hósdagur 15. august 2013síða 44

nr. 93 · 16. august 2013 8 VIKUSKIFTI Gastrosexualitetur Soleiðis verður nýggjasta rákið úti í heimi nevnt. Tað snýr seg ikki um sex, men um kynsligan samleika. Hin fyri nøkrum árum síðani so modernaði metrosexualiteturin er nú á veg út í myrkri, og menn leita maskulinu síðurnar fram aftur. Tað verður gjørt ígjøgnum matgerð – harav navnið Gastro-sexualitetur. Ein phd er skrivað um evnið, og kókibøkur, matmagasin og -sendingar úti í heimi venda sær alsamt meiri til mannliga brúkaran. Men er tað ikki ein andsøgn, at matur og matgerð framdyrka maskulinitet? Er tað ikki eitt tiltikið og søguligt kvinnuøki? Og hvussu eru føroysku menninir fyri, soleiðis reint gastrosexuelt? Vit hava spurt Gutta Winther, sum við matsendingini »Spískamarið« setir føroyska ráðvøru, menn og mat á breddan. Føroyski maðurin kennir náttúruna; hann veit bæði nær og hvussu hann skal gera sær dælt av tí, ið náttúran hevur at bjóða. Hann setir kalvalínu, skjýtur harur, fleygar fugl, flettir osv- og tað ger hann til fyrimynd fyri gastrosexuella rákinum. mynd: Heinesen Myndir