mánadagur 26. august 2013síða 13

13 Mánadagur 26. august 2013 · Nr. 97 Sosialurin Hugskot og viðmerkingar – send sms til 225000 ítróttur Tróndur Arge Tað vóru kend nøvn, sum Lars Olsen, landsliðsvenjari, bar fram, tá ið hann á tíðindafundi leygardagin, tá hann boðaði frá, hvørjir spælarar skulu vera við í fyrireikingunum til lands­dystirnar ímóti Kasakhstan og Týsklandi. Og landsliðsvenjarin fjaldi ikki, hvat tað er, sum tað skal betrast um, og hvat tað er, sum hann er nøgdur við, eftir at landsliðið hevur spælt í Svøríki og í Íslandi: – Verjuparturin er komin meiri ella minni upp á pláss. Skipanin er góð, og persónligu mistøkini eru fá. Tað bilar meiri í framrættaða partinum. Hetta er ein partur av frágreiðingini uppá broytingarnar, sum eru gjørdar, síðani vit vóru í Íslandi og spældu venjingar­ dyst. Vit skulu fáa størri tyngd og samanhang í fram­ rættaða spælið, segði lands­ liðsvenjari. Teitur á U21 landsliðið Teitur M. Gestsson, sum hev­ ur verið á landsliðnum sein­ astu ferðirnar, verður ikki við tvær tær næstu ferðirnar. Sein­astu ferðirnar hevur Kristian Joensen spælt á U-21 landsliðnum. Nú skal Teitur verja U-21 málið. Málverjar á A-landsliðnum eru Gunnar Nielsen, Motherwell, Kristian Joensen, NSÍ, og Hans Jørgensen, HB. Lars Olsen hevur skift millum at senda Teitur M. Gestsson, Kristian Joensen og Hans Jørgensen til U21 landsliðið. Hetta fyri at geva teimum spælitíð á altjóða stigi, tí Gunnar Nielsen er tryggur 1- málverji á A-lands­ liðnum. Gunnar sat tíverri aftur á bonkinum hjá Motherwell, tá teir um vikuskiftið vunnu 1-0. Verjan líkist sær sjálvari Odmar Færø er ikki tøkur vegna skaða og er fyribils ikki tøkur. Tíverri tykit talan verða um álvarsligan skaða. Jóhan T. Davidsen er við aftur á landsliðnum, eftir at hann var í útbúgvingarørindum, tá lands­liðið var í Íslandi og spældi venjingardyst. Verjuspælararnir eru Jónas Tór Næs, Valur, Atli Gregersen, Víkingur, Rógvi Baldvinsson, Bryne, Jóhan Troest Davidsen, HB, Erling Jacobsen, Víkingur, Viljormur Davidsen, Vejle BK, og Ári M. Johannesen, Silkeborg. Lars Olsen fegnaðist eisini um, at Ári Mohr Jónsson og Viljormur Davidsen í løtuni fáa spælitíð í ávíkavist Silke­ borg IF og Vejle BK í donsku 1.deild. Kend nøvn á miðjuni Miðvallarspælararnir eru Fróði Benjaminsen, HB, Súni Olsen, B36, Heini Vatnsdal, HB, Hallur Hansson, AaB, Christian R. Mouritsen, HB, Símun Samueslen, HB, og Pól Jóhannus Justinussen, NSÍ. Allir eru kendir í lands­ liðs­høpi, men Lars Olsen legði dent á, at hann skal hava frískar menn til báðar dystirnar. Hendan lærdómin fekk Lars, tá føroyska lands­ liði fyrst spældi ein brand­ dyst móti Svøríki, fyri síðani at tapa seinna hálvleik móti Írlandi greitt fáa dagar seinni. Tí kundi verið líkt til, at allir sjey miðvallararnir koma at fáa onkran leiklut. Í Íslandi var Christian R. Mouritsen at finna á høgra vongi, meðan Hallur Hansson var á vinstra vongi. Tað er helst fyri at testa teir undan fráferðini til Kasakstan. Arnbjørn úti Álopsspælararnir eru Jóan Símun Edmundsson, Viking Stavanger, Christian Lamhauge Holst, Silkeborg, og Páll Klettskarð, KÍ. Lars Olsen segði á tíðina­ fundinum, at um Arnbjørn Hansen ikki hevði verið skadd­ur í kvøld, so hevði hann verið á listanum. Vøddaskaðin í kvøld ber harvið við sær, at álopsessið hjá EB/Streymi, Arnbjørn Hansen, ikki verður førur fyri at spæla næstu vikurnar. – Skaðin tóktist vera so mikið álvarssamur, at vit ikki rokna við, at Arnbjørn verður førur fyri at spæla, tá ið vit skulu spæla landsdystir ímóti Kazakstan og Týsklandi, og tí síggja vit burtur frá honum, staðfesti landsliðsvenjarin í samrøðu við Rás2. Sjálvur er Arnbjørn Hansen ikki bjartskygdur við­víkjandi fótbóltinum rest­ ina av árinum. – Eg setti alt á eitt brett í dag, og tað gekk ikki. Eg umboði fyri EB/Streym, og tað hevur størsta týdning­in, men sjálvandi er tað harmu­ ligt ikki at hava møguleika at umboða Føroyar. Men nú fáa vit at síggja, hvussu tað verður við fótbóltinum hjá mær restina av árinum, segði Arnbjørn Hansen. Lars Olsen hevur ikki valt at taka nakran í staðin fyri Arnbjørn Hansen. Sum skilst hevur hetta eisini nakað við visum at gera. Tað er ikki bara sum at siga tað, at fáa visum til spælararnar. Annars hevði Finnur Justinussen verið eitt upplagt boð til ein avloysara fyri Arnbjørn. Landsliðið skal spæla á útivølli ímóti Kasakhstan 6. sepember og á heimavølli ímóti Týsklandi 10. sep­ tember. trondur@sosialurin.fo Fótbóltur Lansliðið úttikið Føroyska landsliðið, sum skal takast við Kasakstan og Týskland er úttikið. Talan er um kend nøvn í landsliðshøpi Mynd: Álvur Haraldsen