mánadagur 12. august 2013síða 11

11 Mánadagur 12. august 2013 · Nr. 91 Sosialurin Hugskot og viðmerkingar – send sms til 225000 Summar festivalurin Sangkarrieran broytti lívið Seinastu árini hevur 32 ára gamla Evi Tausen verið millum kendastu countrystjørnurnar í Føroyum, og hennara karriera sum songkvinna hevur av álvara tikið dik á seg. Men sangkarrieran hevur eisini kravt nakrar broytingar í lívinum hjá Evi. Evi Tausen var 29 ár fyrstu ferð hon sang alment, og áðrenn tað hevur hon als ikki fingist við tónleik. Men eftir at hon framførdi til sítt egna brúdleyp broyttist hennara lív nógv. Ferð kom á sang­ karrieruna, og brádliga var Evi uttanlands og tók upp fløgu, og vann heiðursløn fyri sín sang. Hóast Evi er glað fyri sína nýggju karrieru, so viðgongur hon, at karri­ eran og familjulívið til tíðir ikki hóska saman. – Eg var jú rættiliga eta­ blera í Suðuroynni áðrenn eg byrjaði at syngja, og tá eg so byrjaði at gera um meg, var eg onkursvegna noydd at broyta mítt lív rættiliga grundleggjandi, sigur Evi. Hon vísir á, at tíð­in ikki altíð røkkur til familju­døg­ urðar, føðingardagar og annað, tí tá hon hevur eina fríløtu, so brúkar hon hana saman við manninum og børnunum. – Tað er særandi til tíðir, tá ið familja ella vinir siga, at tey ikki síggja meg so ofta longur. Eg sakni tann partin av lívinum. Men hinvegin eri eg ótrúliga glað fyri at syngja, og eg hevði ikki broytt mítt lív um eg kundi, sigur Evi. Evi er eisini vorin varug við hvørjar neiligar av­leið­ ingar ein karriera sum song­ kvinna hevur við sær. Vit kenna øll til slatur og sleyg, og tað havi eg sanniliga eisini fingið oman yvir meg, sigur Evi Tausen. Hon vísir á, at tá ið fólk gerast kend í Føroyum halda onnur mangan, at tey broyta persónligheit. Men orsaka av, at Evi var 29 ár áðrenn hon byrjaði at syngja, er hon eisini í tí hepnu støðu, at hon visti hvat hon vildi áðrenn hon byrjaði. – Eg ímyndi mær, at fólk, sum gerast kend sum blaðung, allarhelst enda í fleiri støðum, sum tey ikki hava hugsað so nógv um áðrenn. Men eg eri tann sum eg eri, og veit hvat eg vil. Og eg eri als ikki broytt seinastu árini, sigur Evi. Børnini sungu við Seinastu árini hevur Evi framført óteljandi konsertin bæði í Føroyum og uttan­ lands. Fríggjakvøldið var tað so stóri pallurin á Summar­ festivalinum, sum var kar­ mur um countrykonsertina frá Evi. Eitt av kendastu løgunum hjá Evi er Blue Radio, og fríggjakvøldið á Summarfestivalinum fingu fleiri børn møguleikan, at framføra hetta lag saman við Evi. – Eg royndi herfyri at fáa børnini við at syngja, tí eg haldi sjálv hasin sangurin er rættiliga torførur at syngja. Mær dámar í veruleikanum illa at syngja hann sjálv. Men børnini komu við, og tað riggaði ordiliga væl, greiður Evi frá. Áðrenn konsertina hugs­ aði Evi um, hvørt nógv fólk fóru at koma til konsertina hetta kvøldið. Men tá ið Evi byrjaði var Vágsbøur væl fyltur av fólki. – Tað var so stuttligt at síggja fólkini á bønum. Tey hugnaðu sær, og tey sungu við alla tíðina. Hetta var nakað heilt serligt, slær Evi fast. - Hopi vit sleppa aftur Teir báðir Steen Rói og Ragnar, sum manna bólkin Swangah, høvdu eina stóra uppgávu á Summarfestivalinum hóskvøldið. Teir skuldu nevniliga enda kvøldið á stóra pallinum á Vágsbøi. – Hatta var fantastiskt. Tað ber ikki til at seta orð á hvussu stór hendan upplivingin var fyri okkum, sigur Steen Rói. Seinastu mongu árini hava fyrireikararnir av Summar­ festivalinum skipað soleiðis fyri, at tónleikurin í størstan mun er til tey ungu hóskvøld. Soleiðis varð eisini í ár. Fyrsta konsertin á stóra palli var við bretanum Mika, sum leveraði eitt ordans poppbrak. Síðani vóru tað rappararnir úr Havn, sum fingu møguleikan at enda ballið á Vágsbøi hetta hóskvøldið. Ragnar og Steen Rói hava av álvara gjørt um seg seinastu árini, og nú fingu teir so møguleikan at spæla á stóra pallinum á Summar­ festivalinum. Tað er nógv trýst á til eina slíka konsert. Hetta er uttan iva størsti pallurin vit hava verið á, so tað er nakað heilt serstakt, siga Steen Rói og Ragnar. Teir báðir eru vanir við at standa tætt við áskoðararnir, og tað hjálpir nógv, tí teir báðir eru nevniliga ógvuliga fjálturstungnir áðrenn eina stóra konsert. Vit ristast um allan kropp­ in áðrenn vit skulu inn. Men tá vit so síggja, at áskoðar­ arnir eru við okkum, so gongur tað yvir aftur, siga Steen Rói og Ragnar. Steen Rói og Ragnar vistu ikki at siga hvussu nógv fólk vóru til konsertina at byrja við, tí teir sóu ikki út á bøin fyri ljósunum á pallinum. Men tá ið øll ljósini tendraðu, og man sá allan vágsbø, vóru teir ovfarnir. – Tá vit sóu fólkini gjørdist vit púra paff, og góvu tí alt sum vit høvdu, sigur Steen Rói. Føroyar ikki hoyrt slíkt rapp áður Swangah gjørdist beinan vegin ein tann best umtókti bólkurin í landinum millum tey ungu, og við provokerandi tekstum og vælsvingandi rapptónleiki hava teir sligið sítt navn fast. – Føroyar hava ikki hoyrt rapp sum hetta áður. Vit brúka orðaspæl og eru erligir, og vit leggja ikki fingrarnar ímillum, siga teir báðir. Fyri stuttum góvu teir út eitt nýtt lag við heitinum "Øll í mínum sikti", har teir søgdu sína hjartans hugsan um kendar føroyingar - serstak­ liga aðrar tónleikarar. Vit gera tað ikki tí vit vilja vísa, at vit tora. Vit vilja heldur ikki spilla nakran út. Vit vilja bert siga okkara hugsan um samfelagið, og tey evni, sum vit taka upp, siga Steen Rói og Ragnar. Teir báðir vísa á, at teir nýttu nógv ár at skriva tekstir og hugsa um sínar boðskapir, áðrenn teir vóru til reiðar at geva sangir út til almenningin at hoyra. Men nú eru teir vísir í, at tað er neyðugt at vera erligur fyri at gera ein góðan sang, og teir fegnast um, at so nógv hava tikið teirra boðskapir til sín.