ymsum slagi, so ber illa til, at góðskan svingar eitt sindur, men yvirskipað vóru framførslurnar á Summar­ festivalinum á einum góðum støði. Byrjaði veruliga hóskvøldið Sum festivalgestur var huga­ ligt at staðfesta, at fyri­skip­ ararnir tóku allar dagar­nar, eisini hóskvøldið, í full­um álvara. Ofta hevur hós­ kvøldið á Summarfesti­vali­ num verið eitt undarligt alibikvøld, men við fyrst og fremst Mika á skránni, so høvdu fyriskipararnir gjørt greitt, at festivalurin veruliga byrjaði hóskvøldið. Tað var eisini eitt ómeta­ liga flott og gott show, sum høvuðsnavnið á festivalinum borðreiddi við. Tíverri fyri okkum, sum lurtaðu eftir konsertini, var ljóðið alt í verðini ov spakuligt. Hvussu alt hekk saman reint tekniskt veit eg ikki – og tað er eisini fyri so vítt líkamikið. Tí uppgávan hjá ljóðmanninum, sum Mika hevði við sær, var at syrgja fyri, at áhoyrarin fekk eina góð ljóðuppliving, men tað fingu vit ikki. Og tað er ógvuliga spell, tí Mika vísti veruliga, at hann er ein framúr góður undirhaldari. Seinastu 20 minuttirnar av konsertini, tá løg sum Lollipop og We are golden vórðu spæld, hoyrdist alt brádliga munandi betri – og tá kom veruliga lív í fjøldina. Henda løtan bjargaði eisini konsertini, soleiðis at tað gjørdist ein heilt hampilig uppliving hóast alt. Næsta navnið á stóra pallinum vóru Swangah. Bólk­urin hevði eina minniliga konsert í tjaldinum á Summar­festivalinum í fjør, men tað er stórur munur at spæla í tjaldinum, sum er rímiliga skjótt at fylla, hóast tað rúmar nógv fólk, og so at standa á stóra palli – serliga um Vágsbøur er lítið meiri enn hálvfullur. Men teir báðir Steen Rói Lorenzen og Ragnar David­ sen, megnaðu saman við Eyðun Müller Thomsen á trummum og Urbanusi Olsen, sum stýrdi tónleiki­ num, at taka fetið niðan á stóra pallin og ikki bara fylla, men eisini blása Vágsbø um koll. Breiðari enn vanligt Summarfestivalurin hevði í ár valt at geva smærri bólk­um og einstaklingum pláss, og tað klæddi skránni. Bólkar sum Lover Lover, MonkeyRat og Urbanus sluppu allir á pall, og hóast hesir hvørki megna at fylla Vágsbø ella eru teir mest spældu í útvarpsrásunum, so gav tað festivalinum eina eyka dimensión – umframt at skráin harvið eisini gjørdist meiri fjølbroytt enn hon ofta hevur verið. Lív Næs og maskinbyrsur Tá tað er sagt, so eru sjálvandi ávís ting, sum bæði kunnu og skulu gerast betri. Tjaldið hevur sínar fyrimunir, við tað at tað rúmar nógvum fólkum, sum kunnu standa turr og lurta eftir tónleiki. Samstundis savnar tað eisini nógv fólk á einum avmarkaðum øki, og tað ger nakað serligt við intimitetin undir framførslunum. Men