hósdagur 22. august 2013síða 28

Fríggjadagur 23. august 2013 · Nr. 96 28 Sosialurin Hugskot og viðmerkingar – send sms til 225000 ítróttur fótbóltur løgmanssteypið Tað er einki at ivast í, at René Tórgarð stendur í málinum í steypafinaluni. Hann hevur eftirhondini drúgvar royndir í málinum hjá EB/Streymi. Bæði í landskappingini, men so sanniliga eisini í Evropa og í øllum teimum steypafinalunum, sum EB/ Streymur hevur spælt. Hann stóð tó eftir við »Svarta Per« í fjør, tá hann í staðin fyri at tryggja EB/Streymi enn eitt steypagull, sendi brotssparkið í brotssparkskappingini fleiri metrar uppum. Fleiri royndir menn eru vekk í mun til farnu árini. Tí hevur Rene fingið størri týdning fyri liðið. Hann hevur trupulleikar við innleggum og tað kann blíva ein trupulleiki, tí Víkingur eru ikki bangnir fyri at senda bóltin innfyri til Finn Justinussen. EB/Streymur fær eitt fýra tal fyri málverja. Málverjin: 4 Eisini á miðvøllinum eru veikleikar at hóma í mun til liðið undanfarnu árini. Burtur eru Sorin Anghel og Pauli G. Hansen. Brian Olsen er komin aftur til felagið og Arnar Dam er umskúlaður til uppruddara á miðvøllinum. Serliga Arnar hevur fingið sítt gjøgnumbrot í ár, meðan Niels Pauli Danielsen, sum fekk sítt gjøgnumbrot í fjør, ikki hevur fingið eins nógva spælitíð í ár. Pætur Dam Jacobsen er lykilin á miðvøllinum. Nú skal hann eisini fylla skógvarnar hjá Sorini Anghel í nærdystunum. Levi Hanssen arbeiður altíð hart og ger góðan mun. Rúni Nolsøe hevur fleiri møguleikar á miðvøllinum. Gunnar Zachariasen, Levi Hanssen og Hans Pauli Samuelsen kunnu allir spæla á miðvøllinum og í álopinum. So tað er eitt sindur eftir hvussu Rúni velur at blanda kortini. Um vit ganga út frá, at miðvøllurin verður mannaður av Pæturi, Levi og Arnari, so er nokk av renniorku, men nakað minni av kropsligari styrki og royndum enn vit kenna frá øðrum EB/Streyma liðnum. Miðjan: 4 Eftir tjúgu umfør hevur EB/Streymur latið 24 mál ígjøgnum. Eftir somu tíð í fjør hevði liðið bara latið 18 mál ígjøgnum, og lótu til samans bara 27 mál ígjøgnum. Egil á Bø hevur bara spælt nakrar fáar dystir í ár og útskifting er eisini á bakkinum, umframt at miðvøllurin er uttan eitt nú Sorin Anghel og Paula G. Hansen. Alt hetta ger, at verjan hjá EB/Streymi ikki er eins stinn og hon hevur verið fyrr. Egil á Bø var við á Toftum farna umfar, men heldur ikki tað hjálpti, tá sundalagsmenn taptu 1-0 fyri NSÍ. Egil og Marni Djurhuus eru ein roynd og góð verja, meðan bakkarnar hava haltað eitt sindur í mun til undanfarnu árini. Har kunnu víkingarnir verða stinnir og tí kann tað blíva ein veikleiki hjá sundalagsmonnum. Verjan fær eitt 3-tal. Verjan: 3 EB/Streymur hevur fýra góðar spælarar til trý tey fremstu plássini. Hans Pauli Samuelsen verður helst á vinstra vongi, men hevur hug at leita inn á miðvøllin, meðan Levi tekur yvir á vonginum. Í høgru verður Leif Niclasen, sum er næst toppskjútti í føroyskum fótbólti. Stóri spurningurin er so, um tað verður Arnbjørn Hansen ella Gunnar Zachariasen, sum verður fremsti maður. Arnbjørn stríðist við eini fiburspreinging í baklærinum. Er hann klárur, so spælir hann. Hinvegin, so tykist Gunnar Zachariasen vera ein spælari, ið dámar væl teir stóru dystirnar. Sjálvt um Arnbjørn er við frá byrjan, er ikki heilt ógjørligt at finna eitt pláss Gunnar á liðnum – spurningurin er bara hvør so skal út. Álopið hjá EB/Streymi er gott og hevur fleiri variantar. Eitt 5-tal. Álopið: 5 Rúni Nolsøe hevur ikki eins nógvar royndir sum Sigfríður Clementsen í venjarastarvinum. Hann stóð saman við Símun Eliasen á odda fyri ÍF í steypafinaluni í 2011. Hana tapti ÍF 3-0 fyri EB/Streymi. Sum venjari hjá HB tapti hann eisini samanlagt fyri B36 í hálvfinaluni. Rúni manglar enn at prógva, at hann kann vinna teir stóru dystirnar fyri EB/Streym. Hann prógvaði móti FC Lusitans úr Andorra, at hann hevur fatur á rætta endanum, men tað er ivasamt við mótstøðuni í tí dystinum. Venjarin: 3 undan finaluni EB/Streymur Metingar 1-6 Lagt til rættis: Tróndur Arge Søgan hjá EB/Streymi í steypa­ kappingini er í einum flokki fyri seg. Teir eru í steypafinaluni fyri sjeyndu ferð upp í slag. Tað í sær sjálvum burdi givið teimum eitt 6-tal. Men hevði tað ikki verið fyri tapini í 2009 og 2012 fyri júst Víkingi, so høvdu øll søgutølini tala fyri einum sigri til sundalagsmenn. Søgan: 5 Myndir: Álvur Haraldsen