hósdagur 29. august 2013síða 45

nr. 99 · 30. august 2013 9 mynd: Sissal Kampmann JÓLAHJÁLP Rólant Waag Dam rolant@sosialurin.fo Síðani 2010 hava vit í Føroyum við jøvnum millumbili hoyrt um – og fleiri okk­ara stuðlað – Í mennskjum góður tokki. Men nú flytir hetta stuðulstiltak seg út um føroysku bøgarðarnar, tí í Keyp­mannahavn hava Marin Helena Hentze og Gert Róðá tikið stig til tvey tiltøk, hvørs endamál er at savna inn pen­ing til Í menniskjum góður tokki. – Alt byrjaði við, at vit í føroysku fjølmiðlunum sóu, at nógv ymisk tiltøk vóru um jóltíðir í Føroyum, og at hesi ofta vóru til frama fyri einum góðum enda­máli. So fóru vit at hugsa, hví er einki líknandi tiltak í Keypmannahavn, tá so nógvir føroyingar eru her í bý­ num. Hví ikki gera nøkur tiltøk í Keyp­manna­havn, har endamálið er at savna inn pening til okkurt vælgerandi enda­mál í Føroyum?, greiðir Gert Róðá frá. Saman við Marin Helenu Hentze hevur hann tískil tikið stig til eitt bingo, sum verður í Føroyahúsinum 12. september og eina jólakonsert í Linde­vang Kirke á Frederiksberg tann 5. desember. Føroyskt fyri føroyingar – Tað var beint fyri jól í fjør, at vit bæði fingu hugskotið. Hví ikki royna at gera okkurt sjálvi, heldur enn at bíða eftir, at onkur annar ger tað? Eg kendi ikki so nógv til Í menniskjum góður tokki, men tað gjørdi Marin. Og eftir at hava hugt nærri eftir hvat tey gera og hvørji tey eru, so var eingin ivi. Í menniskjum góður tokki er heilt rætta endamálið at stuðla. Vit eru hugtikin av arbeiðinum, sum tey gera og allari orkuni, sum tey nýta fyri at hjálpa øðrum. Púra sjálv­ boðið arbeiði. Tað kunnu vit ikki annað enn beundra, sigur Gert Róðá. Men hví velja tit at stuðla einum føroyskum stuðulstiltaki, heldur enn einum donskum, tá tykkara tiltøk verða hildin í Danmark? – Vit hugsaðu eisini fyrst um onkur donsk tiltøk, sum vit kundu stuðla. Men tá tiltøkini, sum vit skipa fyri fyrst og fremst eru føroysk og fyri føroyingar, so var tað so líkatil, at endamálið eisini var føroyskt, sigur Gert Róðá. Øll arbeiða ókeypis Tað er longu rættiliga langt síðani, at tey bæði Gert fóru undir fyrireikingarnar til tiltøkini, sum vera í heyst og í vetur. – Bæði føroyingar og danir hava latið vinningar, einstaklingar og virkir, og undirtøkan hevur heilt góð. Hetta er eisini galdandi, tá tað kem­ur til tónleikararnar, sum allir hava játt­ að at spæla ókeypis, soleiðis at mest møgu­ligur peningur kemur inn. Øll onnur, sum hjálpa til, arbeiða eisini ókeypis. Tey flestu í Føroyum kenna eisini til Annlis Bjarkhamar og henn­ ara verkætlan, og vilja gjarna hjálpa, fortelur Gert Róðá, sum vónar at før­ oy­ingar í Keypmannahavn fara at taka líka væl í móti tiltøkunum, sum øll tey, ið so ella so stuðla bæði bingo og jóla­ konsertini, sum Marin Helena Hentze og hann skipa fyri. Í menniskjum góður tokki í Danmark Átakið hjá Annlis Bjarkhamar, sum veitir fíggjarliga sperdum familjum í Føroyum hjálp, fær nú eina hjálpandi hond úr Danmark. Í Keypmannahavn fara Gert Róðá og Marin Helena Hentze at skipa fyri tiltøkum í vetur, har allir pengarnir, sum koma inn, fara til Í mennskjum góður tokki – Hví er einki stuðulstiltak í Keypmannahavn, tá so nógvir føroyingar eru her í býnum, hugsaðu tey bæði Gert Róðá og Marin Helena Hentze, sum tískil hava tikið stig til tvey stuðulstiltøk Gert Róðá er 42 ár, havnarmaður og búsitandi í Keypmannahavn, har hann starvast sum kokkur í Føroyahúsinum. Marin Helena Hentze er 32 ár og úr Vági. Hon lesur ferðavinnufrøði og starvast á skrivstovuni hjá Meginfelag Føroyskra Studenta. Fakta – Tey flestu kenna eisini til Annlis Bjarkhamar og hennara verkætlan, og vilja gjarna hjálpa, sigur Gert Róðá Jólakonsertin í Lindevang Kirke Hesi spæla tann 5. desember: • Guðrun Sólja Jacobsen & Vocalicious • Kim Hansen • MonkeyRat • Stanley Samuelsen • Ernst Sondum Dalsgarð & Páll Sólstein • Hans Petur í Brekkunum • Mo Millar • Súsanna Herálvsdóttir • Laila Rong Hanna • Rannvá • Heiðrun Petersen & Doria Kvartettin • Lea Kampmann • Margreta á Rógvu & Christan Asmussen