mánadagur 26. august 2013síða 19

19 Mánadagur 26. august 2013 · Nr. 97 Sosialurin Hugskot og viðmerkingar – send sms til 225000 ítróttur Fótbóltur Einki riggaði Rene Tórgarð: 4 Kundi einki gera við málini hjá Víkingi. Bjargaði hinvegin, tá millum annað Kaj Leo Í Bartalsstovu kom einsamallur móti honum. Arnbjørn Hansen (Út 13.min) Spældi bara eina løtu og rakti yvirleggjaran, men ov stutt tíð til at gera eina meting. Arnar Dam: 3 (Út 66.min) Millum betri spælararnar hjá EB/Streymi, men kláraði ikki at halda javnvág í, tá Víkingur fór í mótálop. Vísti í løtum góða fyrstu nerting og gjørdi ikki ov nógv av. Egil á Bø: 2 Átti sum so ikki lut í málunum hjá Víkingi, men var partur av eini verju, sum ikki riggaði til fulnar. Varð fluttur fram í álopið uttan at gera stórvegis mun. Pætur Dam Jacobsen: 3 Stríddist allan dystin á tamb, men tað bleiv sjádan umsett til tað vandamikið. Vinnur altíð nógvar nærdystir, men kom ongantíð við sínum renningum aftur um verjuna, sum hann plagar. Gert Hansen: 2 Bæði málini hjá Víkingi koma eftir uppspæl í hansara síðu. Bleiv trýstur hvørja ferð hann hevði bóltin og lítið kom burtur úr longu innkøstunum. Hans Pauli Samuelsen: 2 Royndi seg við óteljandi innleggum og avleveringum í eini roynd at fáa hol á verjuna hjá Víkingi, men einki riggaði. Saknaði helst Arnbjørn Hansen, tí samanspælið við Gunnar er ikki líka gott. Dánjal Davidsen: 2 Var valdur framum Rógva Egilstoft Nielsen á vinstra bakk. Átti helst Sølva Vatnhamar í 2-0 málinum. Royndi at brúka styrkina í deyðbóltsstøðunum, men tað bleiv ikki umsett til mál. Leif Niclasen: 2 (Inn 73.min) Ágrýtni manglaði ikki, men tað kom bara ov lítið burturúr. Hevði sína bestu løtu stut fyri hálvleik, tá hann fleiri ferðir var á bóltinum og bjóðaði av, men tað riggaði ikki. Gunnar Zachariasen: 2 (Inn 13.min) Hevði torførar umstøður í álopinum, tí EB/Streymur endar við at senda langar bóltar fram. Megnai ongantíð at seta sín dám á dystin. Niels Pauli Danielsen: 2 (Inn 66.min) Kom inn seinasta hálva tíman, tá EB/ Streymur trýsti, men megnaði heldur ikki at seta sín dám dystin. Rógvi E. Nielsen: 2 (Inn 73.min) Kom inn á vinstra vong og var síðani fluttur á høgra vong. Er verjuspælari, so tað var ilt at síggja hvat hann skuldi so langt frammi á vøllinum. Marni Djurhuus: 2 Satsaði í taklingini undan 1-0 málinum og tapti. Tað kostaði dýrst. Vann annars nógvar nærdystir og rennidystir, men eins og við Egil, so riggaði verja ikki til fulnar og tað telur niður. Levi Hanssen: 2 Spældi skiftivís á vinstru mið og inn á miðjuni. Plagar at verða millum sjónligastu spælararnar hjá sundalagsmonnum, men lítið riggaði hesaferð. EB/Streymur Stóri spurningurin undan finaluni var um Arnbjørn Hansen bleiv klárur. Sjálvt undir upphitingini var ógreitt um Arnbjørn kundi spæla. Endaliga avgerðin bleiv ikki tikin fyrr enn spælararnir komu á vøllin. Hann helt í átta minuttir, so breyt skaðin uppaftur. Hóast Gunnar Zachariasen var biðin um at hita upp í fall at Arnbjørn ikki var klárur, so tók ta honum fleiri minuttir at koma á vøllin, tí hann ikki sat klárur á bonkinum. Løtu seinni skoraði Víkingur tvær ferðir og so var støðið líka sum lagt fyri kvøldið. EB/Streymur hevði einki aftursvar, eftir at Arnbjørn var farin út og Víkingur kom á odda. Eina løtu seint í fyrra hálvleki eydnaðist tó at fáa lagt verjuna hjá Víkingi undir trýst, men tað bleiv ikki meir enn til tað. Miðskeiðis í seinna hálvleiki varð Egil á Bø sendir fram í álopið, men heldur ikki tað hjálpi nakað. EB/Streymur er iki eins sterkt ov tað hevur verið undanfarnu árini og tað var sjón fyri søgn leygardagin. Lagt til rættis: Tróndur Arge