hósdagur 15. august 2013síða 9

9 Fríggjadagur 16. august 2013 · Nr. 93 Sosialurin Hugskot og viðmerkingar – send sms til 225000 Móttøkan var hjartanemandi Tór Verland Johansen, sum hevur staðið á odda fyri arbeiðinum hjá Sansum at branda Føroyar, er sera fegin um góðu móttøkuna, sum nýggja brandið av Føroyum fekk Leo Poulsen Fólk tóku stak væl ímóti framløguni hjá Sansum og Liquid Minds, og tað fegnast Tór Verland Johansen, ið hevur staðið á odda fyri framløguni sjálvandi um. – Vit eru sjálvandi væl nøgd um, at fólk eru glað fyri framløguna, tí tá tú ger eitt slíkt brand, sum vit hava lagt fram í dag, so hevur tað stóran týdning at tað verður væl móttikið, serliga av teimum fólkum, sum brandið skal dekka, sigur Tór Verland Johansen. Uttan eina góða undirtøku fyri brandinum millum fólk í ferðvinnuni, verður trupult at branda Føroyar uttan­ lands. – Tí hevur tað alt at siga, at tað verður væl móttikið, sigur Tór Verland Johansen. Tey flestu høvdu fest seg við, at Føroyar nú skulu brandast sum eitt un, ella ikki-land. – Tað er eitt hugskot, sum er sprottið úr einari rúgvu av arbeiði, millum annað kann­ ingar, sum vit hava gjørt, eitt nú kanningina, har vit hava spurt yvir 5.000 fólk sum hava verið her, sigur Tór Verland Johansen. Afturljóðið gav hugskotið til nýggja brandið. – Ferð eftir ferð hoyrdu við unbelievable, unik, untold og undiscovered, og vit vóru víða í menningini, til ein dag vit komu fram til, hvat við: unspoiled, unexplored, un­ believable, sigur Tór Verland Johansen. Hann heldur, at júst hetta sigur nógv um, hvat Føroyar hevur at bjóða. Hava eydnast Sansir og Liquid Minds vóru í kapping við níggju aðrar fyritøkur. – Vit mugu so hava verið tey, ið høvdu besta boðið upp á, hvussu Føroyar skulu brandast. Men tá tað er sagt, vóru vit í kapping, ikki bert við aðrar føroyskar fyritøkur, men við stórar altjóða fyri­ tøkur, sum hava brandað nógv lond, og sum eru von at branda býir og annað. Ikki minst tí kunnu vit fegnast um, at tað vóru vit, ið høvdu besta uppskotið, sigur Tór Verland Johansen. Men tað fylgja stórar ábyrgdir við at skula branda eitt heilt land. – Avgjørt. Eisini tí hava vit langt ógvuliga stóra orku í hetta arbeiðið, brúkt øgiliga nógva tíð upp á tað og hugsa nógv um tað. Vit hava lagt okkum eftir at gjørt eitt professionelt arbeiði, og eg haldi vit kunnu siga, at vit hava eydnast. Bara hjá Sansi hava mest sum øll verið við, eini 15-16 fólk, sigur Tor Verland Johansen. Hetta er eitt arbeiði, sum hevur staðið upp á síðani november mánaði í fjør. – Eisini í sambandi við okkara danska samstarvs­ felag hevur tað verið ógvuliga spennandi og lætt, og tá tú hevur so gott toymi og so gott fólk, ber til at røkka hesum úrslitinum, sigur Tór Verland Johansen. Tað er ein stór ábyrgd, men samstundis eisini ein spennandi uppgáva. – Men eg má siga tað, at hendan móttøkan í dag, har næstan øll, eg havi heilsað upp á, við tárum í eygunum hava takka fyri gott arbeiði, er tað besta fyri sjálvt brandið eisini, sigur Tór Verland Johansen. Brandið fer at síggjast aftur Tað eru stjórin í Atlantsflog, Magni Arge, og stjórin í Smyril Line, Rúni Vang Poulsen, samdir um. Teir vóna og vænta, at við einari ferðavinnu, sum stendur saman, fer úrslitið eisini at síggjast aftur Leo Poulsen Magni Arge er væl nøgdur við nýggju brandingina av Føroyum. – Mær líkar tað væl. Nú má eg viðganga, at eg havi verið við í pørtum av tilgongdini, og fyrr var illa, um eg ikki helt, at tað var í lagi, sum kom fram