hósdagur 29. august 2013síða 46

nr. 99 · 30. august 2013 10 VIKUSKIFTI Summarið ið fór Summarið er farið at halla, og fyri framman stendur heystið. Tað er hugligt í Føroyum um summarið, tá ið stór tiltøk verða hildin kring landið, veðrið er gott, og nógv fólk eru í landinum. Her taka vit samanum nøkur av stóru tiltøkunum, sum vóru í summar Voxbotn Stórur dagur við góðum tónleiki Fyri aðru ferð var Voxbotn konsertdagurin hildin í Vágsbotni í Havn, og aftur hesaferð møtti nógv fólk til tiltakið, og tá ið komið var út á kvøldið, var eisini gott lív í áhoyrarafjøldini. Ætlanin var, at songkvinnan Aura Dione skuldi verða eitt av høvuðsnøvnunum, men hon gav avboð av heilsuávum. Tónleikararnir, sum møttu til konsertdagin, syrgdu tó fyri, at fólk hugsaðu ikki um avboðið, men hugnaðu sær óført. Framførslurnar við gomlu Iron Maiden sangarunum, Nik & Jay, føroyskum All-Stars og Páll Finnur Páll stóðu sera sera sterkar í myndini. Umleið 4.000 fólk vóru til Voxbotn. G! Festivalurin Minniligur sólfestivalur Sjáldan hevur veðrið verið so gott á G! Festivalinum, sum tað var í ár. Nógv sól, nógvur hiti og gott lag á fólki. Á pallinum mundi Nephew, sum er vinarbólkur við G! Festivalin, hava bestu framførsluna, men aðrar frálíkar framførslur vóru eisini – eitt nú við Ásgeir Trausti, Byrta og Høgni Lisberg. Summarveðrið var eisini eitt høvuðsnavn hesaferð, og leygardagurin við brennandi sól á Gøtusandi var fantastiskur, og skýmligu kvøldini í hugnaliga umhvørvinum vóru enn einaferð framúr góð. Ólavsøka Traditionell tjóðarhátíð Ólavsøkuhaldið líktist sær sjálvum. Tiltøkini, sum í nógv ár hava verið partur av ólavsøku, vóru har aftur í ár, og tey stóru tiltøkini savna framvegis nógv fólk. Ólavsøkuhaldið toppar ólavsøkukvøld, tá ið sera nógv fólk eru í býnum. Miðlahúsið skipar fyri undirhaldið, og eftir tað er midnáttarsangurin og føroyski dansurin á Vaglinum. Sjáldan hava so nógv fólk verið til sangin, sum tað vóru í ár. Og annars var gingið omaneftir og niðaneftir í hampuliga góðum veðri, hóast regnið eisini argaði partar av ólavsøkuni. lagt til rættis: Eyðun Klakstein