týsdagur 20. august 2013síða 15

15 Mikudagur 21. august 2013 · Nr. 95 Sosialurin Hugskot og viðmerkingar – send sms til 225000 tøkni Við at senda Lumia 520 og 720 á marknaðin hevur Nokia at kalla fylt holini í røðini. Nú er eitt breitt úrval við bæði sera bíligum Windows Phone 8-útgávum til máttmiklar premium-útgávur. Hvar er plássið hjá 720 so í hesum? Hon hevur størri skíggja og betri upploysn á myndatólinum enn 620. Hon er lættari enn 820, men hevur ikki eins gott myndatól og minni minni. Hon vísir seg frá síni bestu síðu við battarínum, sum heldur longst av øllum í Lumia-røðini, og hon er eisini tann klænasta í røðini. Uttan líkist hon Uttan líkist hon dýraru útgávunum við kantuta skapinum skalinum úr polykarbonat. Vansin við Unibody er, at tú sleppur ikki framat battarínum. Men tað finst tó ein lúka til micro-SD-minniskort, og tað er ikki altíð støðan. Skíggjastøddin upp á 4,3 tummar er hent hjá teimum, sum ikki hava so stórar hendur, tí her er lættari at stýra valmyndunum við tumlinum. Men tað er eitt vónbrot, at upploysnin ikki er betri. Góðskan á skíggjanum er annars betri enn hjá fleiri lágprís-útgávum, men tó ikki heilt á sama støði sum á dýru snildfonunum. Myndatólið er ikki meira enn 6,7 megapixerls, og tað ljóðar ikki av so nógvum í dag, tá fleiri snildfonir hava minst tað dupulta. Í góðum ljósi eru myndirnar á leið tað, sum roknast kann við. Takkað verið eini blendu upp á imponerandi f/1.9 er Lumia 720 eisini betri enn so nógvar aðrar, tá tað snýr seg um at taka myndir í vánaligum ljósi. Tað skal nevnast, at Nokia hevur hópin av góðum eyka-innihaldi til sínar snildfonir – umframt appirnar, ið eru standard í Windows Phone 8. Kortini eru góð, og til ber at taka tey niður, so tey eisini kunnu nýtast uttanlands, uttan at tað kostar eina rúgvu í útlendskari data-roaming. Navigatiónsskipanin er eisini hent at hava, tá tað er trupult at finna vegin fram. Í gerandisdegnum er tað skjótt og lætt at ferðast millum ymsu funkurnar, men tú skalt tó ikki leita leingi, áðrenn telefonin brádliga kennist tung at arbeiða við. Dupultkjarnu- gerilin hevur eitt sindur ov lágan clock- frekvens, men fyrst og fremst er minnið ov lítið, tá krevjandi app’ir skulu koyra. Niðurstøða Sum so er Lumia 720 ein góð snildfon fyri ein sámuligan prís. Hon er løtt og kløn, og hon kennist eitt sindur dýrari, enn hon veruliga er. Tú fært eitt myndatól við góðum ljósi, gott ljóð í oyratelefonirnar og nógvar hentar app’ir. Størstu kappingarneytarnir eru systkini í Lumia-røðini. 620 er enn bíligari, og 820 hevur størri megi fyri somu pengar. So um 720 er rætta telefonin til júst tín veldst um, hvat tú skalt brúka hana til, og hvørjir lutir hava størsta týdningin fyri títt viðkomandi. Gadget: Nokia Lumia 720 Væl bygd og fult lødd Analogt ur við 41 megapixel Millum-útgávan hjá Nokia hevur sínar fyrimunir, men aðrar útgávur er meira lokkandi Jonas Ekelund 2.900 krónur Meting ( 4 av 6 ) ★★★★★★ + - Ljósstyrkin í mynda­ tólinum. Væl bygd Góð battarítíð. Upploysnin á skíggjanum. Minnið Fakta Nokia Lumia 720 • Stýriskipan: Windows Phone 8 • Skíggi: 4,3" 800 x 480 IPS (217 ppi) • Geril: 1,0 GHz Snapdragon S4 dual-core • Minni: 512 MB ram / 8 GB goymsla + microSD • Myndatól: 6,7 MP f/1.9 + 1,3 MP • Tráðleyst: 802.11 b/g/n, BT 3.0, NFC • Stødd: 127,9 x 67,5 x 9 mm • Vekt: 128 g • Battarí: 2000 mAh Snild ur eru framtíðin, sigst, og hetta er helst villasta útgávan higartil Hyetis Crossbow er eitt ektað analogt ur við mekaniskum urverki, har nakað av tøkni eisini er lagt afturat. Allur elektronikkurin í urinum verður nýttur til innbygda myndatólið. Myndatólið hevur Zeiss-optik, zoom og ein myndasensor upp á ikki minni enn 41 megapixel. Ekstrema upploysnin verður tó bert nýtt internt, so myndirnar verð ahvassar. Tá myndirnar skulu goymast og flytast til snildfonina, verður støddin minkað, so myndirnar ikki fylla ov nógv. Urið nýtir wi-fi, Bluetooth og NFC til at hava samband við snildfonina, og riggar til Android, IOS og Windows Phone 8. Crossbow hevur touch-skíggja, GPS-tagging, hæddamátara, mikrofon, accelerometur og biometriskar sensorar í sjálvari reimini. Hartil hevur Hyatis ymsar app’ir í umbúna, so funkurnar kunnu gerast enn fleiri. At byrja við verður snilda urið framleitt í 500 eintøkum, og tey allar fyrstu av hesum fáa eina serstaka »early-bird« útgávu við gráum titan-kassa, sum er vatntættur niður til 250 metra dýpi. Mekaniska urverkið hevur sjálvvirkandi upptrekk við rotori, og tað gongur í 48 tímar, tá tað er trekt upp. Prísurin er $1.200