í dag. Men eg eri fegin um, at fólk hava tikið so væl ímóti nýggja brandinum, sigur Magni Arge. Hann heldur, at hetta gevur góðar vónir um, at vinnan fer at brúka brand­ ið. – Har, sum eg síggi tað stóra viðri í hesum er, at fara allir aktørarnir at brúka hetta brandið í rímiliga stóran mun, so gevur tað okkum eitt betri afturljóð úti í heimi. Harvið verður tilvitanin um Før­ oyar størri, og tað er hetta, vit hava brúk fyri, sigur Magni Arge. Hann heldur, at tað hevur stóran týdning, at vit standa saman, og ikki minst, at tað er sami boð­ skapur, sum fer út alla­ staðni frá. – Tað, sum vit hava upplivað framman undan er, at vit hava koyrt eina linju, eitt annað felag hevur koyrt eina aðra linju, og Ferðaráðið eina triðja linju, tá teir yvirhøvur hava verið á bananum. Teir hava mest sum ikki verið við í fleiri ár, men nú er Ferðaráðið við í vinnuni við so nógvum pengum, sum vit ikki hava sæð áður, og leggja so fyri við einum brandi, sum vit so kunnu velja at verða við í, sigur Magni Arge. Tá allar kreftir verða lagdar saman, er møgu­ leikin fyri at fáa afturljóð nógv størri. – Tað er stóri vinning­ urin í øllum, og so haldi eg eisini, at teir hava rakt temmiliga væl og hava skapt eina spennandi um­ boðan av Føroyum, sigur Magni Arge. Í mun til un, ella ó-brandið, hevur hann ikki nakra avgjørda støðu. - Tað fer tíðin at vísa. Eg haldi, at tað í ein ávísan mun avspeglar, at tað er rættiliga torført at seta eina orðing á, hvat Føroyar er, og tí hava teir sett upp nøkur orð, hvat Føroyar eisini er, nevniliga ótamt, óspilt, ótrúligt og so víðari. Og tað tykist at fara at virka marnkaðar­førings­ vís, sigur Magni Arge, stjóri í Atlantsflog. Týdning fyri Smyril Line Eisini stjórin á Smyril Line er ógvuliga væl nøgdur ivð nýggja brandið av Føroyum. Sum øll hini eri eg bergtikin av framløguni, og eg havi eina góða kenslu av, at hetta er byrjanin til, at nú fara vit saman at syrgja fyri, at føroysk ferðavinna kemur á breddan, og at vit fáa eina framgongd í vinnuni, sigur Rúni Vang Pousen. Hetta, at øll innan føroyska ferðavinnu nú kunnu savnast innan eitt einstakt brand er nakað, ið bíða hevur verið eftir leingi. – Er tað nakað, sum eyðkennir føroyingar, er tað, at vit ikki kunnu standa saman um nakað sum helst, men her haldi eg, at vit við Guðrið Høj­ gaard á odda, hava megnað at savna vinnuna soleiðis, at vit nú standa saman um hetta, sigur Rúni Vang Poulsen. Hann heldur, at hugs­ anin, at branda Føroyar sum eitt un, ella ikki-land, er áhugaverd. – Hetta er ein ógvuliga áhugaverdur vinkil at taka upp, men tað sær ógvuliga gott út. Á ein ella annan hátt er hetta uncompli­ cated, og tað er gott, haldi eg. Og hetta verður ein góður vinkul at markn­ aðarføra Føroyar upp á, sigur Rúni Vang Poulsen. Hann heldur, at hetta kann verða við til at náa málinum um at tvífalda ferðavinnuna. – Tað er í hvussu er einki, sum bendir á, at so ikki verður, so tað trúgvi eg upp á. Og fyri okkara viðkomandi er Smyril Line ein føroysk fyritøka, sum virkar í Føroyum, men eisini fyrst og fremst fyri, at fáa so nógv útlendsk ferðafólk at koma hendan­ vegin, sum gjørlig. Eg trúgvi, at hetta fer at fáa stóran týdning fyri okkum eisini, og vit fara sjálvandi at nýta brandið í okkara marknaðarføring, sigur Rúni Vang Poulsen, stjóri í Smyril Line. Tór Verland Johansen frá Sansum, sum hevur staðið á odda fyri nýggja brandinum Mynd: Álvur Haraldsen Rúni Vang Poulsen, stjóri á Smyril Line, fegnast eins og øll hini um nýggja brandið